អតីតនាយករដ្ឋមន្ត្រីដែលនិរទ្ទេសខ្លួនប្រាប់ថាលោកនឹងវិលចូលស្រុកវិញដោយមិនពឹងគណបក្សណាឡើយ!
21-September-2026 / ព័ត៌មានអន្តរជាតិ
ប្រទេសថៃ៖ អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត្រា ដែលកំពុងរត់គេច ខ្លួនបានទទូចថា ការវិលត្រឡប់ របស់លោកទៅកាន់ប្រទេសថៃ នឹងមកដោយគ្មាន ជំនួយពីគណបក្សភឿថៃ ឬគណបក្ស Palang Pracharath របស់នាយករដ្ឋមន្ត្រីប្រាយុទ្ធដែលកំពុងកាន់អំណាចនោះទេ។តែការវិលចូលស្រុកវិញនេះ នឹងត្រូវបានប្រកាសដោយកូនស្រី របស់លោកឈ្មោះ Paetongtarn ដែលនឹងឈរឈ្មោះជាំនាយករដ្ឋមន្ត្រីរបស់គណបក្សភឿថៃ។
សារព័ត៌មានថៃ The Nation ចេញផ្សាយនៅថ្ងៃទី២៥ ខែមករា ឆ្នាំ២០២៣ បានឱ្យដឹងថា លោកថាក់ស៊ីន បានធ្វើសេចក្តី ប្រកាសចុងក្រោយ ស្តីពីការវិលត្រឡប់ទៅកាន់មាតុភូមិវិញ ក្នុងអំឡុងពេលពិភាក្សាមួយ នៅលើកម្មវិធីប្រព័ន្ធផ្សព្វផ្សាយ សង្គម Clubhouse កាលពីយប់ថ្ងៃអង្គារ។ការប្រកាសវិលចូលស្រុកវិញនេះ បានកើតឡើងចំពេលមានពាក្យ ចចាមអារ៉ាមថា គណបក្ស Palang Pracharat និង គណបក្ស ភឿថៃ បានធ្វើកិច្ចព្រមព្រៀងមួយសម្រាប់លោក ថាក់ស៊ីន ដើម្បីត្រលប់មកវិញ បន្ទាប់ពីការបោះឆ្នោតសកល ដែលគ្រោងធ្វើនៅក្នុងខែឧសភា។
អតីតនាយករដ្ឋមន្ត្រីថៃរូបនេះ បានឆ្លើយសំណួររបស់អ្នកគាំទ្រ ក្នុងវគ្គផ្សាយផ្ទាល់ដែលធ្វើឡើង ដោយទំព័រហ្វេសប៊ុក CARE Kid Kluan Thai (Think and Move Thailand)។ នៅពេលសួរថា តើពេលណាដែលលោកនឹងត្រឡប់ទៅប្រទេសថៃ លោក ថាក់ស៊ីន បានបង្ហើបថា លោកមានជំងឺកាលពីឆ្នាំមុន ដែលរំខានដល់គម្រោងត្រឡប់មកប្រទេសវិញ។ លោកថា «ទោះយ៉ាងណាក៏ដោយ ខ្ញុំអាចបញ្ជាក់ថា ខ្ញុំនឹងត្រឡប់មកវិញ ហើយខ្ញុំចង់បញ្ជាក់នៅទីនេះថា ខ្ញុំនឹងមិនស្វែងរកជំនួយពីគណបក្សនយោបាយណាមួយ រួមទាំងភឿថៃផងដែរ។ ខ្ញុំនឹងពឹងលើចិត្ត របស់ខ្ញុំផ្ទាល់ ដូច្នេះកុំបារម្ភពីខ្ញុំ»។លោកថាក់ស៊ីនបាន ស្នើឱ្យអ្នកគាំទ្ររង់ចាំស្តាប់ការប្រកាសរបស់កូនស្រីពៅរបស់គាត់ឈ្មោះ Paetongtarn ដែលនឹងត្រូវបង្ហាញខ្លួន ជាបេក្ខភាពនាយករដ្ឋមន្ត្រី របស់គណបក្សភឿថៃ សម្រាប់ការបោះឆ្នោតបន្ទាប់។
