កាសែតរាយការណ៍បទល្មើសនេសាទមន្ត្រីជលផលប្រាប់ថាចាប់យកមកគេគ្មានកម្លាំងចាប់ទេ?
19-January-2026 / ព័ត៌មានជាតិ
កំពង់ស្ពឺ៖បទល្មើសនេសាទប្រើឧបករណ៍ហ្ស៉ីបឬហៅថា(ជន)ខ្នាតធំចំនួន៥គ្រឿងប្រើដោយកម្លាំងម៉ាស៊ីន ខ្នាតធំប្រភេទដូចជាម៉ាស៊ីន: Masda highlander lexus និងNisann ជាដើម ត្រូវបានក្រុមអ្នកសារព័ត៌មានប្រទះឃើញកំពុងធ្វើសកម្មភាពរុញចូកយកត្រីនាពេលយប់ក្នុងថ្ងៃទី 13 ខែវិច្ឆិកាឆ្នាំ 2023 ត្រង់ចំណុចឡូ 12 ស្ទួន(កោះក្រញាណ)ស្ថិតក្នុងភូមិសាស្ត្រទឹកដីឃុំឆ្នុកទ្រូត្រូវបានក្រុមអ្នកសារព័ត៌មានប្រទះឃើញ ចាប់ត្រីទាំងយប់។
ក្រុមទូករុញស៊ីបនេះកំពុងធ្វើសកម្មភាពកាលពីវេលាម៉ោង៨៖០០នាទីយប់ថ្ងៃទី១៣ ខែវិច្ឆិកា ឆ្នាំ២០២៣ហើយអ្នកសារពត៍ក៏បានរាយការណ៍ជូនមន្ត្រីជំនាញទាំងយប់ផងដែរ។ក្រុមការងារអ្នកបណ្ដាញការព័ត៌មានក៏បានរាយការណ៍ជូនទៅលោកលោកលី ឡានាយខណ្ឌេជលផលកំពង់ឆ្នាំង ផងដែរបន្ទាប់ពីបានរាយការណ៍ទៅជំនាញរួចហើយ លោករង់ចាំនៅកន្លែងកើតហេតុអស់រយៈពេលជាងមួយម៉ោងទើបលោក លី ឡា នាយខណ្ឌរដ្ឋបា លជលផលកំពង់ឆ្នាំង ទូរស័ព្ទមកប្រាប់វិញថាខាងជំនាញរដ្ឋបាលជលផលរបស់លោកមិនមានកម្លាំងចុះទៅបង្ក្រាបនោះទេ។ នៅឆ្នុកទ្រូមានតែម្នាក់ បើលោកឱ្យកម្លាំងទៅពីកំពង់ឆ្នាំងទៅយកខ្លាចក្រែងយូរ។លោកនាយខណ្ឌរដ្ឋបាលជលផលក៏បានឱ្យក្រុមការងាររបស់សារព័ត៌មាននាំទូកជនទាំង៥គ្រឿងនោះទៅដាក់នៅសង្កាត់រដ្ឋបាលជលផលឆ្នុកទ្រូផង?។ប៉ុន្តែក្រុមអ្នកសារព័ត៌មានបានឆ្លើយទៅវិញថាអ្នកសារព័ត៌មានគ្មានសិទ្ធិចាប់ចងឬក៏នាំរឹបអូសបទល្មើសនោះទេ។
សម្ដីលោកនាយខណ្ឌបញ្ជាអ្នកស្រែព័ត៌មានឲ្យនាំយកទូកជាន់ទាំងនោះទៅដាក់កន្លែងសង្កាត់ជល់ផលឆ្នុកទ្រូបែបនេះដើម្បីយករួចខ្លួនក្នុងន័យដាក់បន្ទុកឲ្យអ្នកសារព័ត៌មានថា មានកំហុសហ៊ានឃាត់បទល្មើស?។
តើទូកជននោះគេអាចទៅតាមអ្នកសារព័ត៌មានដែរឬទេ? ព្រោះអ្នកសារព័ត៌មានមិនមែនជាសមត្ថកិច្ចជំនាញរដ្ឋបាលជលផលឯណា។ ដោយយប់កាន់តែជ្រៅអ្នកសារពត៍មានក៏បាននាំទូកនោះបម្រុងយកទៅប្រគល់ជូនសង្កាត់រដ្ឋបាលជលផលឆ្នុកទ្រូ ប៉ុន្តែពេលចេញដំណើរបានតែបន្តិចទូករុញជនទាំង អស់នោះមិនបានទៅតាមក្រុមអ្នកសារព័ត៌មាននោះទេ ដោយពួកគេបានបើកទូករត់គេចបាត់អស់។
