ប្រជានេសាទជាលក្ខណៈគ្រួសារបានមានចម្ងល់និងសួរថាតើលោកមកឌិត ទីណារដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងលោកអៀង សុផលឡែត រមន្ត្រីក្រសួងបរិស្ថាន អាណត្តិទីអាចមានវិធានការទប់ស្កាត់ក្រុមមន្ត្រីជំនាញខិលខូចដែលកំពុងឃុបឃិតគ្នាបើកដៃឲ្យក្រុមឈ្មួញរកស៊ីកាវលាសនិងដឹកជញ្ជូនលៀសនៅរដូវបទនេសាទបានដែរឬទេ?
27-October-2025 / ព័ត៌មានជាតិ
កំពង់ឆ្នាំង៖នៅក្នុងដំណាក់កាលរដូវបិទនេសាទឈានចូលមកដល់ហើយក៏ជិតដល់រដូវបើកវិញហើយនោះមកហាងឆេងលៀសកំពុងឡើងថ្លៃ ពីមួយថ្ងៃទៅមួយថ្ងៃក្រុមអរកំពុងសម្រុកដឹកជញ្ជូនលៀសចេញពីតំបន់ផ្សារជើងកំពុងឆ្នុកទ្រូស្ថិតនៅក្នុងភូមិឆ្នុកទ្រូក ឃុំឆ្នុកទ្រូស្រុកបរិបូណ៌ កំពង់ឆ្នាំងអាណាធិបតេយ្យនិងពេញទំហឹងផងដែរ។
ក្នុងការដឹកជញ្ជូនលៀសចេញពីតំបន់ខាងលើក្នុងមួយថ្ងៃៗមិនក្រោមពី ៣០តោនទៅ ៤០ តោនឡើងទៅនោះទេតែគ្មានសមត្ថកិច្ចជំនាញជលផលនិងបរិស្ថានទប់ស្កាត់អ្វីទាំងអស់ថែមទាំងចេញពាក់មីដឹកជញ្ជូនឲ្យថែមទៀតផង។មហាជនបានសង្ស័យថាប្រហែលជាពួកមន្ត្រីជំនាញនិងអាជ្ញាធរពាក់ព័ន្ធទាំងនេះបានសើមមាត់សើមកពីផលកម្រៃដែលបានមកពីការរត់ការបង់លុយឲ្យនោះហើយបានជាពួកនេះធ្វើជាមិនដឹងមិនឮអង្គុយចាំតែយកលុយតុងឲ្យចៅហ្វាយនាយរបស់គេតែប៉ុណ្ណោះ។ដោយគេអាងថាថ្នាក់លើខាងរដ្ឋបាលជលផលដែលមានលោកពុម្ពសេដ្ឋាជាប្រតិភូរាជរដ្ឋាភិបាលទទួលបន្ទុករដ្ឋបាលជូនផលចេញច្បាប់ឲ្យរកស៊ីកាវប្រើប្រាស់ម៉ាស៊ីនចាប់ពី 24 សេះចុះក្រោម តែការអនុញ្ញាតបន្ធូរបន្ថយនេះគឺបានធ្វើឡើងនៅមុនយុទ្ធនាការបោះឆ្នោតនោះទេ ហើយក៏នៅក្នុងរដូវបើកនេសាទទៀតផង។
ប៉ុន្តែដោយសារមហិច្ឆតាកន្ទេលធំបន្លំដេកពួកនេះបានយកលេសគោលការណ៍ថ្នាក់លើដែលយោគយល់ប្រជាពលរដ្ឋមុនយុទ្ធនាការបោះឆ្នោតនោះបន្តរហូតមកដល់សព្វថ្ងៃហើយក៏ជិតដល់រដូវបើកនេសាទវិញផងដែរ។ព្រោះថាអស់លោកអង្គុយលើច្បាប់ដេកលើច្បាប់មានដឹងច្បាប់ស្ដីពីជលផលទឹកសាបនិងទឹកប្រៃដែរឬទេ?បើក្នុងច្បាប់ស្ដីជលផលនេសាទទឹកសាប ឧបករណ៍ទាំងឡាយ ដូចជាដូចជាការអូស្លៀសឲ្យប្រើឈ្នាងរុញ អូសអួនឲ្យប្រើកម្លាំងដៃទាញម៉ាផ្ទុបច្រាំងឬក្រសោបនៅកណ្ដាលទន្លេ បើរុញត្រូវចែវ ឬអ៊ំនិងច្រវ៉ាដោយកម្លាំងមនុស្សគ្មានសិទ្ធិប្រើម៉ាស៊ីនទេ ព្រោះជានេសាទសិប្បកម្មនៅក្នុងតំបន់ទឹកសាប។
