ក្នុងពេលដែលសារធាតុញៀនកាន់តែកើនច្រើនឡើងក្នុងស្រុកខ្មែរអគ្គលេខាធិការគ្រឿងញៀនអះអាងថារដ្ឋាភិបាលមានឆន្ទៈនយោបាយមោះមុត ក្នុងការប្រយុទ្ធប្រឆាំង
03-July-2026 / ព័ត៌មានជាតិ
បាត់ដំបង ៖ លោកនាយឧត្តមសេនីយ៍ មាស វីរិទ្ធ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ថ្លែងពីភូមិរំចេក៤ សង្កាត់រតន: ក្រុងបាត់ដំបង នាថ្ងៃទី១១ ខែកក្កដា ឆ្នាំ២០២៣ដោយអះអាងថា រាជរដ្ឋាភិបាលកម្ពុជា មានឆន្ទៈនយោបាយដ៏មោះមុត ក្នុងការប្រយុទ្ធប្រឆាំងគ្រឿងញៀន ។លោកថារហូតមកទល់ពេលនេះ គ្រឿងញៀននៅតែជាបញ្ហាសង្គមមួយ ដែលមានលក្ខណៈស្មុគស្មាញ និងបានបង្កផលប៉ះពាល់ដល់សុខុមាលភាពមនុស្សរាប់លាននាក់ ប៉ះពាល់ធ្ងន់ធ្ងរដល់សន្តិសុខ សណ្តាប់ធ្នាប់សាធារណៈនិងការអភិវឌ្ឍសង្គមនៃបណ្ដាប្រទេសស្ទើរតែទាំងអស់នៅលើសកលលោក ។
អាជ្ញាធរជាតិប្រយុទ្ធប្រឆាំងគ្រឿងញៀន និងសាលាខេត្តបាត់ដំបងបានសហការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៣ ក្រោមប្រធានបទ អ្វីៗដើម្បីប្រជាជនជាចម្បង បញ្ឈប់ការរើសអើង និងមាក់ងាយអ្នកញៀនគ្រឿងញៀន ពង្រឹងការងារអប់រំ បង្ការ ទិវានេះបានធ្វើឡើងនៅអាកាសយានដ្ឋានវាលបែកចានខេត្តបាត់ដំបង ស្ថិតនៅ ដោយមានការចូលរួមពីតំណាងអាជ្ញាធរនៃខេត្តទាំង២បាត់ដំបង ពោធិសាត់ និងអ្នកពាក់ព័ន្ធជាច្រើនទៀត ។ សកម្មភាពអប់រំឃោសនារបស់អាជ្ញាធរគ្រឿងញៀននេះបានធ្វើឡើងបន្ទាប់ពីអាជ្ញាធរខណ្ឌសែនសុខចៃដន្យចាប់បានឡានប្រើស្លាកលេខស្រុកឡាវដឹកគ្រឿងញៀនមួយឡានមកជួបគ្រោះថ្នាក់ចរាចរកាលពីយប់ថ្ងៃទី៧កក្កដា។គេមិនដឹងថាតើហេតុអីបានជាឈ្មួញគ្រឿងញៀនហ៊ានបើកឡានស្លាកលេខឡាវបើកចូលដល់កណ្តាលក្រុងភ្នំពេញចឹងនោះទេ?។មកទល់ពេលនេះសមត្តកិច្ចមិនទាន់រកឃើញជនសង្សយ័នោះផងទេ។
សម្រាប់ប្រធានបទ ឆ្នាំ២០២៣នេះ លោក មាស វីរិទ្ធថាអាជ្ញាធមានគោលបំណងផ្ដោតការយកចិត្តទុកដាក់ឱ្យកាន់តែស៊ីជម្រៅតាមរយៈការផ្តល់អាទិភាពដល់ប្រជាជន ឬការចាត់ទុកប្រជាជនជាមូលដ្ឋានក្នុងការរៀបចំគោលនយោបាយ ផែនការយុទ្ធសាស្ត្រ ផែនការសកម្មភាព និងវិធានការផ្សេងៗទៀត ពាក់ព័ន្ធនឹងការងារប្រយុទ្ធប្រឆាំងគ្រឿងញៀន ដោយទាមទារឱ្យមានការគិតគូរអំពីផលប៉ះពាល់ជាអវិជ្ជមាននៃការរើសអើង និងការមាក់ងាយចំពោះអ្នកញៀនគ្រឿងញៀន ព្រមទាំងពង្រឹងសកម្មភាពអប់រំផ្សព្វផ្សាយឱ្យបានកាន់តែទូលំទូលាយថែមទៀត ។
