វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2135 នាក់
ម្សិលមិញ 6677 នាក់
សរុប 14149711 នាក់
កូរ៉េខាងជើង៖ អាជ្ញាធរកូរ៉េខាងជើងដែលជាប្រទេសកុំមុសនិសផ្តាច់ការកំពុងបង្ខិតបង្ខំឱ្យពលរដ្ឋខ្លួនដែលមានឈ្មោះដូចគ្នាទៅនឹងកុមារីវ័យក្មេង Ju-ae និងជាកូនស្រីរបស់លោកគិមជុងអ៊ុន( Kim Jong Un) ដែលមានអាយុចន្លោះពី ៩ ទៅ១០ឆ្នាំគឺត្រូវតែផ្លាស់ប្តូរឈ្មោះពីកំណើតរបស់ខ្លួន។បទបញ្ជានេះ ត្រូវបានគេមើលឃើញថាធើ្វឡើងដើម្បីជាការកសាងកិត្យានុភាពសម្រាប់កូនស្រីរបស់ប្រមុខដឹកនាំ លោកគីម នៅថ្ងៃអនាគត ។
សេចក្តីរាយការណ៍បានឲ្យដឹងថាអាជ្ញាធរសន្ដិសុខកូរ៉េខាងជើង បានកោះហៅក្រុមស្ត្រីដែលមានឈ្មោះដូចគ្នានឹងកូនស្រីរបស់លោក Kim Jong Un ទៅកាន់នាយកដ្ឋានអត្តសញ្ញាណកម្មដើម្បីកែប្រែឈ្មោះកំណើតរបស់ពួកគេ។ ក្នុងនោះ ឪពុកម្តាយ ឬអាណាព្យាបាលរបស់កុមារតូចៗជាច្រើន ទទួលបានការណែនាំឱ្យប្រញាប់ប្រញាល់កែប្រែអត្តសញ្ញាណបញ្ជាក់កំណើតរបស់កូនៗ ដើម្បីកុំឱ្យដូចគ្នានឹងឈ្មោះរបស់កូនស្រីលោកគីម គឺកុមារីជូអែ( Ju-ae)។
សារព័ត៌មាន the South China Morning Post ធ្លាប់បានរាយការណ៍ថា របបដឹកនាំកូរ៉េខាងជើងកុំមុយនិសតែងតែធើ្វការហាមប្រាមពលរដ្ឋរបស់ខ្លួនមិនឱ្យប្រើប្រាស់ឈ្មោះដូចគ្នាទៅនឹងប្រមុខដឹកនាំប្រទេសនោះឡើយ ហើយចំណាត់ការខាងលើនេះដែរ បានកើតឡើងបន្ទាប់ពីប្រព័ន្ធផ្សព្វផ្សាយរដ្ឋរបស់កូរ៉េខាងជើងបង្ហាញវត្តមានកូនស្រីលោក Kim Jong Un ជាលើកដំបូងទៅកាន់មហាជន ដោយធើ្វឱ្យអ្នកវិភាគមួយចំនួនយល់ឃើញថា កុមារីរូបនេះទំនងជានឹងក្លាយជាអ្នកបន្តវេនដ៏សំខាន់មួយរូបនៅថ្ងៃខាងមុខ បន្ទាប់ពីលោកគីម ជុងអ៊ុនមិនមែនប្អូនស្រីលោកគិមឡើយ ៕ប្រភព៖ Fox News