ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ
07-June-2025 / ព័ត៌មានជាតិ
ខេត្តព្រៃវែង : កាលពីថ្ងៃទី២៨ខែឧសភា ឆ្នាំ២០២៥ ក្រុមការ ងារព័ត៌មានរបស់អង្គភាព គេហទំព័រ មាតុភូមិ និងគេហទំព័រ សាត សុីនញូសិ៍ បានចុះបេសកកម្មទៅយកព័ត៌មាន ដោយផ្ទាល់ នៅតំបន់មាត់ច្រកទ្វារព្រំដែនអន្តរជាតិ បន្ទាយចក្រី ស្ថិតក្នុងឃុំបន្ទាយចក្រី ស្រុកព្រះស្តេច ខេត្តព្រៃវែង ដើម្បីចង់ ដឹងការពិតពីសេចក្តីរាយការណ៍ព័ត៌មានរបស់ប្រជាពលរដ្ឋ រស់ នៅតាមខ្សែបន្ទាត់ព្រំដែន កម្ពុជា-វៀតណាម នៃច្រកទ្វារព្រំដែនអន្តរជាតិ បន្ទាយចក្រី ក្នុងស្រុកព្រះស្តេច ខេត្តព្រៃវែង ស្តីពី សកម្មភាពរបស់ក្រុមអ្នកញៀនល្បែងសុីសងគ្រប់ប្រភេទ ពិសេសល្បែងជល់មាន់ នៅក្នុង កាស៊ីណូ Hotel Hero 777 បាននឹងកំពុងនាំគ្នាចូលលេងល្បែង សុីសងក្នុងកាសុីណូ ៧៧៧ ជារៀងរាល់ថ្ងៃយ៉ាងគគ្រឹកគគ្រេង ឮសម្លេងហ៊ោរកញ្ជ្រៀវទ្រហឹងអឺងកង ។
ករណី នេះ គឺមានពិតប្រាកដ ដូច សេចក្តីរាយការព័ត៌មានរបស់ប្រជាពលរដ្ឋមែន នៅពេលដែលក្រុមការងារបានចុះដល់បានថតយកសកម្មភាព ជាក់ស្តែងរបស់ក្រុមអ្នកញៀនល្បែងជល់មាន់បាននាំគ្នាដឹកជញ្ជូនមាន់ជល់ តាមម៉ូតូ និង តាមរថយន្តស៊េរីទំនើបៗជិះចូុល ទៅឈប់ចតទុកខាងក្នុងបរិវេណកាស៊ីណូ ៧៧៧ និងកាសុីណូ១កន្លែងទៀត គ្មានស្លាកឈ្មោះមានទីតាំងនៅក្បែរគ្នា ។ សូមបញ្ជាក់ថា:ទីតាំងកាសុីណូទាំង២នេះ មានកម្លាំងសន្តិសុខ យាមកាមតឹងតែងបំផុត មនុស្ស ចេញ- ចូលបានទាល់តែក្រុមអ្នកលេងល្បែងសុីសងដែលគេបាន ស្គាល់ច្បាស់លាស់ បើមិនស្គាល់ ច្បាស់លាស់ទេក្រុមសន្តិសុខមិន អនុញ្ញាតិអោយចូលជាដាច់ខាត ជាពិសេសក្រុមអ្នកកាសែត ។ ប្រជាពលរដ្ឋរស់នៅក្បែរខាងកាស៊ីណូ ៧៧៧ បានប្រាប់ថា : ជារៀងរាល់ថ្ងៃ អ្នកចូលមកលេងល្បែងសុីសង មាន់ជល់មានរាប់រយនាក់ មានទាំងពលរដ្ឋខ្មែរ និងពលរដ្ឋវៀតណាម មិនដឹងថា : មានលិខិតឆ្លងដែនគ្រប់គ្នាដែរឬអត់ទេ ?
