អង្គរក្ស ឧកញ៉ា ត្រកូល លឹមមួយជាប់គុក ដោយសារបាញ់គ្នាឯងកាលពីឆ្នាំ២០២២ ឥឡូវអង្គរក្ស ឧកញ៉ា ត្រកូល លឹម ចេញមកកាចៗទៀត!?
10-April-2024 / ព័ត៌មានជាតិ
ភ្នំពេញ : អ្នកលេង facebook ខ្លះបានលើកឡើងថា បើខ្លួនមានអំណាចមានប្រាក់កាស កក់ផ្លូវធ្វើដំណើរក្រុមខ្លួនឯងទៅ ហេតុអីមក ធាក់ប្រជាពលរដ្ឋដែលបានបង់ពន្ធផ្លូវដូចគ្នា?។ករណីយ៍នេះនៅ តាមបណ្ដាញទំនាក់ទំនងសង្គម facebook និងប្រពន្ធផ្សព្វផ្សាយ បានបង្ហោះព្រោងព្រាត ពីសកម្មភាពរបស់អង្គរក្សចំនួន 4 នាក់ ជិះម៉ូតូ 2 គ្រឿង អមរថយន្តមេរបស់ខ្លួន បានធ្វើសកម្មភាព ធាក់អ្នកធ្វើដំណើរតាមផ្លូវ ទាំងកម្រោល និងសម្លុត ដោយសារតែ បាំងរថយន្តរបស់មេ ដែលមិនមានឋានៈអាទីភាពអ្វីសោះ។
សារព័ត៌មាន បានដកស្រង់ទាំងស្រុងពី គណនី Facebookមួយឈ្មោះ «គាំទ្រគណបក្សប្រជាជន ដើម្បីប្រជាជន »ថា!មុននេះបន្តិច ខ្ញុំបានឃើញហេតុការមួយដែលកើតឡើងនៅលើផ្លូវចាក់អង្រែក្រោម ដែលមានអង្គរក្សពីរម៉ូតូ មានគ្នាបួននាក់ដែលបានជិះតាមឡានម៉ាក Roll Royce ពណ៌ខ្មៅ ដែលមានអង្គក្ស ចរឹកដូចជាជនពាល ពួកបាតផ្សារ បានធាក់ម៉ូតូបងប្រុសម្នាក់ដែលបានជិះនៅលើគន្លងផ្លូវស្តាំរបស់គាតហើយបុរសពីរនាក់ដែលមានកាន់វិទ្យុទាក់ទងបានព្យាយាមជិះទៅគៀគាត់នៅខាងមុខ តែដោយសារជិះវ៉ាជែងមិនបានដោយសារគាត់នៅពីរមុខហើយជែងមិនផុតព្រោះគាត់ជិះយឺត ហើយក៌បានធាក់គាត់ពីក្រោយ និងចុះមករករឿងរកវ៉ៃគាត់គាត់ ហើយនិយាយថាជិះហ្នឹងមានមើលឡានគេទេ ខ្ញូំចង់សួរថាឡានមេគាត់ហ្នឹងជាឡានក្បួនឬផ្លូវហ្នឹងធ្វើសំរាប់តែពួកគាតជិះទេ?។
.បើយើងចង់លឿនតាមមេកើយទេ យើងជិះទៅជិតគាត់ហើយប្រាប់គាត់ទៅថាបងខ្ញុំសុំទៅមុនមួយដើម្បីតាមឡានមេ នេះជាសុជីវធម៌និងការគោរពអ្នកដ៏ទេ មិនមែនចរឹកពាលជិះគៀចូលទៅគន្លងផ្លូវគេហើយ ធាក់ម៉ូតូអោយជៀសផ្លូវហើយរករឿងរកវ៉ៃគេនោះទេ។ ដូច្នេះសូមអជ្ញាធរមានសមត្ថកិច្ចជួយមើលនិងចំណាំផង និងសូមផ្តាំអស់លោកមួយចំនួនជួយមើលនិងបង្រៀនកូនចៅអោយមានសិលធម៌ ក្នុងការបើកបរផង សូមអរគុណ ។អ្នកលេងបណ្តាញសង្គមខ្លះទៀតបានបង្ហោះថា ( អង្គរក្ស ឧកញ៉ា ត្រកូល លឹម ដែលធ្លាប់បាញ់សម្លាប់គ្នាឯងកន្លងមកនៅបឹងកេងកងកាលពីឆ្នាំ២០២២ កំពុងជាប់ពន្ធនាគារហើយ ។ ឥឡូវអង្គរក្ស ឧកញ៉ា ត្រកូល លឹម ចេញមកកាចៗទៀតហេីយ) ។គេបន្តថា សូមកុំកាចពេកវើយ ពេលមានរឿង ឧកញ៉ា ជួយមិនបានទេ ធ្វើស្លូតៗបានហើយ ។
ប្រភពគួរឲ្យជឿទុកចិត្ត បានបង្ហើបថា ក្រុមអង្គរក្សដ៏ជម្រើសធាក់អ្នកដំណើរ ជាក្រុមអង្គរក្សរបស់ឧកញ៉ា លឹមរស់ ! ប៉ុន្តែគេពុំដឹងថាគាត់នៅក្នុងរថយន្តនោះ ឬមួយអ្នកផ្សេង។ ដោយឡែកឯកសារពាក់ព័ន្ធនឹង រថយន្តម៉ាក ROLLS ROYCE ពណ៌ខ្មៅ ពាក់ផ្លាកលេខ ភ្នំពេញ 2BL-1717 ម្ចាស់កម្មសិទ្ធិករ ឈ្មោះ សុទ្ធី ម៉ូនីកា ភេទស្រី មាន អត្តសញ្ញាណប័ណ្ណលេខ 011099988 ។ ប្រភពដដែលបានបន្តថា : ក្រុមគ្រួសារឧកញ៉ា លឹម រស់ មានរថយន្តជាច្រើនគ្រឿង ពាក់ស្លាកលេខ 1717 ដូចៗគ្នា។ ម្យ៉ាងវិញទៀត ! បើត្រូវចេញដំណើរម្ដងៗ យ៉ាងហោចណាស់ក៏មានអ្នកអមតាមរថយន្ត ចាប់ពីបួននាក់ 5 នាក់ 6 នាក់ ដល់ 8 នាក់។
សារព័ត៌មាន មិនអាចធ្វើការទំនាក់ទំនងសុំការបំភ្លឺបានទេ ពីលោកឧកញ៉ា លឹម រស់ ដោយគ្មានលេខទូរសព្ទ នៅរសៀលថ្ងៃទី១២ ខែកក្កដា ឆ្នាំ២០២៣ ។ ម្យ៉ាងវិញទៀត ខាងម្ចាស់រថយន្តដូចជាពុំទាន់ឃើញចេញមុខបកស្រាយអ្វីឡើយ។ ក្រុមអង្គរក្សទាំងនោះ ក៏មិនឃើញមាន សមត្ថកិច្ចចេញមកបញ្ជាក់អំពីអត្តសញ្ញាណនៅឡើយ។ សារព័ត៌មាននឹងរង់ចាំទទួលការបំភ្លឺណាមួយ ពីភាគីពាក់ព័ន្ធ ដែលបានបង្ហាញការពិត ដើម្បីជាប្រយោជន៍ឲ្យសាធារណៈជនបានដឹង ៕
