វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1690 នាក់
ម្សិលមិញ 5378 នាក់
សរុប 14080983 នាក់
ខេត្តបន្ទាយមានជ័យ : មន្ត្រីគយប្រចាំច្រកតំបន់ម៉ាឡៃ ខេត្តបន្ទាយមានជ័យត្រូវបានគេរាយការណ៍ថា បាននិងកំពុងឃុបឃិតគ្នាឲ្យឈ្មួញនាំចូលទំនិញគេចពន្ធ ទំនិញបង់ពន្ធមិនគ្រប់ និងទំនិញខុសច្បាប់យ៉ាងពេញបន្ទុកដើម្បីប្រមូលលុយ ដាក់ហោប៉ៅយ៉ាងស្ងៀមស្ងាត់។ប្រហែលដោយសារចឹងហើយបាន សូម្បីតែទំនិញប្រភេទចំណីអាហារខូចគុណភាពមានផ្ទុកសារធាតុគីមីក៏ឈ្មួញអាចនាំចូលបានយ៉ាងរលូនផងដែរនាពេលកន្លងមកtតាមច្រកនេះ។
ប្រភពពីសមត្ថកិច្ចពាក់ព័ន្ធនៅច្រកតំបន់ម៉ាឡៃ ស្រុកម៉ាឡៃ ដែអត់លិធបានឲ្យដឹងថា មួយរយៈកន្លងមកនេះភាភីថៃ បានរឹតបន្តឹងយ៉ាងខ្លាំងចំពោះការនាំចូលផលិតផលសាច់សត្វគ្រប់ប្រភេទពីស្រុកខ្មែររាប់ទាំងប្រហុកផ្អក សាច់ក្រក និងចំណីអាហារជាច្រើនមុខទៀត។ល។និង។ល។តែផ្ទុយទៅវិញមន្ត្រីគយខ្មែរយើងប្រចាំច្រកតំបន់ម៉ាឡៃ បែជាឃុបឃិតឲ្យឈ្មួញនាំចូលទំនិញប្រភេទចំណីអាហារខូចគុណភាពមានផ្ទុកសារធាតុគីមីដូចជា សាច់មាន់ ស្លាបមាន់ ជង្គង់មាន់ គ្រឿងក្នុងមាន់ ប្រហិតជាដើម ចូលទឹកដីខ្មែរយ៉ាងពេញបន្ទុកហើយពួកគេចាំរាប់ចំនួនរទេះ និង ក្បាលឡានដឹកទំនិញ និង យកលុយយ៉ាងសុខស្រួល។
ក្រៅពីនេះទំនិញគេចពន្ធច្រើនប្រភេទដូចជា ស្បែកជើង ស្រាបៀរ សាប៊ូ និងទំនិញគ្រឿងទេសជាដើម ត្រូវមន្ត្រីគយច្រកតំបន់ម៉ាឡៃ ឲ្យឈ្មួញនាំចូលយ៉ាងរលូនដោយមិនខ្វល់ពីការរិះគន់អ្វីទាំងអស់។
បើទោះបីជាជាទំនិញខ្លះមានក្រុមហ៊ុនទទួលបានសិទ្ធិនាំចូលផ្ដាច់មុខយ៉ាងណាក៏ដោយ ក៏មន្ត្រីគយច្រកតំបន់ម៉ាឡៃ នៅតែឃុបឃិតបន្តរឲ្យឈ្មួញខិលខូចនាំចូលយ៉ាងរលូនផងដែរ ។ជាងនេះទៅទៀតនាពេលកន្លងមកនៅច្រកតំបន់ម៉ាឡៃ ក៏មានសមត្ថកិច្ចឃុបឃិតឲ្យឈ្មួញនាំចូលពីថៃនូវរថយន្តចង្កូតស្ដាំ ម៉ូតូគេចពន្ធ និងគ្រឿងអេឡិចត្រូនិកជាដើម ។
បើតាមប្រភពពត៍មានមន្ត្រីគយច្រកនេះអាចធ្វើបានពីព្រោះមេគយច្រកតំបន់ម៉ាឡៃ មានខ្នងបង្អែកគ្រាករឹងមាំទើបានឃុបឃឹតប្រព្រឹត្តអំពើ ពុករលួយរំលផភច្បាប់យកធ្វើមានបាន ដោយមិនមានបញ្ហា។ដោយមិនអាចសុំការបកស្រាយពីមេគយច្រកម៉ាឡៃបានអាជីវកររកស៊ីត្រឹមត្រូវនៅតំបន់នេះបានសុំឲ្យឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ព្រមទាំងឯកឧត្តម គុណ ញឹម ជាមេគយធំ មេត្តាទប់ស្កាត់ទង្វើមិនប្រក្រតីរបស់មន្ត្រីគយនៅច្រកតំបន់ម៉ាឡៃ ផងព្រោះបច្ចុប្បន្នពួកគេធ្វើអ្វីៗស្រេចតែអំពើចិត្តដើម្បីតែផលប្រយោជន៍របស់ក្រុមខ្លួន បែបនេះបន្តរទៀត៕