ប៉ុន្តែពួកអ្នកញៀនល្បែងមាន់ជល់ទាំងនោះ អាចចេញ-ចូល ក្នុងកាស៊ីណូ ដោយសេរី ។ អ្នកមើលការខុស ត្រូវម្នាក់ ( សុំមិនបញ្ចេញឈ្មោះ ) បានបញ្ជាក់ថា : ថៅកែធំទទួលខុសត្រូវក្នុងកាសុីណូ ៧៧៧នេះ ជាមន្ត្រីយោធាជាន់ ខ្ពស់ពាក់ផ្កាយ ១ខ្សែស្រឡាយឧបនាយករដ្ឋមន្ត្រី នៅក្រសួង ការពារជាតិជាអ្នករ៉ាប់រង លើការចំណាយលុយសែនព្រេន ជា ប្រចាំខែ ដល់អ្នកតាម្ចាស់ទឹកដី នៃខេត្តព្រៃវែង តាំងពីថ្នាក់លើដល់ថ្នាក់ក្រោមគ្រប់សមត្ថកិច្ចពាក់ព័ន្ធទាំងអស់ ទើបគេអាចបើកដំណើរការបានដោយរលូន គ្មានការរំខានពីអាជ្ញាធរ និងសមត្ថកិច្ចណាទេ ។ ក្រុមសន្តិ សុខប្រាប់ថា : បើសិន ជាអ្នក កាសែត ចុះមករកថ្លៃបាយ ទឹក ឬសាំងឡានរងចាំ នៅខាងក្រៅសិនទៅ ចាំគេទាក់ទងអ្នកមើលការខុសត្រូវនៅខាង ក្នុងយកមកអោយ ។
ដោយ ឡែក ប្រភពព័ត៌មានបែកធ្លាយពីក្រុមអ្នក កាសែត ដែលមានបញ្ជីឈ្មោះអង្គភាព បានចុះនៅក្នុងមន្ទីរព័ត៌មានខេត្តព្រៃវែង បានលួចប្រាប់មកអង្គភាព មាតុភូមិអោយដឹងថា : ថៅកែធំ ឬអ្នកទទួលខុសត្រូវ ក្នុងកាស៊ីណូ ៧៧៧ បានឧបត្ថម្ភប្រាក់ តាមរយ: QR cod វេរលុយ និងទទួលលុយ សែនព្រេន ចំពោះអ្នកតាម្ចាស់ទឹកដីនៃខេត្តព្រៃវែង ក្នុង១ខែរហូតដល់៥ពាន់ដុល្លារអាមេរិក ជាថ្នូរ នៃការមិនចុះចាប់បង្ក្រាប ឬ ហាមឃាត់ពលរដ្ឋខ្មែរ មិនអោយចូលលេងល្បែងសុីសងក្នុងកាសុីណូ777 នេះ និងកាសុីណូ១ទៀតនៅក្បែរនោះ ? ។ ក្នុង ១ថ្ងៃៗគេបើកប្រជល់មាន់ ចាក់ភ្នាល់រាប់សិបគូរ ក្នុង១គូរៗចាក់ភ្នាល់សុីសងចាញ់ឈ្នះ រាប់សិបលានរៀល ឬ រាប់ពាន់ដុល្លារ ក៏ មានដែរ ។ ករណី សេចក្តីរាយ ការណ៍ព័ត៌មានខាង លើនេះពីប្រជាពលរដ្ឋ ជាការពិត ឬមិនពិត នោះ ក្រុមការងារយកព័ត៌ មានរបស់អង្គភាព គេហទំព័រ មាតុភូមិ www.meato- phoum.com និង សាតសុីនញូសិ៍ បានស្នើសុំការបំភ្លឺពីលោកស្រី នូ សាមួន មេឃុំ បន្ទាយចក្រី តាមទូរស័ព្ទ លោកស្រីមេឃុំបានប្រាប់ថា: កាសុីណូ៧៧៧ អត់មានច្បាប់ ធ្លាក់មកដល់ដៃគាត់ទេ ។
