រដ្ឋមន្ត្រីការពារជាតិរុស្ស៉ីបង្ហាញមុខ ក្រោយការបះបោររបស់ក្រុមទាហានស៉ីឈ្នួលក្នុពេលដែលមេទព័អង់គ្លេសឲ្យអ៊ុយក្រែនប្រយត្ន័ក្រុម Wagnerវ៉ៃចេញពីបេឡារុស្ស
10-April-2024 / ព័ត៌មានអន្តរជាតិ
ប្រទេសរុស្ស៊ី៖ រដ្ឋមន្ត្រីការពារជាតិរុស្ស៉ី លោក សឺហ្គៃ សូយហ្គូ (Sergei Shoigu) បានបំពេញទស្សនកិច្ចចុះជួបកងទ័ពរុស្ស៉ី ដែលជាប់ពាក់ព័ន្ធក្នុងសង្គ្រាមនៅអ៊ុយក្រែន ក្នុងការបង្ហាញវត្តមានជាសាធារណៈលើកដំបូងរបស់លោក បន្ទាប់ពីសកម្មភាពបះបោរ ដែលត្រូវបានបោះបង់ចោលវិញ ដោយក្រុមទាហានស៉ីឈ្នួលរុស្ស៉ី Wagner កាលពីចុងសប្តាហ៍កន្លងទៅនេះ។ នេះបើតាមការចេញផ្សាយដោយ ទីភ្នាក់ងារព័ត៌មាន AFP នៅថ្ងៃចន្ទ ទី២៦ ខែមិថុនា ឆ្នាំ២០២៣យោងប្រភពភ្នាក់ងារពត៍មានរុស្ស៊ី។
នៅក្នុងសេចក្តីរាយការណ៍របស់ខ្លួន ដែលផ្អែកតាមប្រភពពីក្រសួងការពារជាតិរុស្ស៉ី ទីភ្នាក់ងារព័ត៌មានរុស្ស៉ី RIA បានបង្ហាញយ៉ាងច្បាស់ថា លោក សូយហ្គូ នៅតែបន្តមានតួនាទីជា ប្រមុខការពារជាតិនៃប្រទេសរុស្ស៉ីដដែលមិនដូនពត៍មានដែលលើកថាមានការផ្លាស់ផ្តូរនោះទេ។ ប៉ុន្តែ RIA មិនបានផ្តល់ព័ត៌មានលម្អិតស្តីពីពេលវេលាក៏ដូចជាទីកន្លែង ដែលលោកបានជួបជាមួយពលទាហាន ព្រមទាំងក្រុមមេបញ្ជាការ នៃបញ្ជាការដ្ឋានយោធភូមិភាគខាងលិចរបស់រុស្ស៉ីឡើយ។
គួរបញ្ជាក់ថា កាលពីថ្ងៃសៅរ៍ចុងចុងសប្តាហ៍កន្លងទៅនេះ ក្រុមបះបោរដែលដឹកនាំដោយថៅកែក្រុម Wagner គឺលោក យេវហ្កេនីន ព្រីហ្គោហ្ស៉ីន (Yevgeny Prigozhin) បាននាំគ្នាធ្វើដំណើរឆ្ពោះទៅកាន់រដ្ឋធានីមូស្គូ ដើម្បីផ្តួលរំលំនូវអ្វីដែលពួកគេហៅថាជា ថ្នាក់ដឹកនាំដែលពុករលួយនិងអសមត្ថភាពនៃយោធារបស់រដ្ឋមន្ត្រីក្រសួងការពារជាតិប្រទេសរុស្ស៉ី។ ប៉ុន្តែនៅពាក់កណ្តាលទី លោក ព្រីហ្គោហ្ស៉ីន ក៏បានបញ្ជាឱ្យកងកម្លាំង Wagner ដកថយទៅកាន់តំបន់មួយនៅភាគខាងកើតអ៊ុយក្រែន ដែលស្ថិតក្រោមការត្រួតត្រារបស់រុស្ស៉ីវិញ បន្ទាប់ពីសម្រេចបានកិច្ចព្រមព្រៀងជាមួយវិមានក្រឹមឡាំង ក្រោមការជួយសម្រុះសម្រួលពីប្រធានាធិបតីបេឡារុសលោកលូការឈិនកូដោយឲ្យមេទព័ក្រុមហ៊ុនទាហ៊ានស៊ីឈ្នួលនិរទេសទៅរស់នៅបេឡារុស្ស។
