រឿងយន្តហោះគ្មាន មនុស្សបើកចូលស្រុកខ្មែរជាពត៍មានក្លែងក្លាយ?សម្តេចតេជោឲ្យបង្ក្រាបហ្វេសប៊ុកណាបង្ហោះ
02-November-2023 / ព័ត៌មានជាតិ
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបញ្ជាឱ្យទប់ស្កាត់នូវព័ត៌មានក្លែងក្លាយដែលថាមានយន្តហោះគ្មានមនុស្សបើកហោះចូលទឹកដីកម្ពុជាដែលបំភ័យដល់ប្រជាពលរដ្ឋព្រោះគិតត្រឹមម៉ោង១០យប់ថ្ងៃទី២៨ ខែមិថុនា ឆ្នាំ២០២៣នេះ ពុំទាន់មានយន្តហោះគ្មានមនុស្សបើកហោះចូលទឹកដីកម្ពុជាឡើយ។
សម្តេចតេជោ ហ៊ុន សែន បានអះអាងថា យន្តហោះដែលហោះមកទឹកដីកម្ពុជានោះ គឺគ្រាន់តែជាយន្តហោះពាណិជ្ជកម្មដែលហោះឆ្លងដែនឱកាសកម្ពុជាតែប៉ុណ្ណោះ។សម្តេចតេជោ ហ៊ុន សែន ថា៖«យន្តហោះគ្មានមនុស្សបើក គឺខុសប្លែកពីយន្តហោះពាណិជ្ជកម្មដែលនឹងត្រូវហោះឆ្លងដែនអាកាសរបស់យើងឆ្ពោះទៅកាន់ទីកន្លែងដទៃទៀត ប្រសិនជាមានការបាញ់យន្តហោះនោះគឺវាគ្រោះថ្នាក់ធំធេងណាស់»។សម្តេចតេជោ ហ៊ុន សែន បានបញ្ជាឱ្យបញ្ឈប់ការផ្សព្វផ្សាយព័ត៌មានក្លែងក្លាយនេះ ជាមួយគ្នានេះសម្តេចប្រាប់ឱ្យអគ្គស្នងការជាតិត្រួតពិនិត្យលើហ្វេសប៊ុកដែលបានផ្សព្វផ្សាយព័ត៌មានក្លែងក្លាយបែបនេះ។
នៅថ្ងៃទី២៩ ខែមិថុនា ឆ្នាំ២០២៣ ក្នុងជំនួបជាមួយនឹងកម្មករជិត ២ម៉ឺននាក់នៅក្នុង ស្រុកអង្គស្នួល ខេត្តកណ្ដាល សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្តាំទៅអ្នកលេងបណ្តាញសង្គមFacebookទាំងអស់ មិនត្រូវយកបញ្ហាសន្តិសុខជាតិមកបង្ហោះលេងដោយគ្មានការអនុញ្ញាតពីក្រសួងការពារជាតិនោះទេ ខណៈបញ្ហានេះមិនមែនជារឿងយកមកលេងសើចនោះឡើយ។ការលើកឡើងរបស់សម្តេចតេជោ ប្រមុខរាជរដ្ឋាភិបាលនេះ គឺបានធ្វើឡើងបន្ទាប់ពី មានអ្នកលេងហ្វេសបុកមួយចំនួនតូចបានយកករណីដ្រូន ឬយន្តហោះគ្មានមនុស្សបើកហោះចូលទឹកដីកម្ពុជាដែលជាប់ព្រំដែនវៀតណាម មកភ្ជាប់ជាមួយយន្តហោះពាណិជ្ជកម្មដែលហោះកាត់កម្ពុជាកាលពីកន្លងទៅថ្មីៗនេះ ។
សម្រាប់យន្តហោះគ្មានមនុស្សបើកដោយមិនមានអត្តសញ្ញាណមិនដឹងចេញពីតំបន់ណាអាចជាការគំរាមកំហែងទៅដល់សន្តិសុខនៅក្នុងតំបន់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងពីការស្វែងរកការសហការពីប្រធានអាស៊ានក៏ដូចជាអង្គការសហប្រជាជាតិ ដើម្បីធ្វើការស៊ើបអង្កេតទៅលើយន្តហោះគ្មានមនុស្សបើក ដែលបានរំលោភបំពានដែនអាកាសកម្ពុជា។សម្ដេចតេជោ ថា៖ «មិនអាចអនុញ្ញាតឲ្យអ្នកណាមកប្រមាថ ប្រើប្រាស់ដ្រូន។ ជួនកាលជាក្រុមភេរវកម្មធ្វើសកម្មភាពដែលអាស៊ានត្រូវរួមគ្នាធ្វើការប្រឆាំងទៅនឹងក្រុមនេះ»។
កាលពីសប្ដាហ៍មុន យន្តហោះគ្មានមនុស្សបើកបានហោះចូលទៅក្នុងដែនអាកាសរបស់កម្ពុជានៅក្នុងតំបន់ព្រំដែនកម្ពុជា-វៀតណាម ក្នុងខេត្តរតនគិរី មណ្ឌលគិរី ដែលសម្ដេចតេជោបានបញ្ជាឲ្យបញ្ចេញទ័ព៥០០នាក់និងអាវុធទំនើប២ដើម្បីបាញ់ទម្លាក់យន្តហោះគ្មានមនុស្សបើកនេះផងដែរ។រហូតមកដល់ថ្ងៃនេះមិនទាន់មានយន្តហោះគ្មានមនុស្សបើកណាមួយត្រូវបានបាញ់ទម្លាក់នៅឡើយទេទោះបីជាំសម្តេចប្រកាសឲ្យរង្វាន់២០ម៉ឺនដុល្លារក្នុងមួយគ្រឿងក៏ដោយ។
សម្ដេចតេជោ ហ៊ុន សែន បានបង្ខំចិត្តចេញសារទាំងយប់តាមបណ្ដាញ Telegram ដោយអះអាង គ្មានយន្ដហោះគ្មានមនុស្សបើក (ដ្រូន) ហោះចូលដែនអធិបតេយ្យរបស់កម្ពុជាទៀតនោះឡើយ ។សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបន្តថា៖ «ហាមដាច់ខាតការយកបញ្ហាសន្តិសុខជាតិយកមកបង្ហោះលើ facebook បើគ្មានការអនុញ្ញាតពីយោធា»។មិនទាន់មានក្រុមណាមួយចេញមុខទទួលខុសត្រូវលើយន្តហោះគ្មានមនុស្សបើកនេះទេ ខណៈប្រទេសវៀតណាមបានបដិសេធ។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាឲ្យកងទ័ពប្រើសំណាញ់មេឃដើម្បីបាញ់ទម្លាក់ដ្រូន ដែលហោះចូលទឹកដីកម្ពុជា ដើម្បីស៊ើបការណ៍ បន្ទាប់ពីឃើញមានការហោះហើរជាថ្មីម្តងទៀតចំនួន៧គ្រឿង កាលពីយប់ថ្ងៃទី២៧ ខែមិថុនា។
