តើសង្គ្រាមឧកញ៉ាអ៊ានសៀវម៉ីនិងជំទាវទ្រីដាណាចប់ដោយរបៀបណា!
04-September-2023 / ព័ត៌មានជាតិ
ភ្នំពេញ៖សង្គ្រាមរវាងឧកញ៉ារកស៊ីលក់អនឡាញលោកជំទាវឧកញ៉ាអ៊ានសៀវម៉ីនិងជំទាវទ្រីដាណាថៅកែលក់មាសពេជ្រនិងគ្រឿងសំអាងដែរបាននិងកំពុងទទួលបានការចាប់អារម្មណ៍ពីមហាជនព្រោះភាគីដើមបណ្តឹងមានខ្នងបង្អែកខ្លាំងនិងចុងចោទក៏មិនណយ។
ជំទាវឧកញ៉ា អ៊ាន សៀវម៉ី ភេទស្រី អាយុ៣៣ឆ្នាំ ដែលជាអ្នកលក់គ្រឿងសម្អាង Online (អ្នកជំនួញ) មានទីកំណើត ភូមិ ស្វាយសក្ក័សិទ្ធ ឃុំពោធិ៍ទី ស្រុកស៊ីធរកណ្តាល ខេត្តកំពង់ចាម។បច្ចុប្បន្នស្នាក់នៅផ្ទះលេខV01 ផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញដែលកាលពីថ្ងៃទី២៦មករាមានកម្លាំងសមត្តកិច្ចចុះទៅពទ្ធ័ផ្ទះ ត្រូវបានអយ្យការអមសាលាដំបូងរាជធានីភ្នំពេញ ចោទប្រកាន់អំពីបទ បរិហារកេរ្តិ៍ជាសាធារណៈនិងញុះញង់ឱ្យមានការរើសអើង ប្រព្រឹត្តនៅរាជធានីភ្នំពេញ កាលពីថ្ងៃទី២៤ ខែសីហា ឆ្នាំ២០២០ ក្រោយពីទទួលពាក្យបណ្ដឹង របស់លោកជំទាវ ទ្រី ដាណា ។
ជនត្រូវចោទឧកញ៉ាអ៊ានសៀវម៉ី ត្រូវបានតុលាការបង្គាប់ឱ្យចូលខ្លួន លើកទី ១ នៅថ្ងៃទី៣០ ខែធ្នូ ឆ្នាំ២០២០ ប៉ុន្តែត្រូវបានលោកស្រីមេធាវី អ៊ុំ ស្រីពៅវល័ក្ខ ដាក់ពាក្យសុំលើកពេលចូលឆ្លើយ តាមលិខិតចុះថ្ងៃទី២៥ ខែធ្នូ ឆ្នាំ២០២០ ដោយហេតុថា ចាំបាច់ត្រូវពិនិត្យសំណុំរឿងជាមុនសិន មុខនាំខ្លួនកូនក្តីចូលមកឆ្លើយនោះ តុលាការបានសម្រេចតាមសំណូមពរ ។នៅថ្ងៃទី១១ ខែមករា ឆ្នាំ២០២១ តុលាការបានបង្គាប់ឱ្យចូលខ្លួនជាលើកទី២ ឲ្យជនត្រូវចោទឈ្មោះ អ៊ាន សៀវម៉ី ចូលខ្លួនឆ្លើយបំភ្លឺនៅថ្ងៃទី២២ ខែមករា ឆ្នាំ២០១១ នាវេលាម៉ោង ០៩ព្រឹកជាកំណត់ ដែលដីកានោះត្រូវបានឈ្មោះ វង់ តូណាក់ ត្រូវជាប្ដីផ្តិតមេដៃទទួលត្រឹមត្រូវរួចហើយ។កាលពីថ្ងៃទី១២ ខែមករា ឆ្នាំ២០២១ ប៉ុន្តែសាមីខ្លួនមិនបានចូលតាម ការកំណត់នោះទេ ។