មេដឹកនាំក្រុមទាហានស៊ីឈ្នួលវេកន័រ លោកយេវនីព្រីហ្កោហ្ស៊ីន( Yevgeny Prigozhin )បានបង្ហោះសារជាសម្លេងនៅលើបណ្តាញសារអេឡិចត្រូនិក (Telegram) របស់ខ្លួនថា លោកបានយល់ព្រមបញ្ឈប់សកម្មភាពនេះ "ដើម្បីជៀសវាងការបង្ហូរឈាម" បន្ទាប់ពីមានការពិភាក្សាគ្នារវាងលោក Prigozhin និងមេដឹកនាំបេឡារុស្សលោកប្រធានាធិបតីអាឡិចសិនឌឺលូកាស្សិនកូ( Alexander Lukashenko) ដែលកំពុងដើរតួជាអ្នកផ្សះផ្សាស្ថានការណ៍ដ៏តានតឹងមួយនេះ។តាមការប្រកាសរបស់អ្នកនាំពាក្យវិមានក្រេមឡាំង ផ្ទាល់តែម្តង គឺការស៊ើបអង្កេតស្តីពីបទឧក្រិដ្ឋ ទៅលើលោក Evguéni Prigojin មេក្រុមWagner គឺត្រូវបានបោះបង់ចោលទាំងអស់ហើយ។ ក្រសួងការពារជាតិរុស្ស៊ី ក៏បានអះអាងដែរ ថារឿងនេះចប់រួចរាល់ហើយ។
ពោលគឺគ្មានការចាប់ទោសអូសដំណើរអ្វីទាំងអស់។ សមាជិកសភារុស្ស៊ី ឈ្មោះ Andreï Kartapolov ដែលជាប្រធានគណៈកម្មាធិការការពារជាតិ នៅសភាឌូម៉ា បានថែមទាំងអះអាងទៀត អាជ្ញាធររុស្ស៊ីគ្មានអ្វីនឹងស្តីបន្ទោសក្រុមWagner ទេ ព្រោះក្រុមនេះ មិនបានបង្កការខូចខាតអ្វីទាំងអស់។ ក៏ប៉ុន្តែ បើយោងតាមអ្នកសរសេរBlogកងទ័ពនៅរុស្ស៊ី គឺមានទាហានរុស្ស៊ីស្លាប់ចន្លោះពី១៣ទៅ២០នាក់ ដែលភាគច្រើន គឺស្លាប់ដោយសារក្រុមWagner បាញ់ទម្លាក់ឧត្ថម្ភាគចក្រចំនួន៦គ្រឿង និងយន្តហោះមួយគ្រឿង។
ពេលផ្ទះហេតុការណ៍ លោកពុទីន បានចេញសេចក្តីថ្លែងការណ៍តាមរយៈទូរទស្សន៍ ដោយចាត់ទុកសកម្មភាពបះបោរប្រដាប់អាវុធរបស់ក្រុមទាហានវេកន័រថា "ជាការលួចចាក់ពីខាងក្រោយខ្នង" និងបានហៅលោក Prigozhin ដែលជាអតីតមនុស្សជំនិតរបស់លោកថាជាជនក្បត់ជាតិ និងប្តេជ្ញាចិត្តកម្ចាត់ក្រុមទាំងឡាយណាដែលចូលរួមប្រឆាំងរដ្ឋាភិបាលរុស្ស៊ី។ តើការប្រកាសផ្អាកសកម្មភាពបះបោររបស់ក្រុមទាហានវេកន័រនៅពេលនេះ អាចនាំឱ្យមានការសម្របសម្រួលគ្នាឡើងវិញរវាងក្រុមទាហានស៊ីឈ្នួលវេកន័រដ៏មានឥទ្ធិពល ជាមួយនឹងទាហានរបស់រដ្ឋាភិបាលលោកពុទីនបានដែរឬយ៉ាងណា ?។
នៅក្នុងកិច្ចព្រមព្រៀងខាងលើ រួមមានការផ្តល់ការលើកលែងដាក់ទោសទណ្ឌ ចំពោះក្រុមអ្នកបះបោរ ដែលបានវិលត្រឡប់ចូលទៅកាន់មូលដ្ឋានរបស់ពួកគេវិញ ប៉ុន្តែវានៅតែមិនទាន់ច្បាស់នៅឡើយទេថា តើប្រធានាធីបតីរុស្ស៉ី លោក វ្ល៉ាឌីមៀ ពូទីន បានយល់ព្រមធ្វើការរុះរើថ្នាក់ដឹកនាំកំពូលរបស់យោធា ឬក៏ធ្វើសម្បទានណាមួយដែរឬអត់។ទាក់ទងបញ្ហានេះ កាសែត Washington Post បានរាយការណ៍ថា ចារកម្មអាមេរិកបានរកឃើញសញ្ញានៃផែនការរបស់លោក Prigozhin នៅពាក់កណ្តាលខែមិថុនា ហើយមានការព្រួយបារម្ភកាន់តែខ្លាំងឡើងអំពីផលប៉ះពាល់ដែលអាចកើតមានលើសមត្ថភាពរបស់រុស្ស៊ីក្នុងការគ្រប់គ្រងឃ្លាំងអាវុធនុយក្លេអ៊ែររបស់ខ្លួន ។
