វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2360 នាក់
ម្សិលមិញ 9706 នាក់
សរុប 14080603 នាក់
អាមេរិក៖ សហរដ្ឋអាមេរិក កាលពីថ្ងៃចន្ទបានគម្រាម នឹងចាប់ខ្លួន ហើយដាក់ទណ្ឌកម្មទៅលើក្រុមចៅក្រម និងមន្ត្រីមួយចំនួនទៀតនៃតុលាការឧក្រិដ្ឋកម្មអន្តរជាតិ ហៅកាត់ថា (ICC) ប្រើសិនបើខ្លួនចាត់វិធានការចោទប្រកាន់ជនជាតិអាមេរិកណាមួយដែលបម្រើការនៅអាហ្វហ្គានីស្ថាន ថាបានប្រព្រឹត្តបទឧក្រិដ្ឋកម្មសង្គ្រាមនោះ ។
ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី១១ ខែកញ្ញា ឆ្នាំ ២០១៨នេះឲ្យដឹងថាលោក John Bolton ទីប្រឹក្សាសន្តិសុខជាតិអាមេរិក បានហៅស្ថានប័នសិទ្ធិមនុស្សដែលមានមូលដ្ឋាននៅទីក្រុងឡាអេថា “គ្មានការទទួលខុសត្រូវ” និង “គ្រោះថ្នាក់ទាំងស្រុង” ចំពោះសហរដ្ឋអាមេរិក អ៊ីស្រាអ៊ែល និងសម្ព័ន្ធមិត្តដទៃទៀត ដោយបាននិយាយថា “ប្រសិនបើតុលាការធ្វើបែបនេះដាក់យើង អ៊ីស្រាអ៊ែល និងសម្ព័ន្ធមិត្តអាមេរិកដទៃទៀតមែននោះ យើងនឹងមិនអាចអង្គុយនៅស្ងៀមបានឡើយ” ។
មួយថ្ងៃ បន្ទាប់ពីសហរដ្ឋអាមេរិក បានគំរាមចាប់ខ្លួន និងដាក់ទណ្ឌកម្មទៅលើចៅក្រម និងមន្ត្រីផ្សេងៗទៀត នៅក្នុងតុលាការឧក្រិដ្ឋកម្មអន្តរជាតិ ទីក្រុងឡាអេ ក៏បានចេញសេចក្តីថ្លែងការណ៍ប្រតិកម្មខ្លាំងៗតបទៅនឹងសហរដ្ឋអាមេរិក វិញថា អង្គការមួយនេះ នឹងនៅតែបន្តធ្វើការងារនេះដដែល បើទោះជាមានការគំរាមពីលោក John Bolton ទីប្រឹក្សាសន្តិសុខជាតិសហរដ្ឋអាមេរិក ក៏ដោយ។“តុលាការឧក្រិដ្ឋកម្មអន្តរជាតិ គឺជាស្ថាប័ណ្ណឯករាជ្យ មិនលម្អៀង ដែលមានប្រទេសចំនួន១២៣គាំទ្រ”។“ ICC នឹងបន្តការងាររបស់ខ្លួនដោយអនុលោមទៅតាមគោលការណ៍ច្បាប់ ដែលមានចែងជាធរមាន”។
កាលពីប៉ុន្មានខែមុននេះ លោកស្រី Fapou អគ្គរដ្ឋអាជ្ញាតុលាការ ICC បានថ្លែងថា “លោកស្រីនឹងបើកភ្លើងខៀវឱ្យមានការស៊ើបអង្កេតផ្លូវការមួយទៅលើបទចោទប្រកាន់ថា ទាហានសហរដ្ឋអាមេរិក ជាប់ពាក់ព័ន្ធទៅនឹងឧក្រិដ្ឋកម្មសង្គ្រាមនៅប្រទេសអាហ្វហ្គានីស្ថាន ព្រមទាំងប្រទេសផ្សេងៗទៀតនៅក្នុងពិភពលោក ចន្លោះឆ្នាំ២០០៣-២០០៤”។
បន្ទាប់ពីទទួលបានដំណឹងពីការបើកភ្លើងខៀវ លោក John Bolton កាលពីថ្ងៃទី១០ ខែកញ្ញា ឆ្នាំ២០១៨ ប្រកាសជំហរប្រឆាំងទៅនឹងគម្រោងរបស់តុលាការនេះ ដោយនិយាយថា “សហរដ្ឋអាមេរិក នឹងប្រើប្រាស់គ្រប់មធ្យោបាយសំខាន់ៗ ដើម្បីការពារពលរដ្ឋរបស់ខ្លួន និងសម្ព័ន្ធមិត្ត ដែលទទួលរងនូវអំពើអយុត្តិធម៌ពីតុលាការមួយនេះ”។លោកបានបន្តទៀតថា “យើងនឹងមិនសហការជាមួយតុលាការនេះទេ យើងក៏មិនផ្តល់ជំនួយទៅឱ្យតុលាការនេះដែរ។ យើងនឹងបណ្តោយទុកឱ្យតុលាការនេះ ស្លាប់ដោយខ្លួនឯង”៕