វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6228 នាក់
ម្សិលមិញ 5304 នាក់
សរុប 14145754 នាក់
ភ្នំពេញ ៖ លោក ព្រាប សុវត្ថិ ទទួលស្គាល់ចំពោះកំហុសដែលបានសាងសង់របងផ្ទះរំលោភចូលចិញ្ចើមផ្លូវបន្ទាប់ពីមន្ត្រីជំនាញនិងអាជ្ញាធរចុះវាស់វែង បាញ់ GPS នៅចំណុចដែលមានបញ្ហាត្រង់ព្រំប្រទល់ដី កាលពីព្រឹកថ្ងៃទី០៦ ខែកក្កដា ឆ្នាំ២០២០នេះ ។ លោក ព្រាប សុវត្ថិ ក៏បានទទួលស្គាល់ថា សំណង់របស់លោកពិតជាសាងសង់រំលោភលើចិញ្ចើមផ្លូវពិតមែន ហើយលោកក៏បានផ្តិតមេដៃទទួលស្គាល់ចំពោះការវាស់វែងរបស់មន្ត្រីមន្ទីរសុរិយោដីផងដែរ។
ការចុះវាស់នេះបានធ្វើឡើងបន្ទាប់ពីមានពាក្យបណ្ដឹងរបស់ប្រជាពលរដ្ឋ ដោយបានចោទប្រកាន់ថា របងផ្ទះរបស់កំពូលតារាចម្រៀង លោក ព្រាប សុវត្ថិ ដែលស្ថិតនៅភូមិច្រេស សង្កាត់គោកឃ្លាង ខណ្ឌសែនសុខ រាជធានីភ្នំពេញ បានសង់រំលោភលើផ្លូវសាធារណៈ។តាមពាក្យបណ្ដឹងជំទាស់របស់ ឈ្មោះ ហេង គន្ធា ភេទស្រី អាយុ៥០ឆ្នាំ កាលពីថ្ងៃទី០៥ ខែធ្នូ ឆ្នាំ២០១៩មានអមមេដាយពីប្រជាពលរដ្ឋ បានលើកឡើងថា ស្នើសុំប្តឹងជំទាស់ករណីក្បាលដីចុះបញ្ជីលេខ១៧៤ ស្ថិតនៅភូមិច្រេស សង្កាត់គោកឃ្លាង ខណ្ឌសែនសុខ។
ពាក្យបណ្ដឹងដដែលនោះបានជម្រាប លោកអភិបាលខណ្ឌសែនសុខជ្រាបថា យោងទៅតាមប្លង់ផ្លូវដែលនៅចន្លោះរវាងក្បាលដីលេខ១៧៤ និង១៧៥ ផ្នែកខាងកើត៨.៨៨ម៉ែត្រ និងផ្នែកខាងលិច១០.២៥ម៉ែត្រ តែបច្ចុប្បន្ននៅសល់ប្រហែល៧ម៉ែត្រជាង។ ដូច្នេះហើយសូមសំណូមពររក្សាទំហំផ្លូវឲ្យបានត្រឹមត្រូវទៅតាមប្លង់។
សូមបញ្ជាក់ថា គេហដ្ឋានរបស់កំពូលតារាចម្រៀង លោក ព្រាប សុវត្ថិ គឺមានទីតាំងស្ថិតនៅភូមិច្រេស សង្កាត់គោកឃ្លាង ខណ្ឌសែនសុខ បានសាងសង់រំលោភលើចិញ្ចើមផ្លូវ ធ្វើឲ្យផ្លូវរួមតូច និងបានធ្វើរោងអារឈើបិទផ្លូវនៅខាងក្រោយផ្ទះរបស់លោក ពោលគឺធ្វើឲ្យមានការប៉ះពាល់ដល់ប្រជាពលរដ្ឋនៅក្នុងទីតាំងខាងលើជាច្រើនគ្រួសារ។សូមបញ្ជាក់ដែរថាករណិយ៍លោកព្រាបសុវត្ថិសង់របងរំលោភផ្លូវសាធារណៈធ្លាប់ត្រូវបានប្រជាពលរដ្ឋតវ៉ាម្តងហើយរាប់ទាំងកូនប្រុសស្ទាវៗរបស់លោករោទ៍ម៉ាស៊ីនឡានកណ្តាលយប់រំខានប្រជាពលរដ្ឋជិតខាងផងដែរ។កាលនោះលោកព្រាបសុវត្ថិក៍បានយល់ព្រមសម្របសម្រួលដែរតែមិនដឹងយ៉ាងម៉េចបានជាអូសបន្លាយរហូតមកដល់ពេលនេះទៀត?។នៅរសៀលថ្ងៃទី០៦ ខែកក្កដា ឆ្នាំ២០២០ លោក ព្រាប សុវត្ថិ អង្គភាពសារព័ត៌មាន នេះ មិនអាចទំនាក់ទំនងដើម្បីសុំការបកស្រាយបន្ថែមលើករណីនេះបាននៅឡើយទេ។