វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 910 នាក់
ម្សិលមិញ 2951 នាក់
សរុប 12608465 នាក់
ភ្នំពេញ៖ មជ្ឈមណ្ឌលកែរសម្ភស្ស អន្តរជាតិ M25 ចំណុចផ្ទះលេខ 73B ផ្លូវលេខ៧០ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញបង្កឲ្យមានការភ្ញាក់ផ្អើល ដោយសាស្ត្រីម្នាក់បានស្លាប់ ខណៈពេលកំពុងវះកាត់ដើមទ្រូង(ធ្វើសុដន់)កាលវេលាម៉ោង ៩:១០នាទីយប់ ថ្ងៃទី៣ ខែមិនា ឆ្នាំ២០២៣។ សពស្ត្រីរងគ្រោះឈ្មោះ ឃុន ចន្នី អាយុ៤១ឆ្នាំ រស់នៅភូមិគីឡូ១២ ឃុំកោះតូច ស្រុកទឹកឈូក ខេត្តកំពត។
ប្រភពព័ត៌មានពីអ្នកស្គាល់ស្ត្រីខាងលើ បានឱ្យដឹងថា ស្ត្រីជាជនរងគ្រោះបានសុំស្វាមី ទៅកែរច្រមុះ ប៉ុន្តែបែរជាលួចកែរដើមទ្រូងដោយមិនប្រាប់គ្រួសារឡើយ ស្រាប់តែបានជួបរឿងដូចនេះ។ ករណីនេះដែរ ខាងមជ្ឈមណ្ឌលកែរសម្ភស្ស មិនទាន់មានការបញ្ជាក់ណាមួយនៅឡើយទេ ។សមត្ថកិច្ចបានផ្អាកដំណើរការគ្លីនិកបណ្តោះអាសន្ន រង់ចាំសមត្ថកិច្ចខាងការិយាល័យបច្ចេកវិទ្យាយាសាស្ត្រ និងគ្រូពេទ្យកោសល្យវិច័យ រាជធានីភ្នំពេញ ត្រួតពិនិត្យជុំវិញកន្លែងកើត ក៏ដូចជាធ្វើកោសល្យវិច័យទៅលើសព រកមូលហេតុអំពីការស្លាប់។
ជំហានដំបូងសមត្ថកិច្ចបានដាក់ការសន្និដ្ឋានថា សពស្ត្រីខាងលើស្លាប់ដោយសារបញ្ហាគាំងបេះដូង។ បច្ចុប្បន្នសមត្ថកិច្ចជំនាញកំពុងបន្តត្រួតពិនិត្យតាមជំនាញ រកមូលហេតុនៃការស្លាប់ អាចពាក់ព័ន្ធនឹបច្ចេកទេសកែរសម្ភស្ស។ ក្រោយធ្វើកោសល្យវិច័យ សមត្ថកិច្ចបានប្រគល់សពទៅឱ្យក្រុមគ្រួសារដឹកយកទៅស្រុកកំណើត.។សម្រាប់ការបិទគ្លិនិកកែសម្ផស្សនេះក្រសួងសុខាភិបាល បានបញ្ជាក់ថា ការបិទមជ្ឈមណ្ឌលកែសម្ផស្សខាងលើនេះដែលមានទីតាំងនៅផ្ទះលេខ៧៣B ផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ ជារបស់លោកវេជ្ជបណ្ឌិត គោគ ចន្ទី ជាអ្នកទទួលខុសត្រូវ ដោយសារតែបុគ្គលិកគ្មានគុណវុឌ្ឍ និងគ្មានជំនាញវិជ្ជាជីវៈសុខាភិបាលបណ្ដាលឱ្យមនុស្សស្លា.ប់។ក្រសួងសុខាភិបាលនឹងបន្តនីតិវិធីច្បាប់ដែលមានជាធរមានចំពោះបុគ្គលដែលបានប្រព្រឹត្ត រួមជាមួយនឹងអ្នកទទួល ខុសត្រូវ ក៏ដូចជា ម្ចាស់មជ្ឈមណ្ឌលកែសម្ផស្ស អឹម២៥ ប៊ីយូធី។