ក្នុងអត្ថបទនោះនិយាយថា សកម្មភាពបះបោររបស់លោក Prigozhin បង្កឡើង ដោយសារតែការបញ្ជារបស់ក្រសួងការពារជាតិរុស្ស៊ីកាលពីថ្ងៃទី១០ ខែមិថុនា ឲ្យអ្នកប្រយុទ្ធស្ម័គ្រចិត្តទាំងអស់ដែលចូលរួមក្នុងសង្គ្រាមលុកលុយលើអ៊ុយក្រែន ត្រូវតែចុះហត្ថលេខាលើកិច្ចសន្យាចូលជាមួយក្រសួងការពារជាតិ ដើម្បីពង្រឹងបទបញ្ជាដែលដាក់ចេញមកកាន់តែមានប្រសិទ្ធភាព ។កាសែត Washington Post បានចុះផ្សាយទៀតថា “ប្រធានាធិបតីរុស្ស៊ីលោក វ្ល៉ាឌីមៀរ ពូទីន ក៏ទំនងជាបានដឹងហើយផងដែរ អំពីផែនការរបស់លោក Prigozhinតែដោយសារតែភាពអសកម្មរបស់លោក ពូទីន បានឆ្លុះបញ្ចាំងពីភាពខ្វះខាតក្នុងការសម្របសម្រួលកម្រិតខ្ពស់នៅក្នុងជួររដ្ឋាភិបាលរុស្ស៊ី” ។
សម្រាប់លោកអង់តូនី ប្លីងកិន រដ្ឋមន្ត្រីការបរទេសអាមេរិក បានលើកឡើងថា ព្រឹត្តិការណ៍នេះ បានស្តែងឲ្យឃើញថា ធាតុពិត អំណាចកំពូលរបស់រុស្ស៊ី ដែលលោកពូទីនអង្គុយពីលើ គឺមិនរឹងមាំប៉ុន្មាននោះទេ។ ពោលគឺវាមានស្នាមប្រេះបាក់បែកហើយ។ ដូចគ្នាដែរ លោកម៉ាក្រុងប្រធានាធិបតីបារាំង បានលើកឡើងថា ការបះបោររបស់ក្រុម Wagner បានបង្ហាញឲ្យឃើញថា មានការបែកបាក់គ្នានៅក្នុងរបបដឹកនាំរុស្ស៊ីបច្ចុប្បន្ន។ ជាការបាក់បែក ផុយស្រួយ ទាំងក្នុងចំណោមមន្ត្រីកងទ័ពរុស្ស៊ី និងក្នុងក្រុមកម្លាំងដៃជើងដូចយ៉ាងក្រុមទាហានស៊ីឈ្នួល Wagner។
ចំណែកលោកMykhaïlo Podoliak ទីប្រឹក្សាពិសេសរបស់លោកហ្សេឡេនស្គី បានលើកឡើងថា Evguéni Prigojin បានធ្វើឲ្យលោកពូទីន ក៏ដូចជារបបដឹកនាំរុស្ស៊ី ត្រូវអាម៉ាសមុខ ពេញមួយពិភពលោកតែម្តង។ លោក Abbas Galliamov អតីតទីប្រឹក្សារបស់លោកពូទីន បានលើកឡើងថា ព្រឹត្តិការណ៍បានបង្ហាញប្រាប់គ្រប់គ្នាឲ្យឃើញថា របបដឹកនាំរបស់ពូទីនគឺពោរពេញដោយចន្លោះប្រហោង។ទោះបីយ៉ាងណាភាគីអ៊ុយក្រែនក៏មិនត្រូវបរហែសដែរព្រោះបើតាមមេបញ្ជាការកំពូលកងទព័អង់គ្លេសបានព្រមានអ៊ុក្រែនឲ្យប្រយត្ន័ខ្លាចកងទព័ទាហ៊ាមស៊ីឈ្នួលក្រុម Wagnerវ៉ៃចេញពីប្រទេសបេឡារុស្សមកវិញ។ព្រោះមកដលើពេលនេះគេមិនដឹងថាតើមេទាហ៊ានក្រុម Wagnerលោកប្រេហ្កៅហស្ស៊ីន(Prigozhin)នៅទីណានៅឡើយ៕
