សម្តេចតេជោ ប្រកាសទទួលយកការបំភ្លឺរបស់គណបក្សភ្លើងទៀនតែច្រានចោលលិខិត លោក ជា ប៉ូចព្រោះអេះមិនចំរមាស់?
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសទទួលយកការបំភ្លឺរបស់គណបក្សភ្លើងទៀន នាថ្ងៃទី២២ ខែឧសភា ឆ្នាំ២០២៣នេះ តែបានច្រានចោលលិខិតចំហររបស់ លោក ជា ប៉ូច សមាជិកអចិន្ត្រៃយ៍គណបក្សភ្លើងទៀនដែលសុំទោសដែលគេមើលទៅថាអេះមិនចំរមាស់។
សម្តេចតេជោ ហ៊ុន សែន បានលើកឡើងតាមបណ្តាញសង្គមដូច្នេះថា៖ «ខ្ញុំទទួលយកការបំភ្លឺរបស់ គណបក្សភ្លើងទៀន តាមរយៈសេចក្តីថ្លែងការណ៍ថ្ងៃ២២ ឧសភា ២០២៣ ដូចមានភ្ជាប់មកជាមួយនេះ»។សម្តេចតេជោបញ្ជាក់ពីមូលហេតុថា៖ «ខ្ញុំក៏មិនចង់មានរឿងវែងឆ្ងាយតទៅទៀតដែរ បើទោះជាខ្ញុំដឹងច្បាស់ថា អ្នកណាជាអ្នកបញ្ជាឲ្យធ្វើ និងទំនាក់ទំនងជាមួយគ្នាបែបណារវាងអ្នកនៅភ្នំពេញ ជាមួយអ្នកនៅបាងកក៏ដោយ។ ពេលនេះនៅសល់តែរឿងបុគ្គល ជា ប៉ូចមួយប៉ុណ្ណោះ»។
តាមរយៈបណ្តាញសង្គម សម្តេចតេជោ ហ៊ុន សែន បានលើកឡើងថា៖ «សម្រាប់ខ្ញុំការសុំទោសត្រឹមប៉ុណ្ណេះរបស់ ជា ប៉ូច មិនគ្រប់គ្រាន់ទេព្រោះ ជា ប៉ូច ជាមនុស្សក្រឡិចក្រឡុចបំផុត។ ខ្ញុំនិងកូនខ្ញុំក៏ដូចជាមន្ត្រីផ្សេងទៀតបានថ្នាក់ថ្នម ជា ប៉ូច រយៈពេលជាង៤ឆ្នាំ តែទីបំផុត ខ្ញុំបានក្លាយជាគោលដៅនៃការកំចាត់ចោល (ទម្លាក់) របស់ ជា ប៉ូច តាមការចង់បានរបស់អាក្បត់ជាតិ ៣ជំនាន់ទៅវិញ»។មានការប៉ាន់ស្មានថាសម្រាប់ការសុំទោសដែលអាចទទួលសម្តេចបានបង្ហើបថាថា៖ «គិតខ្លួនឯងទៅប៉ូច ព្រោះខ្ញុំមិនអាចទុកមនុស្សដូចប៉ូច ឲ្យបំផ្លាញខ្ញុំតាមបញ្ជាអាក្បត់ជាតិ៣ជំនាន់ បាននោះឡើយ។ ត្រូវចងចាំថាមនុស្សណាក៏ដោយឲ្យតែមានទំនាក់ទំនងជាមួយអាក្បត់ជាតិ៣ជំនាន់ មិនអាចទទួលបានការយោគយល់ពីហ៊ុន សែន នោះឡើយ ព្រោះអាមួយនេះវាអាក្រក់ពេកជ្រុលនិយមពេក។ មនុស្សណាក៏ដោយឲ្យតែប្រកាសផ្តាច់ខ្លួនចេញពីអាក្បត់ជាតិនេះ នឹងទទួលបាននូវការលើកលែង ឬយោគយល់»។
ការបញ្ជាក់ជំហររបស់ សម្តេចតេជោ ហ៊ុន សែន បានធ្វើឡើងបន្ទាប់ពី លោក ជា ប៉ូច ដែលកំពុងដេកពេទ្យនៅស្រុកសៀមបានចេញលិខិតសុំទោសចំពោះសម្តេច។ លោកបានលើកឡើងថា៖ កាលពីអំឡុងខែមីនា ឆ្នាំ២០២៣ ខ្ញុំបាទបានបើកកិច្ចប្រជុំពង្រឹងសកម្មជននៅក្នុងទីស្នាក់ការគណបក្ស ភ្លើងទៀន រាជធានីភ្នំពេញ ហើយបាននិយាយថា "គោលដៅខ្ញុំទម្លាក់ ហ៊ុន សែន ឲ្យបាន”។ ដោយសារ ការនិយាយរបស់ខ្ញុំនៅពេលនោះខ្វះការពិចារណា និយាយមិនបានគិតវែងឆ្ងាយ ធ្វើឲ្យការប៉ះពាល់យ៉ាងធ្ងន់ចំពោះ សម្តេចតេជោ ជាវីរជនដែលបាននាំសន្តិភាព និងការអភិវឌ្ឍន៍ដល់ប្រទេសជាតិនិងប្រជាជនកម្ពុជា»។
តាមរយៈលិខិតសុំទោស លោក ជា ប៉ូច បានបន្តថា៖ «ម្យ៉ាងវិញទៀត ដោយសារខ្ញុំបាទធ្លាប់បានដឹងថា ក្នុងពេលកន្លងទៅ សម្ដេចតេជោតែង មានព្រហ្មវិហារធម៌ សន្តោស ប្រណីដល់បុគ្គលណាដែលបានប្រព្រឹត្តិខុសឆ្គងចំពោះសម្តេច ហើយសម្ដេចមិនយកទោសកំហុសអ្វីឡើយ ឲ្យ តែបុគ្គលនោះបានដឹងពីកំហុសរបស់ខ្លួននិងចេះកែរកំហុសឆ្គងនោះ។ ថ្ងៃនេះខ្ញុំបាទ សូម សុំទោសជាសាធារណៈនូវកំហុសឆ្គងរបស់ខ្ញុំបាទដែលបានប្រព្រឹត្តិមិនគប្បីចំពោះសម្តេច តេជោនាពេលកន្លងទៅ»។ខ្លឹមសាប៉ប៉ិនណឹងមិនចំគោលដៅទេបើតាមសារសម្តេចតេជោ!លោកប៉ូចគួយល់ថោកអីនិងដៃថ្លៃអីនឹងមាត់បើចង់ឈរឈ្មោះឲ្យគេបោះឆ្នោតឲ្យនៅភ្នំពេញប្រជែងជាមួយលោកហ៊ុនម៉ាណែតដែលជាបេក្ខជនតំណាងរាស្ត្រគណបក្សប្រជាជនកម្ពុជា។