ជុំវិញករណីខាងលើនេះលោក ងិន ហ៊ុន ប្រធានមន្ទីរក សិកម្ម រុក្ខាប្រមាញ់ និងនេសាទខេត្តកំពង់ឆ្នាំង ក៏បានបញ្ជាក់ប្រាប់បណ្ដាញព័ត៌មានតាមទូរស័ព្ទនៅព្រឹកថ្ងៃទី១៤ ខែវិច្ឆិកា ឆ្នាំ២០២៣ឲ្យដឹងផងដែរថា ករណីទូករុញជនប្រើដោយកម្លាំងម៉ាស៊ីនខាងលើនេះគឺច្បាប់ហាមដាច់ខាត់មិនអនុញ្ញាតនោះឡើយ ករណីនេះគឺជាបទល្មើសដែលមិនត្រូវលើកលែងឲ្យជាដាច់ខាត។លោកបានបញ្ជាក់ឲ្យដឹងទៀតថា ពាក់ព័ន្ធទៅនឹងមន្ត្រីជំនាញរបស់លោកដែលថា ខ្វះកម្លាំងក្នុងការចុះសហការជាមួយក្រុមអ្នកសារព័ត៌មានដែលពួកគាត់បានចំណាយទាំងពេលវេលា ទាំងថវិកា និងប្រឈមបញ្ហាជាច្រើនជាមួយក្រុមជនល្មើស ដោយក្រុមអ្នកសារព័ត៌មានបានឃាត់ទូករុញជនប្រើដោយកម្លាំងម៉ាស៊ីនបានចំនួន៥គ្រឿងហើយ គ្រាន់តែនាំកម្លាំងជំនាញទៅយកក៏ធ្វើមិនបានដែរ បែរជាឆ្លើយថាគ្មានកម្លាំងចុះទៅនាំយកទូករុញជនល្មើសទាំងនោះមកកាន់សង្កាត់រដ្ឋបាលជលផលឆ្នុកទ្រូទៅវិញ។
ករណីនេះលោកមានការហួសចិត្តជាខ្លាំង ដោយសារតែនៅតំបន់ឆ្នុកទ្រូនោះ មាននាយរងខណ្ឌ១នាក់ នាយរងផ្នែក១នាក់ សង្កាត់២នាក់ ហើយក៏មានកម្លាំងអធិការរដ្ឋានខាងត្បូងបឹងទន្លេសាបនៅប្រចាំការទីនោះ ដើម្បីសហការបង្ក្រាបបទល្មើសនេសាទផងដែរ ហេតុអីធ្វើមិនបាន ?បញ្ហានេះទោះជាយ៉ាងណាក៏ដោយក្នុងនាមយើងជាមន្ត្រីជំនាញត្រូវទទួលខុសត្រូវ ហេតុអីបានជាប្រើឱ្យអ្នកសារព័ ត៌មានដែលមិនមែនជាមន្ត្រីនគរបាលយុត្តិធម៌នាំអ្នកប្រព្រឹត្តបទល្មើសជំនួស?។នៅយប់ថ្ងៃទី១៣ ខែវិច្ឆិកា អ្នកសារព័ត៌ មានក៏បានរាយការណ៍ជូនទៅថ្នាក់ដឹកនាំមួយចំនួនផងដែរដែលមាន៖លោក ងិន ហ៊ុន ប្រធានមន្ទីរកសិកម្ម រុក្ខាប្រមាញ់ និងនេ សាទខេត្ត, លោក ខូវ លី ស្នងការនគរបាលខេត្តកំពង់ឆ្នាំ ង,និងលោកអភិបាលខេត្តកំពង់ឆ្នាំង ពាក់ព័ន្ធនឹងការឃា ត់បទល្មើសប្រភេទទូករុញជនប្រើដោយកម្លាំងម៉ាស៊ីនចំនួន៥គ្រឿងខាងលើនេះ ដើម្បីឲ្យលោកទាំងអស់បានជ្រាបជាព័ត៌មាន។
សូមបញ្ជាក់ថាៈ ប្រភេទទូកបំពាក់ដោយឧបករណ៍នេសាទរុញដោយកម្លាំងម៉ាស៊ីនទំហំ៣០សេសទាំង៥គ្រឿងខាងលើនេះ គេហៅថាទូករុញហ្ស៉ីប ឬ(ជន)ឧបករណ៍ប្រភេ ទនេះមានមុខប្រមាណជា១០ម៉ែត្រ និងបណ្ដោយសាច់អួន១៥ម៉ែត្រ ដែលមានសាច់អួនក្រឡាទហំ១លីកន្លះនៅផ្នែកខាងក្រោយ ឧបករណ៍នេះគេអាចចាប់ត្រីបានច្រើនគួរសមដែរ ហើយឧបករណ៍ប្រភេទនេះដែរ ច្បាប់ស្ដីពីជលផ លមិនអនុញ្ញាតឱ្យប្រើនោះឡើយ។
