វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4615 នាក់
ម្សិលមិញ 5378 នាក់
សរុប 14083908 នាក់
ប្រទេសឥណ្ឌា៖យ៉ាងហោចមានមនុស្ស៦នាក់ក្នុងចំណោមមនុស្សប្រមាណ៥ពាន់នាក់ដែលបានចេញមកតវ៉ាបានស្លាប់កាលពីថ្ងៃអាទិត្យនៅឥណ្ឌាភាគឦសានបណ្តាលមកពីការតវ៉ាដ៏ហិង្សាប្រឆាំងនឹងច្បាប់ផ្តល់សញ្ជាតិដ៏ចម្រូងចម្រាសមួយ ។
អាជ្ញាធរបានបន្តបិទអ៊ីនធឺណែត និងដាក់បំរាមគោចរដើម្បីទប់ស្កាត់ចលាចលនៅក្រុង ហ្គូវ៉ាហាទី ក្នុងរដ្ឋអាសាម ។ច្បាប់ដែលសភាអនុម័តកាលពីថ្ងៃពុធសប្តាហ៍មុន អនុញ្ញាតអោយរដ្ឋាភិបាលឥណ្ឌាផ្តល់សញ្ជាតិដល់ជនអន្តោប្រវេសន៍ខុសច្បាប់រាប់លាននាក់មកពីប្រទេសជិតខាងចំនួន៣ លើកលែងតែអ្នកកាន់សាសនាអ៊ីស្លាម។ក្រុមកាន់សាសនាអ៊ីស្លាម ក្រុមប្រឆាំងនិងក្រុមសិទ្ធិមនុស្ស ច្បាប់នេះត្រូវបានគេយល់ថាជាការរើសអើងនិងជាផ្នែកនៃរបៀបវារៈជាតិនិយមហិណ្ឌូរបស់នាយករដ្ឋមន្ត្រី ណារេនដ្រា ម៉ូឌី ដើម្បីផាត់ចោលជនអ៊ីស្លាមប្រមាណ២០០លាននាក់នៅឥណ្ឌា ទោះជា លោកម៉ូឌី បានបដិសេធកាលើកឡើងដូច្នេះក៏ដោយ។
នៅក្នុងរដ្ឋបឹងហ្កាល់ខាងលិច ការតវ៉ាប្រឆាំងបានអូសបន្លាយដល់ថ្ងៃទី៣ នៅពេលបាតុករដុតកង់រថយន្ត អង្គុយតវ៉ានៅលើផ្លូវថ្នល់និងផ្លូវរថភ្លើង ។ពួកគេក៏បានដុតបំផ្លាញរថយន្តក្រុងនិងរថភ្លើង ហើយប៉ូលិសត្រូវបានបញ្ជូនចូលដើម្បីបំបែកហ្វូងបាតុកម្ម។
បាតុកម្ម ប្រឆាំងច្បាប់ សញ្ជាតិដ៏ចម្រូងចម្រាសបង្កឲ្យនាយករដ្ឋមន្ត្រីជប៉ុន លោក ស៊ីនហ្ស៊ូ អាបេ (Shinzo Abe) នាយករដ្ឋមន្ដ្រីជប៉ុន បានផ្អាកដំណើរទស្សនកិច្ចរយៈពេល៣ថ្ងៃដែលមានគោលដៅ ទៅកាន់ទីក្រុង Gauhati នាភាគឦសាន នៃរដ្ឋ Assam ជាកន្លែង ដែលលោកអាបេ គ្រោងនឹងជួបជាមួយនឹងសមភាគីឥណ្ឌារបស់លោក គឺលោក ណារិនដ្រាម៉ូឌី(Narendra Modi )។
ប្រភពព័ត៌មានដដែល បានបន្ដថា ការតវ៉ានេះ បានផ្ទុះឡើង កាលពីថ្ងៃទី១២ ខែធ្នូ ឆ្នាំ២០១៩ ដោយមានការចូលរួមពីក្រុមនិស្សិត ពលរដ្ឋ សិល្បករ តារាចម្រៀង រួមទាំងតារាតួកុនផងដែរ។ ក្រុមអ្នកតវ៉ាឥណ្ឌាបាននាំគ្នាធ្វើកូដកម្មបង្កត់អាហារ រយៈពេលមួយថ្ងៃពេញ ដើម្បីប្រឆាំងនឹងច្បាប់ថ្មីរបស់រដ្ឋាភិបាល ដែលបានធ្វើវិសោធននកម្ម (កែប្រែ) ផ្តល់សញ្ជាតិឥណ្ឌាដល់ជនអន្តោប្រវេសន៍ខុសច្បាប់ មកពីប្រទេសជិតខាង ដែលរស់នៅលើទឹកដីឥណ្ឌា មុនថ្ងៃទី៣១ ខែធ្នូ ឆ្នាំ២០១៤។
សារព័ត៌មានឥណ្ឌា the Press Trust of India បានបញ្ជាក់ថា ច្បាប់ថ្មីដ៏ចម្រូងចម្រាសនេះ គឺផ្តល់សញ្ជាតិដល់ជនអន្តោប្រវេសន៍ខុសច្បាប់ កាន់សាសនា ដូចជា សាសនាហិណ្ឌូ សាសនា Sikhs សាសនាព្រះពុទ្ធ សាសនាគ្រឹស្ដ សាសនា Jain និងអ្នកសាសនា Parsis ។ ជនអន្ដោប្រវេសន៍ទាំងនោះបានមករស់នៅលើទឹកដីឥណ្ឌា ដោយចូលមកពីប្រទេសជិតខាង ដូចជា ប៉ាគីស្ថាន បង់ក្លាដែស និងអាហ្វហ្គានីស្ថាន នៅមុនថ្ងៃទី៣១ ខែធ្នូ ឆ្នាំ២០១៤។ ដោយសារតែការតវ៉ានេះ ទើបរដ្ឋាភិបាលឥណ្ឌា បានសម្រេចដាក់បម្រាមគោចរ ដោយគ្មានកាលកំណត់។
តាមគម្រោង នាយករដ្ឋមន្ដ្រីឥណ្ឌា លោក Modi បានអញ្ជើញលោកនាយករដ្ឋមន្ដ្រីជប៉ុន អាបេ នឹងទៅកាន់ទីក្រុង Gauhati ដើម្បីជំនួបកំពូលនេះ និងចូលរួមសន្និសីទសារព័ត៌មានរួមគ្នា នៅទីនោះ។ នៅក្នុងគម្រោងនោះ មេដឹកនាំទាំង២ ក៏នឹងពិភាក្សាគ្នា អំពីបញ្ហាសន្ដិសុខ និងគម្រោងអភិវឌ្ឍ សម្រាប់រដ្ឋ ដែលនៅជាប់នឹងប្រទេសបង់ក្លាដែស និងមីយ៉ាន់ម៉ា។