វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2113 នាក់
ម្សិលមិញ 5020 នាក់
សរុប 14117560 នាក់
មណ្ឌលគីរី៖មន្ត្រីនគរបាលម្នាក់ បានរងរបួសធ្ងន់ដោយបៀមគ្រាប់កាំភ្លើងខ្លី ជាប់នឹងដើមទ្រូង ហើយបានបញ្ជូនទៅ វះកាត់យកគ្រាប់ចេញ នៅមន្ទីរពេទ្យកាល់ម៉ែត្រកាលពីថ្ងៃទី៤សីហាឆ្នាំ២០២១។ករណីយ៍នេះបានកើតឡើងពេលជនរងគ្រោះ រួមនិងប៉ូលិស២នាក់ទៀត ចុះល្បាត ទៅកន្លែងគេឈ្លោះគ្នា ត្រូវឈ្មួញឈើល្បីឈ្មោះនៅខេត្តមណ្ឌលគិរីមានរហស្សនាម«អាក្របី»ទាញកាំភ្លើង វ៉ាន់ឡុង មកភ្ជង់អ្នកទំនាស់ហើយ បណ្ដាលឱ្យផ្ទុះចំដើមទ្រូងសមត្តកិច្ចតែម្ដង។
ប៉ុន្តែអ្វីដែលចម្លែកនោះបើតាមអ្នកដឹងហេតុគារណ៍នីយាយថា គឺពេលកើតហេតុភ្លាមៗ សមត្ថកិច្ចមិនចាប់ខ្លួន អាក្របីដែលជាអ្នកមានមុខគួសមក្នុងខេត្តនោះទេ(ប្រហែលគ្មានបញ្ជពីស្នងការ?)។ជាហេតុនាំឱ្យអាក្របី មានឱកាសដឹកជញ្ជូនជនរងគ្រោះ រួចទើបគេចខ្លួនតាមសម្រួល។ហេតុការណ៍បាញ់ប្រហារនេះ បានកើតឡើង នៅកណ្ដាលក្រុងសែនមនោរម្យ ខេត្តមណ្ឌលគិរី កាលពីយប់ទី០៤.០៨.២០២១ ប៉ុន្តែហាក់មានការលាក់បាំង?? ។
មហាជនទូទៅក៍ដូចជាមន្ត្រីរាជការ នៅភូមិភាគឥឦសាន ពិតជាបានស្គាល់និងខ្លាចរអាជាខ្លាំងចំពោះ បុរសម្នាក់ដែលមាន រហ្សនាម«អាក្របី» ព្រោះគាត់ជាមនុស្សកោងកាច សាហាវ ។ជនដៃដល់ជាអតីតជាមេការដឹកជញ្ជូនឈើខុសច្បាប់ទៅវៀតណាម នឹងជាមនុស្ស ដែលអ្នកធំទុកចិត្ត សម្រាប់ប្រើឱ្យ«កាងបទល្មើស» ។
ករណីបាញ់កូនចៅខ្លួននេះស្នងការរងខេត្តមណ្ឌលគិរីម្នាក់ បានទទួលស្គាលថា «អាក្របី»ពិតជាបានផ្ទុះអាវុធ បណ្ដាលឱ្យរបួសនគរបាលម្នាក់ ប្រាកដមែន។បៀមក្បាលគ្រាប់ជាប់សាច់ និងបានបញ្ជូនទៅវះកាត់យកគ្រាប់ចេញនៅមន្ទីរពេទ្យកាល់ម៉ែត្រ រួចរាល់ហើយ។ចំពោះមូលហេតុ នៃការផ្ទុះអាវុធលោកស្នងការរងបាននិយាយដូចជាជួយសម្រាល់អង្គហេតុវិញថា៖ នៅមុនពេលកើតហេតុ មានបុគ្គល១គ្រួសារ បានឈ្លោះប្រកែកគ្នា។«អាក្របី»បានទៅចាប់មិត្តភ័ក្ដ ខ្លួន ដែលកំពុងមានទំនាស់ ក្នុងបំណងនាំ និងហៅទៅផឹកស៊ី។«អាក្របី» បានទាញកាំភ្លើង(វ៉ាន់ឡុង) ភ្ជង់មិត្តភ័ក្ដិដែលកំពុងមានទំនាស់ ឱ្យទៅជាមួយខ្លួន។
ប៉ុន្តែបុរសនោះបដិសេធ ក្រាញមិនព្រមទៅ រហូតឈានដល់ចាប់ប្រទាញប្រទង់គ្នា បណ្ដាលឱ្យផ្ទុះកាំភ្លើងខ្លីវ៉ាន់ឡុង១គ្រាប់ ចំដើមទ្រូង មន្ត្រីប៉ូលិសម្នាក់ ក្នុងចំណោមគ្នា៣នាក់ ដែលកំពុងឈរក្បែរគេឈ្លោះគ្នា។
បើតាមលោកស្នងការរង គឺរហូតមកទល់ពេលនេះ ជនរងគ្រោះជាមន្ត្រីប៉ូលិស ត្រូវបានគ្រូពេទ្យនៅ {មន្ទីរពេទ្យកាល់ម៉ែត្រ}ធ្វើការសង្គ្រោះនិងវះកាត់រួចរាល់ហើយ។ទោះជាយ៉ាងណាលោកស្នងការរងនគរបាលខេត្តមណ្ឌលគិរីមិនបានបកស្រាយហេតុអ្វីបានជាមន្ត្រីប៉ូលិស២នាក់ទៀតមិនធ្វើការឃាត់ខ្លួនអាក្របីនោះឡើយ?។អ្នកនាំពាក្យអយ្យការអមសាលាដំបូងខេត្តមណ្ឌលគិរី បានប្រាប់អ្នកសារព័ត៌មានថា៖ ករណីខាងលើ គឺនគរបាលយុត្តិធម៌ កំពុងបំពេញនីតិវិធី។ដើម្បីបញ្ជូនសំណុំរឿង មកអយ្យការអមសាលាដំបូងខេត្ត ខណៈជនដៃដល់ពុំទាន់ចាប់ខ្លួនបាន?។ចំណុចដែលគយរឲ្យចាប់អារម្មណ៍ករណីយ៍អាក្របីបាញ់មន្ត្រីនគរបាលបាលនេះសូម្បីតែក្រុងហ៊ុនហ្វេប៊ុកក៏បានចូលរួមបិទពត៍មាននៃការបាញ់ប្រហារនេះដែរក្រោមលេសថារំលោភគោលការណ៍ហ្វេសប៊ុក?៕