វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2815 នាក់
ម្សិលមិញ 4140 នាក់
សរុប 14165205 នាក់
ព្រៃវែង៖បុរសម្នាក់ត្រូវបានកម្លាំងនគរបាលស្រុកកញ្ច្រៀច ខេត្តព្រៃវែង ចុះឃាត់ខ្លួនបន្ទាប់ពីកាប់ប្រហារប្រពន្ធ និងកូនស្រីខ្លួនឯងបណ្ដាលឲ្យរងរបួសធ្ងន់ ខឹងឬៀងជេរនិងជះទឹកនោមដាក់ ពេលខ្លួនទើបត្រឡប់មកពីផឹកស៊ីវិញបណ្ដាលឲ្យរងរបួសធ្ងន់កាលពីវេលាម៉ោង២១និង០០នាទី ថ្ងៃទី០៩ ខែកក្កដា ឆ្នាំ២០២៣ នៅចំណុចភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង។
ប្រភពីសមត្ថកិច្ចឲ្យដឹងថា៖ ជនដៃដល់មានឈ្មោះ ទូច ចាន់ ភេទប្រុស អាយុ៣៨ឆ្នាំ រស់នៅភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង។ ចំណែកជនរងគ្រោះជាប្រពន្ធ មានឈ្មោះ ផល ស៊ាងរ៉ា ភេទស្រី អាយុ៣៩ឆ្នាំ ជនជាតិខ្មែរ រស់នៅភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង មុខរបរកសិករ ។ កូនស្រីឈ្មោះ ចាន់ ឌី ភេទស្រី អាយុ១៥ឆ្នាំ ជនជាតិខ្មែរ រស់នៅភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង មុខរបកសិករ រងរបួសធ្ងន់ទាំងពីរនាក់។
នៅវេលាកើតហេតុ ជនដៃដល់បានមកពីផឹកស៊ីនៅខាងក្រៅផ្ទះ ពេលត្រឡប់មកដល់ផ្ទះជនរងគ្រោះជាប្រពន្ធបានស្តីបន្ទោស និងជេរប្រមាថ។ ពេលនោះជនដៃដល់ជាប្ដីបានឃាត់កុំឱ្យជេរ តែជនរងគ្រោះជាប្រពន្ធមិនព្រមឈប់នោះទេ និងបានយកទឹកនោមក្នុងកន្ថោរមកជះទៅលើជនសង្ស័យជាប្ដី រួចរុញបណ្តាលឱ្យដួលទៀត ហើយក៏បានប្រតាយប្រតប់គ្នា។ បន្ទាប់មកជនសង្ស័យជាប្តី បានដើរទៅចង្ក្រានបាយរួចទាញកាំបិតប៉័ងតោកាប់ទៅលើប្រពន្ធជាច្រើនកាំបិត ហើយពេលកូនស្រីចូលទៅជួយ ក៏កាប់ទាំងកូនស្រីទៀត បណ្តាលឱ្យរងរបួសធ្ងន់ទាំង២នាក់តែម្តង។បន្ទាប់ពីកាប់ប្រហារប្រពន្ធ និងកូនរួច ជនដៃដល់បានរត់គេចខ្លួនទៅផ្ទះមិត្តភក្តិ នៅភូមិតាណាល ឃុំក្ដឿងរាយ ស្រុកកញ្ជ្រៀច ក៏ត្រូវកម្លាំងនគរបាលខេត្តព្រៃវែង ចាប់ឃាត់ខ្លួនបានតែម្តង។