លោក គង់ សុគី ហៅ Kiry Pich ត្រូវតុលាការ កោះហៅចូលបំភ្លឺ ពីបទ បរិហារកេរ្តិ៍ជាសាធារណ: និង ញុះញង់ !
03-April-2024 / ព័ត៌មានជាតិ
តើអ្នកសារព័ត៌មាន ជាឆ្អឹងស្លាក់បំពង់ក របស់អ្នកមានលុយ និង មានអំណាចមែនទេ ?តើសិទ្ធិសេរីភាព និង ការបញ្ចេញមតិរបស់អ្នកកាសែតត្រូវថិតក្រោមមាត់ដង្កាប់របស់ តុលាការឬ ?
ភ្នំពេញ : ថ្ងៃទី០៣ខែ មិថុនា ឆ្នាំ២០២០ ការិ យាល័យនិពន្ធគេហទំព័រ មាតុភូមិ បាន ទទួលសេចក្តីរាយ ការណ៍ពីលោក គង់ សុគី ហៅគិរីពេជ្រ អ្នកយក ព័ត៌មានរបស់អង្គភាព គេហទំព័រ មាតុភូមិ មកថា: រូបលោក ( គី ) ត្រូវ បានតុលាការកោះហៅ អោយចូលខ្លួនទៅបំភ្លឺ នៅថ្ងៃទី០៥ខែ មិថុនា ២០២០ខាងមុខនេះ ពីបទ បរិហារកេរ្តិ៍ជា សា ធារណ: និង ញុះ ញង់ ដោយមាន ដើមបណ្តឹង ឈ្មោះ វ៉ាន់ សារុំ ។ លោក គី បានប្រាប់បន្តទៀតថា ក្រៅពីរូបគាត់ក៏មានលោក ស្រី ស៊ឹម រ៉ុន មេឃុំក្បាលទឹក , លោក ស៊ីត រស្មី ចាងហ្វាងគេហទំព័រ អង្គរកម្ពុជា , លោក មាន រ៉ុន និងលោក អោម ហុន តំណាង សហគមន៍ ក៏ត្រូវតុលាការកោះហៅអោយចូលបំភ្លឺ ពីបទ បរិហារកេរ្តិ៍ និងញុះញង់ដូចគ្នា ។
លោក គិរី ពេជ្រ បានប្រាប់ពីដើម ហេតុ នៃរឿងរ៉ាវខាងលើ នេះថា កាលពីថ្ងៃទី ២៩ ខែ មេសា ឆ្នាំ ២០២០ រូបលោក និងក្រុមអ្នក កាសែតនិង TV អនឡាញ ប្រមាណជាង១០ អង្គភាព ផ្សេងៗគ្នា ព្រម ទាំង មន្ត្រីជំនាញ រដ្ឋបាលព្រៃឈើ និង អនុប្រធានមន្ទីរកសិកម្មខេត្តក៏បានរួមដំណើរជា មួយ ចុះទៅថតយកព័ត៌មាន មកចុះផ្សាយករណីប្រជាជនប្រមាណ ១០០ គ្រួសារនៅភូមិក្រសាំងដុះឡើង ភូមិថ្នល់កែងនិងភូមិខ្វិតទួលឃ្លាំងលើកគ្នាទៅតវ៉ា (ឃាត់គ្រឿងចក្រនិងកម្មករ) ដែលលោក វ៉ាន់សារ៉ំ ជួល កម្លាំងកម្មករ និងយកគ្រឿងចក្រទៅឈូសឆាយ និងកាប់ឆ្ការដីព្រៃសហគមន៍ ដែលជាដីរបស់រដ្ឋ នៅជើងភ្នំប្រជាវ ចំណុចខ្សាច់ពូន។
ដីនៅចំណុចខ្សាច់ពូននេះ កាលពីអំឡុងឆ្នាំ២០០០ត្រូវបានអាជ្ញាធរខេត្តកំពង់ឆ្នាំងជំនាន់ អភិបាលខេត្តឯកឧត្តម ទូច ម៉ារីម ( ស្លាប់) បានដកហូតទុកជាដីសហគមន៍ដី ១០%សម្រាប់ប្រជាពល រដ្ឋអាស្រ័យផល រកអុសដុត ឃ្វាលគោក្របី បោច វ័ល្លិ៍ និងដកផ្សិតដែលមានទំហ៊ុំ ៣៩៣ ហិកតា ។ ដូច្នេះបើផ្អែក តាមឯកសារ និងប្លង់ក្នុងគំរោងរបស់អាជ្ញាធរ ខេត្តកំពង់ឆ្នាំង និង ការ តវ៉ារបស់ប្រជាពលរដ្ឋ ដែលបានកើតឡើង ក្នុង អំឡុងពេលនោះ គឺអ្នក សារព័ត៌មាន មានសិទ្ធិ ក្នុងការផ្សព្វផ្សាយ Live ព័ត៌មានជាក់ស្តែងពីទី កន្លែងកើតហេតុ សម ស្រប តាមវិជ្ជាជីវ:របស់ អ្នកសារព័ត៌មាន តែប៉ុណ្ណោះ ។
