វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2220 នាក់
ម្សិលមិញ 4563 នាក់
សរុប 14169596 នាក់
ខេត្តសៀមរាប៖ មានបនល្បែងជាច្រើនកន្លែង ជ្រកក្រោមស្លាកកាហ្វេ និង ក្លឹបកីឡា ដែលគេដឹងថាជាអាជីវកម្មរបស់បុរសដ៍មានឥទ្ធិពលម្នាក់!។ប្រភពពីប្រជាពលរដ្ឋដែលនិយមចូលចិត្តលេងល្បែងស៊ីសង និង មេការ ដែលទទួលខុសត្រូវលើបនល្បែងស៊ីសងទាំងនោះ បានឱ្យដឹងថា បុរសរូបនោះ មានរហស្សនាមថា “លោកខ្លា” គាត់គឺជាមនុស្សម្នាក់ដ៏មានឥទ្ធិពលនៅខេត្ត។ ដែល កាន់កាប់បនល្បែងជាច្រើនកន្លែងនៅក្នុងដៃ ។
ទីតាំងបនល្បែងទាំងនោះ បានជ្រកនៅក្រោមស្លាក ហាងកាហ្វេ ក្លឹបកីឡាជាច្រើន ដែលសុទ្ធសឹងតែ បាននឹងកំពុងប្រព្រឹត្តនូវល្បែងភ្នាល់ដូចជា ជល់មាន់អនឡាញ់ ឆ្នោតវៀតណាម-ឆ្នោតសៀម ភ្នាល់បាល់ទាត់ league ធំៗនៅលើពិភពលោក បានយ៉ាងរលូន ដោយជ្រកក្រោមអាជ្ញាប័ណ្ណឆ្នោតឡូតូផ្សងសំណាង ដែលគេសង្ស័យថាគ្មានច្បាប់គ្រប់គ្រាន់នោះទេ។ប្រជាពលរដ្ឋទូទាំងខេត្តសៀមរាប បានចោទសួរថា តើបុរសដែលមានឈ្មោះ”ខ្លា”រូបនេះ មានសិទ្ធិអំណាចនិងឥទ្ធិពលប៉ុណ្ណាទៅ? បានជាប្រព្រឹត្តនូវការបើកល្បែងស៊ីសងខុសច្បាប់ ដោយមិនញញើតទៅហ្នឹង អនុសាសន៍ដ៏ថ្លៃថ្លា របស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលកន្លងទៅបានដាក់បទបញ្ជាយ៉ាងដាច់ណាត់ ក្នុងការលុបបំបាត់ នូវល្បែងស៊ីសងគ្រប់ប្រភេទ ទូទាំងប្រទេសឲ្យខានតែបាន។ជុំវិញសេចក្តីរាយការព៍ឋខាងលើ អង្គភាពបណ្ដាញសារព័ត៌មាន យើងនៅពុំទាន់អាចសុំធ្វើការបំភ្លឺ ពីបុរសដែលមានរហស្សនាមថា”លោកខ្លា” ដ៏មានឥទ្ធិពលនេះ និងអាជ្ញាធរពាក់ព័ន្ធបាននៅឡើយទេ។