ដោយយល់ឃើញថា ជនត្រូវចោទឈ្មោះ អ៊ាន សៀវម៉ី មានចេតនាគេចវេះ មិនព្រមចូល ខ្លួនមកឆ្លើយបំភ្លឺចំពោះមុខ ចៅក្រមស៊ើបសួរ អូសបន្លាយពេលវេលាម្តងហើយម្តងទៀត ទើបចៅក្រមស៊ើបសួរសម្រេចចេញដីកា បង្គាប់ឲ្យនាំខ្លួនលើជនត្រូវចោទឈ្មោះ អ៊ាន សៀវម៉ី(ដែលគេជឿថាមានការចំនាយលុយដើម្បីចុះ)។នៅរសៀលថ្ងៃទី២៦មករា ២០២១កម្លាំងនាយកដ្ឋាននគរបាលព្រហ្មទណ្ឌ នៃក្រសួងមហាផ្ទៃ បានកាន់ដីកា បង្គាប់ឲ្យនាំខ្លួនរបស់ របស់លោក ផ្លង់ សុផល ព្រះរាជអាជ្ញារង អមសាលាដំបូងរាជាធានីភ្នំពេញទៅពទ្ធ័ នៅចំណុចផ្ទះជនជាប់ចោទអ៊ាន សៀវម៉ីនៅ ផ្ទះលេខV01 ផ្លូវបេតុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។ប៉ុន្តែជនជាប់មិនបាននៅផ្ទះនោះទេ សមត្ថកិច្ចបានត្រឹមឡោមព័ទ្ធនិងឈរអានដីកាបង្គាប់ឲ្យនាំខ្លួន ប្រាប់ទៅក្រុមគ្រួសារ អាន សៀវម៉ី រួចរាល់ក៏ដកត្រឡប់ទៅវិញ។
ក្រោយមកប្រហែលមានការស្ទាបស្ទង់កម្លាំងនៅតុលការនៅរសៀលថ្ងៃទី ២៩ មករា ២០២១ ជនជាប់ចោទ អ៊ាន សៀវម៉ី ក៏ព្រមចូលខ្លួនបំភ្លឺ ក្រោមការសាកសួររបស់លោក ចៅក្រមស លីណា ។ជាក់ស្តែងចៅក្រម ពុំទាន់សម្រេចឃុំខ្លួនជនជាប់ចោទនោះទេ ដោយអនុញ្ញាតបានត្រឡប់ទៅវិញសិន រង់ចាំចំណាត់ការបន្តតាមនីតិវិធីនៃច្បាប់(ដេលគេជឿថាមកពីភាគីចុងចោទមានលទ្ធភាពទើបមិនអី) ។
គួរឲ្យកត់សម្គាល់ថា គឺក្រោយឧកញ៉ាខាងលើរូបនេះចូលបំភ្លឺ គេឃើញជំទាវ ហ៊ុន ស៊ីណាត ដែលធ្លាប់មានរឿងរ៉ាវជាមួយ ក៏បានលើកឡើងថា៖ «សូមរាស្ត្រទាំងអស់ជួយតាមដានមើលរឿងនេះផងប្រយ័ត្នមានអាវប្បធម៌អន្តរាគមន៍ឲ្យរួចពីការចោទរបស់តុលាការ ។ឯជំទាវ ទ្រី ដាណា ដែលមារឿងរ៉ាវហែកកេរ្តិ៍ផ្ទុះកក្រើកពេញបណ្តាញសង្គមជាមួយឧកញ៉ា អ៊ាន សៀវម៉ី ដែលបានដៀមដាមខ្លួនដូចជា មីស្រីមុខឈើ ឬប្តីដូចកញ្ជះជាដើម ក៏បានស៊ែរវីដេអូ ដោយភ្ជាប់សារមួយឃ្លាបែបនេះថា៖ «ជេគេសាហាវណាស់ តើអ្នកណាយល់អារម្មណ៍មួយនេះ មើលហើយពិចារណាផងបងប្អូន ខ្ញុំតំណាងឲ្យសមាជិកក្នុងដៃជាង៧ម៉ឺននាក់ រង់ចាំការសម្រេចពីតុលាការរកយុត្តិធម៌ឲ្យខ្ញុំ»។ អ្នកស្រី ទ្រី ដាណា ក៏បានបញ្ជាក់ថា៖ «រង់ចាំការសម្រេចរបស់តុលាការទាំងអស់គ្នា»។
ចាំមើលមើថាតើសង្គ្រាមជេបញ្ចោរក្នុងមុខរបររកស៊ីលក់ឡេតាមអនឡាញមួយនោះចប់ដោយរបៀបណា?បើភាគីខាងដើមបណ្តឹងជាជើងខ្លាំងធ្លាប់ចាប់បង្ខំបងស្រីខ្លួនឲ្យចុះចាញ់សុំទោសម្តងរួចទៅហើយក្នុងសង្គ្រាមរកស៊ីតាមអនឡាញនោះដែរ។ឯឧកញ៉ាអ៊ានសៀវម៉ីក៏មិនមែនក្រណាដែរ៕
