វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3004 នាក់
ម្សិលមិញ 6359 នាក់
សរុប 14089637 នាក់
ហ្វីលីពីន៖ លោករ៉ូឌ្រីហ្គោ ឌូតឺតេប្រធានាធិបតីហ្វីលីពីន បាននិយាយថា អ្នកណាម្នាក់ដែលត្រូវបាន រកឃើញថាបានធ្វើសកម្មភាពហួសព្រំដែន ក្នុងយុទ្ធនាការប្រឆាំងគ្រឿងញៀនខុសច្បាប់របស់លោក នឹងត្រូវទទួលខុសត្រូវចំពោះមុខច្បាប់ ខណៈដែលលោកកំពុងបដិសេធចំពោះការស៊ើបអង្កេត របស់តុលាការឧក្រិដ្ឋកម្មអន្តរជាតិ ICC។
សារព័ត៌មានCNAផ្សាយនៅថ្ងៃទី ២២ ខែកញ្ញា ឆ្នាំ២០២១បានឲ្យដឹងថា៖លោកឌូតឺតេ បានប្រាប់សម័យប្រជុំលើកទី ៧៦ នៃមហាសន្និបាតអង្គការសហប្រជាជាតិ (UNGA) ថា លោកបានណែនាំដល់ក្រសួងយុត្តិធម៌ និងប៉ូលីសហ្វីលីពីន ឱ្យពិនិត្យឡើងវិញនូវការប្រព្រឹត្ដក្នុងយុទ្ធនាការនេះ ដែលក្នុងនោះជនសង្ស័យ ជួញដូរ និងអ្នកប្រើប្រាស់គ្រឿងញៀនជាង៦១០០(អង្គការប្រទេសថាមានប្រមាណ៣ម៉ឺននាក់) នាក់ត្រូវបានសម្លាប់ ចាប់តាំងពីលោកឡើងកាន់ តំណែងនៅខែមិថុនា ឆ្នាំ២០១៦ ។
ក្នុងសុន្ទរកថាតាមវីដេអូមួយ ទៅកាន់កិច្ចប្រជុំប្រចាំឆ្នាំអង្គការសហប្រជាជាតិលោកឌុយទឺតេថា៖ អ្នកដែលត្រូវបានគេ រកឃើញថាបានធ្វើសកម្មភាពហួសព្រំដែនក្នុងអំឡុងពេលប្រតិបត្តិការត្រូវទទួលខុសត្រូវចំពោះមុខច្បាប់របស់ប្រទេស។លោកឌូតឺតេដែលបានប្រកាសឈរឈ្មោះជាបេក្ខជនអនុប្រធានាធិបតីនៅឆ្នាំ២០២២ក្នុងគោលបំណងគេចផុតពីការស៊ើបអង្កេត ជាផ្លូវការលើឧក្រិដ្ឋកម្មប្រឆាំងមនុស្សជាតិ មិនបាននិយាយពីតុលាការព្រហ្មទណ្ឌអន្តរជាតិក្នុងកិច្ចប្រជុំទេតែរដ្ឋាភិបាលរបស់លោក បាននិយាយកាលពីសប្តាហ៍មុនថា នឹងមិនសហការជាមួយតុលាការ ICC ឬអនុញ្ញាតឱ្យមានការស៊ើបអង្កេតណាមួយចូលក្នុងប្រទេសហ្វីលីពីនឡើយ។ លោកឌូតឺតេ និងមេប៉ូលីស របស់លោក បាននិយាយថា ការសម្លាប់នេះ គឺដើម្បីការពារខ្លួន ហើយរដ្ឋាភិបាលរបស់លោក បានទទូច ថា ICC គ្មានសិទ្ធិជ្រៀតជ្រែកក្នុងកិច្ចការរបស់ប្រទេសនេះទេ។
ក្រៅពិនិយាយបង្វែងទម្លាក់ការទទួលខុសត្រូវទៅលើមន្ត្រីក្រោមឱវាទប្រធានាធិបតីហ្វីលីពីនលោក រ៉ូឌ្រីហ្គូ ឌូតឺតេ (Rodrigo Duterte) ក៏បានតម្លើងសម្លេងបានថ្កោលទោសយ៉ាងខ្លាំង ចំពោះផែនការដ៏ «អាត្មានិយម» របស់បណ្តាប្រទេសអ្នកមាន ក្នុងការស្តុកទុកវ៉ាក់សាំងបង្ការជំងឺ COVID-19 ខណៈប្រទេសក្រីក្រកំពុងជួបប្រទះការខ្វះខាតវ៉ាក់សាំង។ នេះបើតាម ទីភ្នាក់ងារព័ត៌មានចិនស៉ីនហួរ នៅល្ងាចថ្ងៃពុធ ទី២២ ខែកញ្ញា ឆ្នាំ២០២១។
លោក Rodrigo Duterte ថា «ការខ្វះខាតវ៉ាក់សាំង កំពុងកើតឡើងនៅតាមបណ្តាប្រទេសក្រីក្រ។ បណ្តាប្រទេសអ្នកមានបានស្តុកទុកវ៉ាក់សាំង សម្រាប់ការពារជីវិតប្រជាជនពួកគេ ខណៈដែលប្រទេសក្រីក្រ កំពុងរង់ចាំទទួលការចាក់វ៉ាក់សាំង។ ទង្វើបែបនេះ ពិតជាគួរឱ្យភ្ញាក់ផ្អើលហួសពីការស្មាន ហើយគួរត្រូវតែទទួលការថ្កោលទោសយ៉ាងខ្លាំង ចំពោះទង្វើដ៏អាត្មានិយមបែបនេះ ដែលមិនអាចត្រូវបានរាប់ជាទង្វើសុចរិត ដែលប្រកបដោយសមធម៌ និងសីលធម៌ឡើយ»។
លោក Rodrigo Duterte បានជំរុញឱ្យប្រទេសអ្នកមាន គាំទ្រយ៉ាងពេញទំហឹងដល់ កម្មវិធីចែកចាយវ៉ាក់សាំងអន្តរជាតិ COVAX និងពង្រឹងយន្តការលើកិច្ចសហប្រតិបត្តិការ ចែកចាយវ៉ាក់សាំងផ្សេងៗទៀត។ លោក Rodrigo Duterte បាននិយាយបន្ថែមថា «យើងត្រូវការធ្វើបែបនេះ ដើម្បីជួយសង្គ្រោះអាយុជីវិតមនុស្សបន្ថែមទៀត ក៏ដូចជាការបំបែកដំណើរ នៃការបំប្លែងខ្លួនថ្មីៗទៀតនៃវីរុស (COVID-19) និងជួយធានាដល់ការងើបឡើងវិញ នៃសេដ្ឋកិច្ចពិភពលោក»។
រហូតមកទល់ពេលនេះ ប្រទេសហ្វីលីពីនបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសជាង ២.៤លានករណី ក្នុងនោះមានអ្នកស្លាប់ចំនួន ៣៧,០៧៤នាក់ និងអ្នកជាសះស្បើយជាង ២.១៩លាននាក់ ខណៈវ៉ាក់សាំងសរុប ៤១.៧៩លានដូសរួចមកហើយ ត្រូវបានចាក់ជូនដល់ប្រជាជនទូទាំងប្រទេស ក្នុងនោះប្រជាជនប្រមាណ ១៨.៨លាននាក់ បានទទួលការចាក់វ៉ាក់សាំងពេញលេញ៕