លោកស្រីបញ្ជាក់ថា : កាសុីណូ៧៧៧ពិតជាស្ថិតក្នុងដែនសមត្ថកិច្ចរបស់អាជ្ញាធរឃុំបន្ទាយចក្រីពិតប្រាកដមែន តែរឿងបនល្បែងសុីសងនៅក្នុងកាសុីណូនេះមានច្បាប់ឬអត់ច្បាប់គឺមានតែថ្នាក់ដឹកនាំខាងលើៗទេ ដែលដឹងច្បាស់ ? ។ ដើម្បីបញ្ជាក់ព័ត៌មាន នេះ ថាជាការពិត ឬអត់ ភ្នាក់ងារយើង បានសុំការបំភ្លឺ ពីលោកឧត្តមសេនីយ៍ ឈឿន ប៊ុនឆន ស្នងការនគរ បាលខេត្តព្រៃវែង តាមរយ: Telegram ដែរ ប៉ុន្តែលោក ស្នងការចូលមើលក្នុងតេឡេក្រាមដែរ តែពុំឆ្លើយតប ទេ បែរជាលុបចោលនូវសារ សំនួរ សំភាសន៍ ចោលទៅវិញ? ។ មហាជន និងប្រជាពលរដ្ឋ បានលើកឡើងថា : ការព្រងើយ កន្តើយមិនយកចិត្តទុកដាក់ គោរពអនុវត្តតាមបទបញ្ជា របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះ រាជាណាចក្រកម្ពុជា ស្តីពីការ ប្រឆាំងនឹងល្បែងសុីសងគ្រប់ ប្រភេទ ពីសំណាក់អាជ្ញាធរដែនដី និង កម្លាំងសមត្ថកិច្ច ពាក់ព័ន្ធគ្រប់លំដាប់ថ្នាក់របស់ ខេត្តព្រៃវែង គឺជាទង្វើ យកគូថស្តាប់ ។
ឥលូវខណ:ពេលនេះ ប្រជាពលរដ្ឋ និងមហាជនកំពុង តែចាប់អារម្មណ៍ និងតាមដាននូវ ព្រឹត្តិការណ៍ព័ត៌មាន ស្តីពីការ ប៉ះ ទង្គិចគ្នា ដោយអាវុធរវាងទាហាន ថៃ និងយោធាខ្មែរនៅតាមខ្សែ បន្ទាត់ព្រំដែនប៉ែកខាងលិចប្រទេសកម្ពុជាកាលពីថ្ងៃទី២៨ ខែឧសភា ឆ្នាំ២០២៥ បណ្តាល អោយយោធាខ្មែរម្នាក់បានស្លាប់ ដោយត្រូវកាំភ្លើងរបស់ទាហាន ថៃបានបាញ់ចូលលេណដ្ឋាន ឈរជើងការពារខ្សែក្រវាត់ព្រំដែន ។ ខណ:នេះប្រមុខរាជរដ្ឋាភិបាលបាននឹង កំពុងយកចិត្តទុកដាក់ បាញ់ឆ្ពោះទៅលើមូលដ្ឋានកងទ័ព នៅសមរភូមិជួរមុខរវាងកម្ពុជា-ថៃ ដើម្បីចរចាររកដំណោះស្រាយបន្ធូរបន្ថយភាពតានតឹងចំពោះ ការប្រឈមមុខដាក់គ្នាដោយប្រើ ប្រាស់កងកម្លាំងប្រដាប់អាវុធ ក្នុងកិច្ចការពារបូរណភាព និង អធិបតេយ្យភាពទឹកដី ប៉ុន្តែបែរ ជាថ្នាក់ដឹកនាំ និងអាជ្ញាធរ សមត្ថកិច្ចពាក់ព័ន្ធនៅក្នុង ខេត្ត ព្រៃវែង សម្ងំសុខស្រួល សប្បាយនឹងការប្រមូលលាភសក្ការ:ពីបនល្បែងសុីសង នៅតាមតំបន់ព្រំដែនកម្ពុជា- វៀតណាម ធ្វើព្រងើយ មិន គោរពអនុវត្តបទបញ្ជារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពី ការទប់ស្កាត់ និងបង្ក្រាបបទល្មើសល្បែងស៊ីសងគ្រប់ប្រភេទ នៅទូទាំងប្រទេស។
អង្គភាព គេហទំព័រ មាតុភូមិ នៅតែស្វាគមន៍ជានិច្ចនូវការ បកស្រាយបំភ្លឺព័ត៌មាន ពីគ្រប់ ភាគីពាក់ព័ន្ធ តាមរយ: លេខTel : 012 953 824 / 016 953 222 / 088 55 34 100 តាមច្បាប់ស្តីពី របបសារព័ត៌មាន ៕ ដោយ : ស៊ុន សុផល
