ពលរដ្ឋតវ៉ារឿងក្រុមហ៊ុន យិជៀ ដាក់កុងត្រូលបិទផ្លូវ រួចរុះរើបារ៉ាសកុងត្រូល មិនអោយដើរឆ្លងកាត់មិនដោះស្រាយបែជាចាប់ខ្លួនមនុស្ស៧នាក់ ចាប់ទាំងលោក ហ៊ុន សុខា ប្រធានក្លិបអ្នកកាសែតឯករាជ្យម្នាក់ទៀត!ហេតុអី?
27-March-2024 / សន្តិសុខសង្គម
ខេត្តព្រះសីហនុ៖ លោក ហ៊ុន សុខា ប្រធានក្លឹបអ្នក កាសែតឯករាជ្យ និងលោក កែវ រតនា ចាងហ្វាងកាសែត TN រួមទាំងមនុស្ស៥នាក់ទៀត ត្រូវបានកម្លាំងអាវុធហត្ថខេត្តព្រះសីហនុ នាំខ្លួនយកទៅសួរនាំពាក់ព័ន្ធបញ្ហាដីធ្លីកាលពីពេលកន្លងទៅថ្មីៗ ស្ថិតនៅក្រុងព្រះសីហនុ។ នេះបើតាមការអះអាងពីភ្នាក់ងារប្រចាំនៅខេត្តព្រះសីហនុរាយការណ៍បឋម។
ពួកគេទាំង ៧នាក់ ត្រូវបានមន្ដ្រីអាវុធហត្ថបាននិងកំពុងសួរនាំ នៅទីបញ្ជាការដ្ឋានអាវុធហត្ថខេត្តព្រះសីហនុ នារសៀលថ្ងៃទី១៩ ខែកក្កដា ឆ្នាំ២០១៩នេះ ដើម្បីមានវិធានការបន្ដទៀត ពាក់ព័ន្ធទៅនឹងបទល្មើសហិង្សាលើអ្នកកាន់កាប់អចលនវត្ថុ ដោយសុច្ចរិត ?។
លោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្តព្រះសីហនុ បានប្រាប់បណ្ដាញសាព័ត៌មាន ឲ្យដឹងថា ៖មនុស្សទាំង ៧នាក់ ត្រូវបានឃាត់ខ្លួនយកទៅសួរនាំ ជាបន្ដបន្ទាប់ ដោយ៥នាក់ដំបូង ត្រូវបានឃាត់ខ្លួននៅវេលាម៉ោង១០៖៥៥នាទីព្រឹកមិញ ហើយឈានទៅដល់ការឃាត់ខ្លួន មនុស្ស២នាក់ទៀត ជាអ្នកសារព័ត៌មាន នៅវេលាម៉ោង១២៖១៥នាទី រសៀលថ្ងៃដដៃលនេះ។
មេបញ្ជាការអាវុធហត្ថបានបញ្ជាក់ថា មនុស្សទាំង៧នាក់រួមមាន៖
ទី១៖ លោក ហ៊ុន សុខា អាយុ៤៦ឆ្នាំ មុខរបរប្រធានក្លឹបអ្នកកាសែតឯករាជ្យ ទីលំនៅបច្ចុប្បន្នភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ
ទី២៖ លោក កែវ រតនា អាយុ៣៣ឆ្នាំ មុខរបរចាងហ្វាងកាសែត TN ទីលំនៅបច្ចុប្បន្នផ្ទះលេខ១៨ ផ្លូវលេខ១៣៤ សង្កាត់ផ្សារដេប៉ូ២ ខណ្ឌទទួលគោក រាជធានីភ្នំពេញ
ទី៣៖ ស្រី្តឈ្មោះ ហង្ស ចិន្ដា អាយុ៥២ឆ្នាំ មុខរបរមេផ្ទះ រស់នៅក្រុម៣ ភូមិ១ សង្កាត់៣ ក្រុងព្រះសីហនុ។ទី៤៖ ស្ត្រីឈ្មោះ ហង្ស សុភា អាយុ៤៩ឆ្នាំ មុខរបរមេផ្ទះ រស់នៅក្រុម៣ ភូមិ១ សង្កាត់៣ ក្រុងព្រះសីហនុ។ទី៥៖ ស្ត្រីឈ្មោះ សែន លក្ខិណា អាយុ៣២ឆ្នាំ មុខរបរមេផ្ទះ រស់នៅក្រុម៣ ភូមិ១ សង្កាត់៣ ក្រុងព្រះសីហនុ។ទី៦៖ ស្ត្រីឈ្មោះ ប៉ែន ស៊ឺណា អាយុ៥៧ឆ្នាំ មុខរបរមេផ្ទះ រស់នៅក្រុម៣ ភូមិ១ សង្កាត់៣ ក្រុងព្រះសីហនុ
ទី៧៖ លោក ហេង រយ៉ូង អាយុ៥០ឆ្នាំ មុខរបរប្រជាការពារ រស់នៅក្រុម៣ ភូមិ១ សង្កាត់៣ ក្រុងព្រះសីហនុ។ មកដល់រសៀលថ្ងៃទី១៩ កក្កដា២០១៩នេះគេមិនទាន់បានដឹងថា សមត្ថកិច្ចបន្តនីតិវិធីចប់សព្វគ្រប់ហើយ ឬនៅនោះទេ ហើយវាសនាប្រជាពលរដ្ឋទាំង៥នាក់ និងអ្នកកាសែត២នាក់ ត្រូវបានដោះលែងវិញ ឬក៏ត្រូវបញ្ជូនទៅ តុលាការនោះទេ ព្រោះមិនអាចទាក់ទងសុំការបំភ្លឺតាមទូរស័ព្ទ ពីលោក ហ៊ុន សុខា បានទេដោយប្រព័ន្ធទូរស័ព្ទឆ្លើយតបថា មិនអាចទាក់ទងបានទេនៅពេលនេះ ។
មានការងៀងឆ្ងល់ថា តើមានអាថ៌កំបាំងអ្វី នៅពីក្រោយរឿងក្រុមហ៊ុនចិន ដែលដាក់បារ៉ាស់ កុងត្រូល បិទផ្លូវមិនអោយប្រជាពលរដ្ឋដើរចេញ-ចូល លំនៅដ្ឋានពួកគាត់ ? តើក្នុងទីតាំងដីដែលក្រុមហ៊ុនចិនបោះ ទីតាំងក្រោមលេសវិនិយោគមានលួចលាក់ស្តុកទុកអ្វី ? តើ តំបន់នោះជាតំបន់អប្បគមន៍ដែលជនបរទេសត្រួតត្រាឬ ?តើ ហេតុអ្វីបានជាអាជ្ញាធរដែនដី និង សមត្ថកិច្ច ការពារផល ប្រយោជន៍ក្រុមហ៊ុន ហើយគ្មានដំណោះស្រាយជាមួយប្រជាពលរដ្ឋ ? តើអ្នកកាសែតមានកំហុសអី បានចាប់ អ្នកកាសែតទាំងបំពានបែបនេះ ? ករណីនេះអាជ្ញាធរដែនដី និង សមត្ថកិច្ចក្នុង ខេត្តព្រះសីហនុគួរតែបំភ្លឺជូនសាធារណ:មតិជាតិ និង អន្តរជាតិ អោយច្បាស់លាស់ !។ ដោយ: សុផល
