វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 700 នាក់
ម្សិលមិញ 10264 នាក់
សរុប 14139882 នាក់
ភ្នំពេញ៖នៅព្រឹកថ្ងៃទី ១៩ មេសា ២០១៩ នេះនៅក្នុងមន្ទីរពេទ្យ មិត្តភាពខ្មែរ-សូវៀត ឬហៅពេទ្យរូស្ស៊ីនោះ ប្រជាពលរដ្ឋដែល ជាអ្នកជម្ងឺរោគខាងផ្លូវចិត្ត ដែលគេច្រើនហៅថាសរសៃប្រសាទ ឬ វិកលចរិកជាច្រើនរយនាក់ដែលបានមកបើកថ្នាំង ឬមកពិគ្រោះយោបល់ជាមួយក្រុមគ្រូពេទ្យផ្នែកខាងផ្តល់សេវាព្យាបាលជម្ងឺផ្លូវចិត្តបានបញ្ចេញមតិរិះគន់ប្រហាក់ប្រហែលគ្នា ទៅលើគ្រូពេទ្យថាបានបង្កការលំបាកដល់ពួកគាត់ និងកេងចំណេញលុយពីការចំណាយទិញថ្នាំព្យាបាលផងដែរ។
ក្នុង ចំំណោមបងប្អូនប្រជាពលរដ្ឋរាប់រយនាក់ដែលមកពីគ្រប់ខេត្ត-រាជធានីដើម្បីមកទទួលសេវាព្យាបាលជម្ងឺផ្លូវចិត្តនោះ បងស្រីសុជាតិ នៅស្រុកឧដុង្គ ខេត្តកំពង់ស្ពឺ បានប្រាប់អោយដឹងថា គាត់បានទទួលសេវាព្យាបាលជម្ងឺផ្លូវចិត្តនៅពេទ្យរូស្ស៊ីនេះ២ឆ្នាំហើយ គឹជារៀងរាល់ខែគឹក្នុង១ខែ ត្រូវឡើងមកបើកថ្នាំងនៅមន្ទីរពេទ្យរូស្ស៊ីម្តង ហើយត្រូវបង់លុយថ្លៃថ្នាំអស់ចំនួន ១២០០០រៀល បានថ្នាំ៣ថង់សំរាប់លេបរយ:ពេល១ខែ ។ តែនៅខែមេសានេះ ស្រាប់តែគ្រូពេទ្យប្រាប់ថា ថ្នាំលេបតែកន្លះខែទេ គឺ១៥ថ្ងៃ ហើយត្រូវឡើងមកបើកថ្នាំងទៀត ឯតម្លៃនៃការបង់ លុយថ្លៃថ្នាំគឺនៅ១២០០០រៀលដដែល តែថ្នាំពេទ្យត្រូវកាត់ បន្ថយចំនួន ។
ប្រជាពលរដ្ឋនិយាយថា៖បញ្ហានេះគឺជាការបង្កការលំបាកដល់ ពួក គាត់ដែលនៅឆ្ងាយៗត្រូវចំណាយពេលវេលាញឹកញាប់ និង ចំណាយលុយច្រើនក្នុងការឡើងមកថ្នាំពេទ្យម្តងៗ ព្រោះក្រៅ ពីចំណាយលើការបង់សេវាពេទ្យគឺត្រូវចំណាយលើការធ្វើដំណើរនិងហូបចុក ស្នាក់នៅផងដែរ សំរាប់អ្នកជម្ងឺមកពី ខេត្ត ឆ្ងាយៗ ។ដូច្នេះពួកគាត់សូមសំណូមពរដល់ថ្នាក់ដឹកនាំ មន្ទីរពេទ្យរូស្សី ពិសេសក្រសួងសុខាភិបាល ដែលមានលោក រដ្ឋមន្ត្រី ម៉ម ប៊ុនហេង មេត្តាជួយអន្តរាគមន៍សំរួលការលំបាក ដល់ពួកគាត់ផង បើមិនបានជួយកាត់បន្ថយការចំណាយរបស់ ពួកគាត់ទេកុំបន្ថែមជាន់កពួកគាត់ទៀតចឹង ៕ ដោយ: សុផល