សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 4147 នាក់

ម្សិលមិញ 5304 នាក់

សរុប 14143673 នាក់

ចិនបង្ហាញការគាំទ្រដល់របបយោធាមីយ៉ានម៉ា

03-April-2024 / ព័ត៌មានអន្តរជាតិ

មីយ៉ាន់ម៉ា-ចិន៖ យោងតាមទូរទស្សន៍ (MRTV) របស់មីយ៉ាន់ម៉ា បានផ្សព្វផ្សាយថា នៅថ្ងៃអង្គារ៍ទី២ឧសភាថា រដ្ឋមន្ត្រីការបរទេសចិន លោកឈីនកាង (Qin Gang) បានជួបគ្នាជាមួយប្រមុខរដ្ឋាភិបាលរបបសឹកមីយ៉ាន់ម៉ា លោកមីនអ៊ុងលាំង (Min Aung Hlaing) នៅក្នុងរដ្ឋធានីណៃពិដរ៍ (Naypyidaw) ដើម្បីពង្រឹងទំនាក់ទំនងទ្វេភាគី ។ a china miyanmar

ក្នុងកិច្ចពិភាក្សាគ្នា ប្រមុខការទូតចិន លោក ជីន កង អះអាងប្រាប់ប្រមុខរបបសឹកភូមា លោក មីន អ៊ុងឡាំង ថា «នៅលើឆាកអន្តរជាតិ គឺប្រទេសចិននៅខាងភូមា »។ នេះបើតាមសេចក្តីប្រកាសព័ត៌មានពីសំណាក់របបសឹកក្រុងណៃពីដោ។

មេដឹកនាំទាំងពីរ (លោកឈីនកាង និងលោកមីនអ៊ុងលាំង) បានពិភាក្សាគ្នាអំពីកិច្ចការពង្រឹងទំនាក់ទំនងការទូត ស្ថិរភាព និងការអភិវឌ្ឍន៍នៅក្នុងប្រទេសមីយ៉ាន់ម៉ា បន្ថែមពីនេះ ក៏រួមមានការអភិវឌ្ឍន៍នៅតាមតំបន់ព្រំដែន បង្កើនពាណិជ្ជកម្ម និងការវិនិយោគ រួមបញ្ចូលទាំងកិច្ចសហប្រតិបត្តិការនៅលើវិស័យថាមពលផងដែរ។រដ្ឋមន្ត្រីក្រសួងការបរទេសចិន លើកឡើងថា «ចិនបានទទូចអង្វរករឲ្យ សហគមអន្តរជាតិ គោរពដែនអធិបតេយ្យភាពរបស់ភូមា ហើយ ចិន ដើរតួជាអ្នកអន្តរាគមន៍សម្រាប់នាំមកនូវសន្តិភាពនិងការផ្សះផ្សាគ្នានៅភូមា»។

ក្រសួងការបរទេសចិន បាឲ្យដឹងថា លោកឈីនកាង (Qin Gang) និងបន្តដំណើរទៅកាន់ប្រទេសឥណ្ឌាដើម្បីចូលរួមប្រជុំថ្នាក់រដ្ឋមន្ត្រីការបរទេសដែលមកពីអង្គការសហប្រតិបត្តិការសៀងហៃ និងប្រារព្ធធ្វើឡើងនៅក្នុងប្រទេសឥណ្ឌា។សូមបញ្ជាក់ថា ថ្ងៃពុធ ទី៣ឧសភា របបសឹកភូមា ប្រកាសដោះលែងអ្នកទោស ចំនួន ២ ១៥៣នាក់។ ការប្រកាសដោះលែងអ្នកទោសនេះបានធ្វើឡើងនាឱកាសបុណ្យសាសនាព្រះពុទ្ធ(វិសាខបូជា) និងនាឱកាសដំណើរទស្សនកិច្ចរបស់ប្រមុខការទូតចិននៅភូមា។

សូមរំឮកថា មីយ៉ាន់ម៉ាចាប់ផ្តើមជួបភាពវឹកវរ បន្ទាប់ពីយោធានៃរបបសឹកបានធ្វើរដ្ឋប្រហារទម្លាក់រដ្ឋាភិបាលជាប់ឆ្នោតស្របច្បាប់របស់លោកស្រីអ៊ុងសានស៊ូជី (Aung San Suu Kyi) កាលពីខែកុម្ភៈ ឆ្នាំ២០២១ ។ ក្រោយមកក៏កើតមានជាចលនាតស៊ូពីក្រុមគាំទ្រសេរីភាពនៃលទ្ធិប្រជាធិបតេយ្យ ជាមួយកងកម្លាំងរបបសឹក និងបន្តប៉ះទង្គិចគ្នាជាហូហែ បើទោះជាធ្លាប់មានកិច្ចព្យាយាមសម្របសម្រួលពីមជ្ឈដ្ឋានខាងក្រៅក៏ដោយ ។តាំងពីពេលរបបសឹកធ្វើរដ្ឋប្រហារឡើងកាន់អំណាច ២ឆ្នាំមក រដ្ឋអំណាចភូមា បានចាប់ឃុំខ្លួនក្រុមអ្នកប្រឆាំងនិងហ្វូងបាតុករ ប្រមាណជាង ២១ ០០០ នាក់។ នៅក្នុងការប៉ះទង្គិចគ្នានិងការបង្ក្រាបពីសំណាក់យោធាភូមា គឺបណ្តាលឲ្យមនុស្សស្លាប់ ជាង ៣ ៤០០ នាក់។

គិតចាប់ពី យោធាភូមាធ្វើរដ្ឋប្រហារ ដើមខែកុម្ភៈឆ្នាំ២០២១មក នេះគឺជាលើកទី១ ដែល រដ្ឋមន្ត្រីការបរទេសចិន ជួបពិភាក្សាដោយផ្ទាល់ តែម្តង ជាមួយ ថ្នាក់ដឹកនាំរបបសឹក ក្នុងប្រទេសភូមា ។ អតីតរដ្ឋមន្ត្រីការបរទេសចិនលោក វាំង យី ធ្លាប់បានអញ្ជើញទៅភូមាដែរ កាលពីឆ្នាំ២០២២ តែពេលនោះ ពុំបាន ជួបពីប្រមុខរបបសឹក ដូចគ្រានេះទេ។ ចិន មានទំនាក់ទំនងល្អជាប្រក្រតីជាមួយរបបសឹក។ ខែធ្នូ ឆ្នាំទៅមិញ ចិន បានតែងតាំងបេក្ខជនពិសេសទៅភូមា និងបានជួបប្រមុខដឹកនាំរបបសឹក យ៉ាងហោច ២ដង រួចមកហើយ។សូមបញ្ជាក់ថាកន្លងមកមានតែរុស្ស៊ីទេដែលបង្ហាញការគាំទ្រដល់របបយោធាមីយ៉ានម៉ាតាមរយៈដំណើរទស្សនៈកិច្ចរបស់របបសឹក។ a china miyanmar1