វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 846 នាក់
ម្សិលមិញ 6001 នាក់
សរុប 13873676 នាក់
ភ្នំពេញ ៖ លោក ខឺយ ស៊ីនឿន សមាជិកម្នាក់នៃក្រុមស្ថាបនិកគណបក្សខ្មែរស្រឡាញ់ជាតិ បាននាំយកលិខិតស្នាមផ្សែងរបស់គណបក្ស ទៅដាក់បន្ថែមនៅក្រសួងមហាផ្ទៃ ដើម្បីចុះបញ្ជីគណបក្សជាផ្លូវការ នៅវេលាម៉ោង៩ព្រឹក ថ្ងៃទី០១ ខែមេសា ឆ្នាំ២០២០ ។
លោក ខឺយ ស៊ីនឿន បានប្រាប់កាសែតថា គណបក្សខ្មែរស្រលាញ់ជាតិ ត្រូវបានផ្តួចផ្តើមបង្កើតឡើងដោយ ដោយថ្នាក់ដឹកនាំ និងសកម្មជននៃអតីតគណបក្សសង្គ្រោះជាតិ និងប្រជាពលរដ្ឋខ្មែរ ទាំងក្នុង និងក្រៅប្រទេស។ គណបក្សខ្មែរស្រលាញ់ជាតិ បានដាក់ពាក្យសុំបង្កើតទៅក្រសួងមហាផ្ទៃ កាលពីថ្ងៃទី០២ ខែមករា ឆ្នាំ២០២០ ហើយត្រូវបានទទួលបានការអនុញ្ញាតឲ្យបង្កើត នៅថ្ងៃទី០៦ ខែមករា ឆ្នាំ២០២០តែទាមទាឲ្យរកឯកសារបំពេញបន្ថែម។
សូមបញ្ជាក់ថា មន្ត្រីក្រុមអតីតគណបក្សសង្គ្រោះជាតិមួយចំនួន ដែលទទួលបាននីតិសម្បទានយោបាយឡើងវិញនោះ ហើយបានប្រកាសបង្កើតគណបក្សថ្មីមួយ ដើម្បីធ្វើសកម្មភាពនយោបាយ រួមមាន ៖ លោក ជីវ កត្តា លោក ស៊ឹម សុវណ្ណនី លោក ខឺយ ស៊ីនឿន លោក កង គឹមហាក់ លោក អាន ភារ៉ា លោក សុខ នីមល លោក សៀវ បុត និង លោក ចាន់ នីន ផងដែរ។គេមិនទាន់ដឹងថាក្រៅពីសមាសភាពខាងលើនេះតើអ្នកណានឹងក្លាយជាប្រធានគណបក្សខ្មែរស្រលាញ់ជាតិនោះនៅឡើយទេ!។ឯមេដឹកនាំអតីតគណបក្សសង្គ្រោះជាតិក៏មិនទាន់ដឹងពីជោគវាសនាបែបណានៅឡើយដោយសារស្រុកជាប់វឹកវរពីរឿងកូវិដចឹងនោះ៕