លោក មាស វីរិទ្ធ បានបន្តថា ទន្ទឹមនឹងនោះរាជរដ្ឋាភិបាលកម្ពុជា បានដាក់ចេញនូវវិធានការជាច្រើនដល់ស្ថាប័នពាក់ព័ន្ធ និងបានអំពាវនាវដល់ប្រជាពលរដ្ឋទាំងអស់ សូមបន្តចូលរួមឱ្យកាន់តែសកម្មថែមទៀត ក្នុងការកំណត់មុខសញ្ញាល្មើស និងរាយការណ៍ជូនអាជ្ញាធរមូលដ្ឋាន ឬសមត្ថកិច្ចអនុវត្តច្បាប់ ដើម្បីឈានទៅមានវិធានការដោះស្រាយទាន់ពេលវេលា និងមានប្រសិទ្ធភាព ស្របតាមខ្លឹមសារគោលនយោបាយភូមិ ឃុំ សង្កាត់ មានសុវត្ថិភាពរបស់រាជរដ្ឋាភិបាលនិងទិសស្លោក “៣កុំ ១រាយការណ៍ ដែលក្នុងនោះ កុំទី១ គឺកុំពាក់ព័ន្ធ៖ មានន័យថា កុំជួញដូរ កុំចែកចាយ កុំធ្វើជាខ្នងបង្អែក កុំឃុបឃិត និងកុំប្រើប្រាស់គ្រឿងញៀន ។ កុំទី២ គឺកុំអន្តរាគមន៍៖ មានន័យថា កុំរារាំងការអនុវត្តច្បាប់ចំពោះឧក្រិដ្ឋជនគ្រឿងញៀន ទោះបីជាក្រុមគ្រួសារ សាច់ញាតិឬមិត្តភក្តិក៏ដោយ ។ រីឯ កុំទី៣ គឺកុំលើកលែង មានន័យថា កុំបន្ធូរបន្ថយ ការអនុវត្តច្បាប់ចំពោះឧក្រិដ្ឋជនគ្រឿងញៀន ។
លោក អភិបាលខេត្តបាត់ដំបងបានឲ្យដឹងថា បច្ចុប្បន្នខេត្តបាត់ដំបង មានទីតាំងបន្សាបគ្រឿងញៀនចំនួន២កន្លែង ទី១ មជ្ឈមណ្ឌលបន្សាបគ្រឿងញៀននៃក្ដីសង្ឃឹម ស្ថិតនៅក្នុងស្រុកបវេល និងមជ្ឈមណ្ឌលបន្សាបគ្រឿងញៀន កែ ស៊ីនួន ស្ថិតក្នុងស្រុករតនមណ្ឌល ដែលទើបនឹងបង្កើតថ្មីៗនេះ។មជ្ឈមណ្ឌលទាំង២នេះមានសារៈសំខាន់ខ្លាំងណាស់សម្រាប់ខេត្តបាត់ដំបង ក្នុងការការចូលរួមចំណែកធ្វើការព្យាបាលជនញៀនគ្រឿងញៀនឱ្យត្រឡប់មកសភាពដើមវិញ រួមផ្សំជាមួយនឹងការបណ្ដុះបណ្ដាលវិជ្ជាជីវៈដល់ជនរងគ្រោះទាំងនោះផងដែរ ។
ក្នុងទិវាអន្ដរជាតិប្រយុទ្ធប្រឆាំងគ្រឿងញៀននេះអាជ្ញាធរខេត្តបាត់ដំបង និងខេត្តពោធិសាត់ ក៏បានធ្វើការដុតកំទេចចោលនូវគ្រឿងញៀន ដែលបានមកពីការរឹបអូសបានពីក្រុមឈ្មួញទុច្ចរិតគ្រឿងញៀននៅខេត្តបាត់ដំបង និងខេត្តពោធិសាត់តាមអំណាចសាលក្រមស្ថាពររបស់សាលាដំបូងខេត្តទាំង២ ដែលមានសំណុំរឿងសរុបចំនួន២៨៦សំណុំ រឿង និងមានគ្រឿងញៀនសរុប ៣៩,៦៧៧.៨៣.គីឡូ។
.jpg&h=97&w=146)
