វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1222 នាក់
ម្សិលមិញ 5168 នាក់
សរុប 16013356 នាក់
អាមេរិក៖ កាលពីថ្ងៃសៅរ៍ ទី១៨ ខែមករា ប្រធានាធិបតីជាប់ឆ្នោតអាមេរិកមកពីគណបក្សសាធារណរដ្ឋ លោក ដូណាល់ ត្រាំ បានធ្វើដំណើរទៅដល់រដ្ឋធានីវ៉ាស៉ីនតោន ដើម្បីចូលរួមព្រឹត្តិការណ៍ និងកម្មវិធីអបអរសាទរជាច្រើន មុនពេលស្បថចូលកាន់តំណែង នៅថ្ងៃចន្ទ័ទៅ២០មករាដើមសប្តាហ៍។
ទីភ្នាក់ងារព័ត៌មាន Reutersបានឲ្យដឹងថា៖លោក ត្រាំ បានធ្វើដំណើរទៅដល់អាកាសយានដ្ឋានអន្តរជាតិ Dulles ជាមួយភរិយារបស់លោក គឺលោកស្រី Melania ព្រមទាំងសមាជិកគ្រួសារមួយចំនួនទៀត។ ពេលទៅដល់វ៉ាស៊ីនតោនភ្លាម លោក ត្រាំ បានឆ្ពោះទៅចូលរួមព្រឹត្តិការណ៍ឯកជនមួយ ដែលរួមមានទាំងការបាញ់កាំជ្រួចអបអរ នៅឯក្លឹបវាយកូនហ្គោលមួយរបស់លោក។ នៅថ្ងៃអាទិត្យ ទី១៩ ខែមករា លោក ត្រាំ ក៏ត្រូវបានរំពឹងថា នឹងរៀបចំព្រឹត្តិការណ៍ជួបជុំជាមួយអ្នកគាំទ្រ ផងដែរ។ លោក ត្រាំ បានទទួលជ័យជម្នះ ក្នុងការបោះឆ្នោតប្រធានាធិបតីអាមេរិក កាលពីថ្ងៃទី៥ ខែវិច្ឆិកា ឆ្នាំ២០២៤ ក្រោយផ្តួលលោកស្រី Kamala Harris ដែលជាអនុប្រធានាធិបតីអាមេរិកបច្ចុប្បន្ន។ ប្រធានាធិបតីអាមេរិក លោក ចូ បៃដិន បានសម្រេចចិត្តដកខ្លួនពីការប្រកួតបន្ទាប់ពីការជជែកដេញដោលតាមទូរទស្សន៍ចាញ់ប្រៀមលោកត្រាំនិងក្រោយមានព្រិត្តិការណ៍លួចបាញ់ប្រហារ។
គួរបញ្ជាក់ថា ពិធីស្បថចូលកាន់តំណែងរបស់លោក ត្រាំ នឹងប្រព្រឹត្តទៅនៅវិមានសភាអាមេរិក នាថ្ងៃទី២០ ខែមករា ហើយរូបលោក នឹងធ្វើសច្ចាប្រណិធានចូលកាន់តំណែងមុខតំណែងនៅក្នុងសេតវិមាន នៅម៉ោង១២ថ្ងៃត្រង់ ម៉ោងនៅវ៉ាស៉ីនតោន ដែលនឹងត្រូវនឹងខ្ទង់ម៉ោង១២យប់ ថ្ងៃចន្ទឆ្លងចូលថ្ងៃអង្គារសប្តាហ៍ក្រោយ បើតាមម៉ោងនៅកម្ពុជា។ វានឹងក្លាយជាលើកទី២ ដែលលោក ត្រាំ កាន់តំណែងជាប្រធានាធិបតីរបស់សហរដ្ឋអាមេរិក ខណៈលោកធ្លាប់កាន់តួនាទីកំពូលនេះម្តងរួចមកហើយ កាលពីចន្លោះឆ្នាំ២០១៧-២០២១។
មុនចូលកាន់តំណែងលើកទី២នេះក្នុងបំណងបង្ហាញភាពខ្លាំងរបស់ខ្លួនត្រាំបានបោះពាក្យសម្តីជម្លើយជាច្រើនបង្កការមិនសប្បាយចិរ្តដល់សម្ពន្ធ័មិត្តដូចជាគម្រានឹងប្រើលុយទិញឬកម្លាំងយកតំបន់ហ្គ្រីនឡែន(Greenland)ពីប្រទេសដណឺម៉ាក។ប្រកាសចង់យកព្រែកជីកពីប្រទេសប៉ាណាម៉ាមកកាន់កាប់និងគម្រាមតម្លើងពន្ធ័លើប្រទេសកាណាដែលជាសម្ពន្ធ័មិត្តជាដើម។ទាក់ទងបញ្ហាសង្គ្រាមរុស្ស៊ីអ៊ុយក្រែនគេកំពុយចាំមើលថាតើប្រធានាធិបតីត្រាំមានវិធានការណ៍បញ្ចប់បែបណា?។ដោយឡែកសង្គ្រាមនៅមជ្ឆឹមបូពារ៍រវាងអ៊ីស្រាអែលនិងហាម៉ាសប៉ាឡេស្ទីនត្រូវបានលោកចូបៃដឹនបញ្ចប់ហើយមុនចុះចេញ៕