វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4074 នាក់
ម្សិលមិញ 10264 នាក់
សរុប 14143256 នាក់
ប្រទេសហ្វីលីពីន៖ការឃោសនាបោះឆ្នោតនៅក្នុងប្រទេសហ្វីលីពីនកាន់តែក្តៅហើយ ដោយបេក្ខភាពប្រធានាធិបតីបានលើកឡើងពីគោលនយោបាយសំខាន់ៗ វាយប្រហារគូប្រជែង។
នៅក្នុងពេលឃោសនាបោះឆ្នោត អតីតស្ដេចប្រដាល់ និងជាបេក្ខជនប្រធានាធិបតីហ្វីលីពីន លោក Manny Pacquiao បាននិយាយថា លោកនឹងអនុញ្ញាតឱ្យមានការស៊ើបអង្កេតអន្តរជាតិមួយលើសង្គ្រាមប្រយុទ្ធប្រឆាំងគ្រឿងញៀនរបស់លោក រ៉ូឌ្រីហ្គោ ឌូទែរតេ ហើយសន្យាបង្ក្រាបការជួញដូរគ្រឿងញៀនតាមមធ្យោបាយត្រឹមត្រូវ ប្រសិនបើលោកជាប់ឆ្នោតជាប្រធានាធិបតី។
ថ្លែងប្រាប់អ្នកសារព័ត៌មានបរទេសនៅក្នុងសប្ដាហ៍ អតីតសេ្ដចប្រដាល់រូបនេះបានអះអាងថា លោកនឹងស្វាគមន៍ការស៊ើបអង្កេតរបស់តុលាការព្រហ្មទណ្ឌអន្តរជាតិ (ICC) ប៉ុន្តែ នឹងនៅតែបន្តប្រយុទ្ធប្រឆាំងនឹងក្រុមឧក្រិដ្ឋជនជួញដូរគ្រឿញៀន ដោយប្រើវិធីសាស្ត្រត្រឹមត្រូវ តាមរយៈការបញ្ជូនជនសង្ស័យទាំងអស់ទៅកាន់តុលាការកាត់ទោសតាមផ្លូវច្បាប់។ «នៅពេលដែលខ្ញុំនិយាយពីមធ្យោបាយត្រឹមត្រូវនោះគឺយើងនឹងមិនសម្លាប់មនុស្សនៅតាមដងផ្លូវនោះទេ»។
លោក ឌូទែរតេ បានដកហ្វីលីពីនចេញពីតុលាការព្រហ្មទណ្ឌអន្តរជាតិ (ICC) កាលពីឆ្នាំ២០១៨ ក្រោយពីតុលាការមួយនេះប្រកាសបើក ការស៊ើបអង្កេតប្រឆាំងនឹងរូបលោក។កន្លងមកប្រធានាធិបតីឌូទែរតេ បានប្រកាសថា លោកនឹងទទួលខុសត្រូវទាំងស្រុងចំពោះសង្គ្រាមប្រឆាំងគ្រឿងញៀននៅក្នុងប្រទេសហ្វីលីពីន។ លោកបាននិយាយថា បើមានអ្នកណាជាប់គុកដោយសង្គ្រាមប្រឆាំងគ្រឿងញៀន នោះគឺជារូបលោក។
ការបោះឆ្នោតប្រធានាធិបតីហ្វីលីពីនគ្រោងនឹងប្រព្រឹត្តទៅខែឧសភាខាងមុខនេះ ប៉ុន្តែបើតាមការស្ទង់មតិបច្ចុប្បន្ននេះបង្ហាញថាលោក ប៉ាក់គីអៅ កំពុងតាមពីក្រោយបេក្ខជនដែលជាកូនប្រុសប្រធានាធិបតីផ្តាច់ការលោកហ្វែឌីណង់ម៉ាកូស( Ferdinand Marcos Jr )៕