ទាក់ទងនិងអតីតនាយករដ្ឋមន្ត្រីថៃដ៏មានប្រីយ៍ភាពនេះផងដែរអតីតសមាជិកសភាគណបក្សប្រជាធិបតេយ្យ និងអ្នកជំនាញផ្នែកច្បាប់នៅថ្ងៃព្រហស្បតិ៍នេះ បានត្មិះតិះដៀលអតីតនាយករដ្ឋមន្ត្រីថៃ គឺលោក ថាក់ស៊ីន ស៊ីណាវ៉ាត្រា ដែលរត់គេចខ្លួន ដោយប្រកាសថា លោកអាចហោះហើរទៅគ្រប់ទីកន្លែងក្នុងពិភពលោកបាន ប៉ុន្តែនឹងជាប់គុកប្រសិនបើលោកត្រឡប់មកប្រទេសថៃវិញ។សារព័ត៌មាន The Nation ចេញផ្សាយនៅថ្ងៃទី២៦ ខែមករា ឆ្នាំ២០២៣ បានឱ្យដឹងថា លោក Nipit Intarasombat សមាជិកសភាប្រាំបីសម័យនៅខេត្ត Phathalung បាននិយាយថា “លោក ថាក់ស៊ីន នៅតែជាអ្នកមានដែលអាចហោះហើរបានគ្រប់ទីកន្លែងក្នុងពិភពលោក លើកលែងតែប្រទេសថៃ”។
លោក Nipit អតីតរដ្ឋមន្ត្រីក្រសួងវប្បធម៌ និងជាអនុប្រធានគណបក្សប្រជាធិបតេយ្យបាននិយាយក្នុងការបង្ហោះតាម Facebookថា “គាត់មិនអាចមកដល់ទីនេះបានទេ។ អ្វីដែលគាត់អាចធ្វើបានគឺមើលងាយមាតុភូមិរបស់គាត់នៅពេលដែលគាត់បាននៅលើយន្តហោះ» ។លោក Nipit បាននិយាយទៀតថា លោកមិនអាចយល់បានថា តើគណបក្សភឿថៃ ដែលត្រូវបានគេស្គាល់ថា ស្ថិតនៅក្រោមការបញ្ជារបស់លោកថាក់ស៊ីន អាចផ្តល់ដំណោះស្រាយ ដោយគ្មានការជាប់ពន្ធនាគារសម្រាប់លោក ថាក់ស៊ីន យ៉ាងដូចម្តេច បើទោះបីជាខ្លួនទទួលបានជ័យជម្នះភ្លូកទឹកភ្លូកដីនៅក្នុងការបោះឆ្នោតនាពេលខាងមុខក៏ដោយ។ឯលោកនាយករដ្ឋមន្ត្រីថៃ គឺលោក ប្រាយុទ្ធ ចាន់ អូចា កាលពីថ្ងៃពុធ បានប្រតិកម្មយ៉ាងខឹងសម្បារ ចំពោះសំណួរអំពីអតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត្រា។
សារព័ត៌មានថៃ Bangkok Post ចេញផ្សាយនៅថ្ងៃទី២៦ ខែមករា ឆ្នាំ២០២៣ បានឱ្យដឹងថា លោក ថាក់ស៊ីន បាននិយាយថា លោកជឿថា លោកឧត្តមសេនីយ៍ ប្រាយុទ្ធ នឹងបញ្ជៀសការរំលាយសភា នៅពេលនេះ ខណៈដែលគណបក្ស United Thai Nation (UTN) របស់លោក នៅតែមិនទាន់រួចរាល់ សម្រាប់ការបោះឆ្នោតសកលខាងមុខ។ឧត្តមសេនីយ ប្រាយុទ្ធនាយករដ្ឋមន្ត្រី បាននិយាយពេលគាត់ដើរចេញពីវេទិកា ហើយដើរសំដៅទៅឡានរង់ចាំមួយថា “កុំនិយាយអំពីបុរសនោះ។ ខ្ញុំមិនចូលចិត្តទេ” ។ លោកបានថ្លែង បន្ទាប់ពីបានធ្វើជាអធិបតី ក្នុងកិច្ចប្រជុំរបស់គណៈកម្មការនគរបាល នៅទីស្នាក់ការប៉ូលិសភូមិន្ទថៃ៕ 
.jpg&h=97&w=146)
