វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 391 នាក់
ម្សិលមិញ 8227 នាក់
សរុប 14127272 នាក់
បន្ទាយមានជ័យ÷ ក្រោយភ្ញាក់ផ្អើលករណីស្ត្រីបំរើការខារ៉ាអូខេម្នាក់ស្លាប់បន្ទាប់ពីដឹកយកទៅសង្គ្រោះបន្ទាន់នៅមន្ទីរពេទ្យបង្អែកដីថ្មីកាលពីព្រឹកថ្ងៃទី៧ខែមិនាឆ្នាំ២០២១កន្លងទៅនោះ ឥឡូវនេះ មានព័ត៌មាន បែកធ្លាយថា÷ នារីរងគ្រោះឈ្មោះ អ៊ិន ស្រីមុំ អាយុ២៣ឆ្នាំមុននាងស្លាប់ នាងនិងមិត្តភក្តិផ្សេងទៀតគ្នា ៦នាក់ បានចូលផឹកស៊ីក្នុងហាងខារ៉ាអូខេយីហោ ទីទីហោ ស្ថិតក្នុងភូមិក្បាលស្ពាន២សង្កាត់និងក្រុងប៉ោយប៉ែតខេត្តបន្ទាយមានជ័យ។
យោងប្រភពព័ត៌មានពីមន្ត្រី សុខាភិបាលម្នាក់សុំមិន បញ្ចេញឈ្មោះបានឲ្យដឹងនៅថ្ងៃទី១០មិនានេះថា កាលពីព្រឹកម៉ោង៥ ថ្ងៃទី៧ ក្រុមក្មេងស្ទាវជិះរថយន្តពណ៌ស ម៉ាកព្រូស បានដឹកនារីរងគ្រោះបំរុងចូលក្នុងគ្លីនិករបស់គាត់ ដោយឃើញសភាព ជំងឺធ្ងន់ធ្ងរពេក គាត់បានឲ្យ ក្មេងៗនោះដឹកនាងយកទៅ មន្ទីរពេទ្យបង្អែកដីថ្មី ព្រោះនៅទីនោះជាពេទ្យរបស់រដ្ឋ ។ចំណែក ប្រភពព័ត៌មានមួយទៀតបានឲ្យដឹងមកថា ករណីនារី រងគ្រោះឈ្មោះ អ៊ិន ស្រីមុំ ស្លាប់នោះ គឺដោយសារនាងនិង មិត្តភក្តិប្រុសៗផ្សេងទៀត ចំនួន៤នាក់ បានចូលហាង ខារ៉ាអូខេ យីហោ ទីទី ហោ គឺចូលពីល្ងាច រហូតដល់ម៉ោង៤ទាបភ្លឺ ទើបចេញ ។ ប្រភពព័ត៌មានដដែលថា ក្រុមក្មេងៗ៤នាក់និង នារីរងគ្រោះ បានប្រើប្រាស់ថ្នាំ សប្បាយ (ក្រវី)ហួសកំរិតទើបបណ្តាល ឲ្យនាងគាំងបេះដូងស្លាប់ បែបនេះ ។
ប្រភពព័ត៌មានដដែល បានបញ្ជាក់ថា ម្ចាស់ហាង ខារ៉ាអូខេខាងលើ ណេង និងមានអ្នកគ្រប់គ្រង ឈ្មោះ ថា ជាអ្នកឃុបឃិតគ្នា បើកឲ្យភ្ញៀវ ចូលទាំងអាជ្ញាធរបានហាមឃាត់ហើយក្តី ។
ជុំវិញការស្លាប់ នារីរងគ្រោះ ម្ចាស់ខារ៉ាអូខេ ទីទីហោ ត្រូវគេស្គាល់ថា ឈ្មោះ ហ៊ា ណេងនោះ មិនអាចទាក់ទងសុំឲ្យលោក ធ្វើការបំភ្លឺបាននៅឡើយទេ សម្រាប់ថ្ងៃទី១០ មិនា២០២១នេះ ។ចំណែកសព ស្ត្រីរងគ្រោះ ត្រូវបានសាច់ញាតិ ដឹកយកទៅ ធ្វើបុណ្យ នៅស្រុកព្រៃកប្បាស ខេត្តតាកែវ ហើយ ។
បើទោះជាបែបណាក្តី ពាក់ព័ន្ធ ករណីស្លាប់នារីបំរើខារ៉ាអូខេខាងលើ ប្រជាពលរដ្ឋទទួចឲ្យសមត្ថកិច្ចពាក់ព័ន្ធ គប្បីបើកការស៊ើបអង្កេតថា តើនាងស្លាប់ដោយសារមូលហេតុអ្វីឲ្យពិតប្រាកដ?។ព្រោះបើយោងតាម ប្រភពព័ត៌មាន បានបង្ហើបថា មុនស្លាប់ នាងត្រូវបានមិត្តភក្តិ ឯទៀតៗ បង្ខំឲ្យប្រើប្រាស់ថ្នាំញៀន (ថ្នាំក្រវី )
ដោយឡែក សារ៉ាចរាចរណ៍ណែនាំ របស់ លោក អភិបាលក្រុងប៉ោយប៉ែត លេខ០០៦ ចុះថ្ងៃទី២១ ខែកុម្ភៈ២០២១ ឲ្យបញ្ឈប់រាល់ក្លិបកម្សាន្ត រមណីយដ្ឋាន រង្គសាល និងហាងខារ៉ាអូខេ ជាដើម។សារ៉ាចរាចរណ៍ខាងលើ ធ្វើឡើងក្រោយពី សម្តេចតេជោហ៊ុនសែននាយករដ្ឋមន្ត្រី នៃព្រះរាជាណាចក្រកម្ពុជា បានប្រកាស ឲ្យផ្អាក អាជីវកម្មបណ្តោះអាសន្ន ដើម្បីទប់ស្កាត់ ការឆ្លងរាលដាល នៃ ជំងឺខូវិដ-១៩ ក្នុងសហគមន៍ ។ សម្តេចតែងតែ យកចិត្តទុកដាក់ពីសុខទុក្ខប្រជាពលរដ្ឋជាធំ តែផ្ទុយទៅវិញម្ចាស់ហាង ខារ៉ាអូខេ និងក្លឹបកម្សាន្តស្ទើរតែ១០០% នៅតែបន្តបើកយ៉ាងរំភើយផាយផាត់ដដែលជាដដែល តើឯណាទៅ ខ្លឹមសារនៃ ស-ជ-ណនោះ ? ។ ការផ្គើននិង អនុសាសន៍ ដ៏ថ្លៃថ្លា របស់សម្តេច អគ្គមហាសេនាបតីតេជោហ៊ុនសែន នាយករដ្ឋមន្ត្រី កម្ពុជា បានធ្វើឲ្យ នារីម្នាក់ទទួលមរណភាព ហើយសពជនរងគ្រោះ មិនត្រូវបានមាន អ្នកទទួលខុសត្រូវនោះទេ ៕