ឯនេសាទទឹកប្រៃអាចប្រើប្រាស់ម៉ាស៊ីនបានព្រោះជានិសាទឧស្សាហកម្មប៉ុន្តែពួកនេះប្រើល្បិចឆ្ពានភ្នែកថ្នាក់លើសម្ងំកើបលុយយ៉ាងស្ងៀមស្ងាត់មិនអើពើអ្វីទាំងអស់។
ល្មមដល់ពេលសម្ដេចបវរធិបតីហ៊ុន ម៉ាណែតមេត្តាមេត្តាយកពួកនេះទៅដុះក្អែលចេញម្ដងហើយ ហើយដើម្បីអនុវត្តនូវអភិក្រមទាំង ៥ ចំណុចរបស់សម្ដេចតេជោហ៊ុនសែននាយករដ្ឋមន្ត្រីនៃរាជរដ្ឋាភិបាលកម្ពុជាអាណត្តិមុន(ណាត់ទី 6)។នេះគ្រាន់តែមួយជ្រុងចំពោះបទល្មើសកាវលៀសនៅរដូវបិទនេសាទតែប៉ុណ្ណោះ។នៅមានបទល្មើសផ្សេងៗទ្រង់ទ្រីធំរាប់មិនអស់នៅក្នុងតំបន់ជុំវិញបឹងទន្លេសាបដែលពួកនេះគ្មានខ្វល់គ្មានគិតទាំងអស់គិតតែពីកើបយកលុយតែប៉ុណ្ណោះ។ថែមទាំងបង្ហាត់បង្រៀនពួករកស៊ីបទល្មើសនេសាទឱ្យប្រើល្បិចគ្រប់យ៉ាង ដើម្បីកុំឲ្យអ្នករកស៊ីបទល្មើសនេសាទ អើពើធ្វើដឹងធ្វើឮផ្ដេសផ្ដាស់ជាមួយសមត្ថកិច្ចឬក៏ជំនាញផ្សេងៗទៅជួបទៀតផង។
សព្វថ្ងៃក្រុមឈ្មួញបានសម្រុកដឹកជញ្ជូនលៀសទាំងកណ្ដាលយប់និងកណ្ដាលថ្ងៃត្រង់គ្មានសមត្ថកិច្ចជំនាញណាមួយសង្ក្រាបឡើយ ដែលនៅតំបន់ផ្សារជើងកំពង់ឆ្នុកទ្រូ មានលោកអ៊ុំចាន់ធា (ហៅកែវ ធូ) នាយសង្កាត់ជលផលស្រុកបរិបូរណ៍ ជាកូនចៅរបស់លោកលី ឡានាយខណ្ឌជលផលខេត្តកំពង់ឆ្នាំង។និងលោកយូ សុគមន៍ប្រធានផ្នែកបរិស្ថានតំបន់ប្រើប្រាស់ច្រើនយ៉ាងឈរជើងនៅក្នុងទ្រូ ជាកូនចៅរបស់លោក ម៉ម ផល្លាប្រធានមន្ទីរបរិស្ថានខេត្តកំពង់ឆ្នាំង។មហាជនទូទៅសូមរាយការណ៍ជូននិងសំណូមពរដល់លោកដល់លោករដ្ឋមន្ត្រីទាំងពីរក្រសួងដែលមានលោកឌិត ទីណារដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ និងលោកអៀង សុផលឡែត មេត្តាចាត់វិធានការទប់ស្កាត់ឲ្យបានទាន់វេលាផងទៀនបើបណ្ដោយពួកអស់លោកមន្ត្រីថ្នាក់ក្រោមការពារទប់ស្កាត់នោះ ដូចសង្ឃឹមអាជ័យឲ្យទៅចាំចំការអញ្ចឹងទាន។
