វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2090 នាក់
ម្សិលមិញ 6677 នាក់
សរុប 14149666 នាក់
ភ្នំពេញ៖ប៉ុន្មានថ្ងៃកន្លងមកនេះឈ្មោះមុំអស្សនីដែលគេខ្លួនទៅរសនៅប្រទេសនូវែលហ្សឡង់បានធ្វើឲ្យកក្រើកអ្នកលេងបណ្តាញសង្គមតាមរយៈនិយាយវាយប្រហារការដឹកនាំរបស់អាជ្ញាធរកម្ពុជា។នៅថ្ងៃទី៧ ខែមិថុនា ឆ្នាំ២០២៣ទើបឃើញមានហ្វេសប៊ុកមួយចំនួនបានចេញមកមកវាយបកការបរិហាររបស់បុគ្គលឈ្មោះមុំអស្សនីដោយបើកកកាយពីបុគ្គលរូបនេះគឺជាអ្នកមានទោសរឿងឆបោក។ជាមួយគ្នានេះដែរ ខុទ្ទកាល័យលោក ឧបនាយករដ្ឋមន្ត្រី កែ គឹមយ៉ានក៏ បានចេញធ្វើការបដិសេធ និងថ្កោលទោស ចំពោះខ្លឹមសារនៃបទសម្ភាសន៍រវាងបុគ្គលឈ្មើ មុំ អស្សនី និងឈ្មោះតាំង សារ៉ាដា បុគ្គលិក The Cambodia Daily Khmer កាលពីយប់ថ្ងៃទី០២ ខែមិថុនា ឆ្នាំ២០២៣ វេលាម៉ោង ៨:០០យប់ ក្រោមប្រធានបទ សមុទ្រខ្មែរ កំពុងរងនូវការបំពាន និងការប្រព្រឹត្តបទឧក្រិដ្ឋអ្វីខ្លះ?ផងដែរ។
សេចក្តីបកស្រាយបានចាត់ទុក រាល់ខ្លឹមសារការបកស្រាយរបស់ ជនអគតិនេះ តែងតែផ្សារភ្ជាប់លើកឡើងអំពីឈ្មោះរបស់ថ្នាក់ដឹកនាំរាជរដ្ឋាភិបាលកម្ពុជា និងគណបក្សប្រជាជនកម្ពុជា ដែលជាគំនិតខ្មៅកខ្វក់ ភូតកុហក ញុះញង់ បំបែកបំបាក់ផ្ទៃក្នុងថ្នាក់ដឹកនាំរាជរដ្ឋាភិបាល កម្ពុជា និងថ្នាក់ដឹកនាំគណបក្សប្រជាជនកម្ពុជា ជាពិសេសគឺចេតនាទុច្ចរិតប៉ុនប៉ងបំផ្លាញសុខសន្តិភាព របស់ប្រទេសជាតិ។
សេចក្តីបកស្រាយរបស់ខុទ្ទកាល័យលោក ឧបនាយករដ្ឋមន្ត្រី កែ គឹមយ៉ានបានលើកឡើងថាជនអគតិ មុំ អស្សនី គ្រាន់តែធ្លាប់បានបម្រើការងាររយៈពេលខ្លីជាង០២ខែ ក្នុងឆ្នាំ២០០៩ នៅក្នុងខុទ្ទកាល័យលោក ឧបនាយករដ្ឋមន្ដ្រី កែ គឹមយ៉ាន ហើយត្រូវបានបណ្ដេញចេញពីការងារដោយមូលហេតុ ជននេះគ្មានវិន័យ គ្មានសីលធម៌ ដើរនិយាយកុហកភូតភរ និងបោកប្រាស់សាធារណជន ព្រមទាំងបានប្រព្រឹត្តអំពើល្មើសច្បាប់ជាច្រើន។
ការលើកឡើងរបស់ជនអគតិ មុំ អស្សនី ដោយធ្វើការប្រៀបធៀបអំពីឋានន្តរស័ក្តិ និងចំនួនមេបញ្ជាការរង តាមអង្គភាពទ័ពពីពេលមុនប្រៀបធៀបនឹងបច្ចុប្បន្ន គឺជារឿងដែលមិនត្រឹមត្រូវ ព្រោះការរៀបចំកងទ័ព ត្រូវដើរស្របតាមសភាពការណ៍វិវត្តន៍នៃប្រទេសជាតិ ស្របតាមយុទ្ធសាស្ត្រនិងសៀភៅ ស ការពារជាតិ ហើយក៏មិនអាចយកបញ្ហាស័ក្តិធំ និងចំនួនមេបញ្ជាការរងច្រើន មកវាយតម្លៃអវិជ្ជមានលើសមត្ថភាពដឹកនាំរបស់ លោកនាយឧត្តមសេនីយ៍ ហ៊ុន ម៉ាណែត ដែលបាននឹងកំពុងដឹកនាំការកែទម្រង់ និងទំនើបកម្មវិស័យកងទ័ព ឲ្យស្របតាមសភាពការណ៍តំបន់និងសកលលោកនាពេលបច្ចុប្បន្ន។
លោកឧបនាយករដ្ឋមន្ត្រី កែ គឹមយ៉ាន បានប្រកាន់ជំហរឥតងាករតាមមាគ៌ានយោបាយរបស់គណបក្សប្រជាជនកម្ពុជា និងរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជានាយករដ្ឋមន្ត្រី និងជាប្រធានគណបក្ស និងគាំទ្រជានិច្ច លោក ហ៊ុន ម៉ាណែត ជាបេក្ខភាពនាយករដ្ឋមន្ត្រី បន្តវេននៅពេលអនាគត។ខុទ្ទកាល័យលោកឧបនាយករដ្ឋមន្ត្រី កែ គឹមយ៉ាន សូមអំពាវនាវដល់សមត្ថកិច្ចពាក់ព័ន្ធ ចាត់វិធានការណ៍ផ្លូវច្បាប់ឲ្យបានតឹងរឹងបំផុតចំពោះជនអគតិរូបនេះ និងស្នើសុំសាធារណជនទាំងអស់កុំជឿ នូវពាក្យសំដីរបស់ជនអគតិវង្វេងជាតិ មុំ អស្សនី និងក្រុមក្បត់ជាតិទាំងនេះ ដែលតែងតែនិយាយបង្កាច់ បង្ខូចឥទ្ធិពលរបស់ថ្នាក់ដឹកនាំគណបក្សប្រជាជនកម្ពុជា ក្នុងគោលបំណងទុច្ចរិត ធ្វើប្រជាភិថុតនយោបាយ ញុះញង់ បំបែកបំបាក់ការឯកភាពជាតិ និងភាពសុខក្សេមក្សាន្តរបស់ប្រជាជនដែលឧបាយកលទាំងអស់នេះ តែងតែត្រូវបានលាតត្រដាង និងទទួលបរាជ័យតាំងពីដើមរហូតមក៕