តើមានហេតុផល ណាមួយ ដែល ឈ្មោះ វ៉ាន់ សារុំមក ប្តឹង ចំពោះអ្នកកាសែតពី បទផ្សាយបរិហារកេរ្តិ៍ និង ញុះញង់នោះ ? បើគ្រឿងចក្រ និង កម្មករពិតជាត្រូវលោក វ៉ាន់ សារុំ ជួលអោយឈូសឆាយដីព្រៃ របស់រដ្ឋពិតប្រាកដមែន បែបនេះ ? ។នេះបើផ្អែក តាមការបញ្ជាក់ពីលោក គី ថាពិតមានការឈូស ឆាយដីព្រៃ ហើយរហូត មានការប្រតាយប្រតប់ គ្នាដេញចាប់លោកមាន រ៉ុន មេសហគមន៍ ថែម ទៀតផងកាលណោះ ។
តើលោក គិរី ពេជ្រ ត្រូវចូលខ្លួនទៅបំភ្លឺ តុលា ការ នៅថ្ងៃទី៥ មិថុនា ២០២០នេះដែរ ឬ អត់? លោក គិរី ពេជ្រ បានបញ្ជាក់តាមទូរស័ព្ទថា លោកកំពុងរៀបចំដាក់ លិខិតសុំពន្យាពេល នៃ ការចូលបំភ្លឺ ទៅតុលាការ មូលហេតុ លោកពុំទាន់មានមេធាវីការពារក្តី និងម្យ៉ាងទៀត តុលាការបញ្ជូនដីកាមក បន្ទាន់ពេក គឺលោកទើប តែទទួលបានដីកានៅថ្ងៃ នេះ (០៣-០៦- ២០២០) ហើយត្រូវចូល ទៅបំភ្លឺនៅថ្ងៃទី៥មិថុនា ២០២០ ដូច្នេះពេល វេលានេះខ្លីណាស់ ។ ក្រៅ ពីការដាក់លិខិត ពន្យាពេលចូលបំភ្លឺ តុលាការ លោក គិរី ពេជ្រ ក៏គ្រោងនិងរៀប ចំឯកសារ គោរពស្នើសុំ ទៅឯកឧត្តម ខៀវ កាញារិទ្ធី រដ្ឋមន្ត្រីក្រសួង ព័ត៌មាន តាមរយ: លោកចាងហ្វាងគេហទំព័រ មាតុភូមិ ដើម្បីស្នើសុំជំនួយ មេធាវី របស់សម្តេចតេជោការពារក្តីអ្នក កាសែត ដែលអនុវត្ត ការងារស្របតាមវិជ្ជាជីវ:អ្នកសារព័ត៌មាន ផងដែរ ។
គួររំលឹកថា៖ឯកឧត្តមខៀវ កាញារិទ្ធីរដ្ឋមន្ត្រី ក្រសួងព័ត៌មានធ្លាប់បានមាន ប្រសាសន៍ ថា អ្នកសារ ព័ត៌មានមិនត្រូវបានជាប់ទោសពីបទព្រហ្ម ទណ្ឌទេ ដោយគ្រាន់តែសរសេរព័ត៌មានតាមវជ្ជាជីវៈផ្សព្វផ្សាយនោះ ចុះហេតុអ្វី បានជាលោកព្រះរាជអាជ្ញា ចេញដីកា កោះហៅ អ្នកកាសែតអោយចូលខ្លូនបំភ្លឺ តាមបណ្ដឹងលោក វ៉ាន់ សារុំប្ដឹងពីបទបរិហាកេរ្ដ៍ និងញុះញុងទៅវិញ ? ។ តែ ទោះជាបែបណា ក៏ ដោយលោក គិរី ពេជ្រ ថា ទៅថ្ងៃខាងមុខលោក នឹងចូលទៅបំភ្លឺតាមការ កោះហៅរបស់តុលាការ ម្តងទៀតព្រោះយើងជា ប្រជាពលរដ្ឋ ត្រូវតែគោរពនិងអនុវត្តន៍តាម ច្បាប់រដ្ឋធម្មនុញ្ញដូចៗគ្នា ។
លោក គិរី ពេជ្រ សង្ឃឹម និង ជឿជាក់ថា តុលាការខេត្តកំពង់ឆ្នាំង នឹងផ្តល់ភាពយុត្តិធម៌ ដល់រូបលោក ព្រោះបើ យោងតាមការថ្លែងរបស់ ឯកឧត្តម កើត រិទ្ធិ រដ្ឋមន្ត្រីក្រសួងយុត្តិធម៌ ប្រាប់អ្នកកាសែត កាល ពីពេលកន្លងទៅថ្មីៗនេះ ក្នុងការដោះស្រាយការ កកស្ទះសំណុំរឿងនៅតាមតុលាការ រាជធានី ខេត្ត ឯកឧត្តមរដ្ឋមន្ត្រី នឹងធ្វើការកែទម្រង់ស៊ីជំរៅលើប្រព័ន្ធច្បាប់ និង ចាត់វិធានការម៉ឺងម៉ាត់ តឹងរ៉ឹងបំផុតចំពោះ ចៅក្រម ព្រះរាជអាជ្ញា និង ក្រឡាបញ្ជី ណាដែលអសកម្មការងារ ឬ ប្រព្រឹត្តអំពើមិនប្រក្រតី ពុករលួយ ឬធ្វើអោយ ប្រជាពលរដ្ឋថ្នាំងថ្នាក់ ចិត្ត ៕ ដោយ : សុផល
