វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2378 នាក់
ម្សិលមិញ 6359 នាក់
សរុប 14089011 នាក់
ញូដេលី៖ នាយករដ្ឋមន្ត្រីឥណ្ឌា លោក ណារិនដ្រា ម៉ូឌី (Narendra Modi) ប្រធានាធិបតីរុស្ស៉ី លោក វ្ល៉ាឌីមៀ ពូទីបានចុះហត្ថលេខាជាមួយគ្នាផ្លូវការហើយ លើកិច្ចព្រមព្រៀងទិញលក់ប្រព័ន្ធមីស៊ីលការពារដែនអាកាស S-400 ក្នុងតម្លៃ ៥.៤ពាន់លានដុល្លារ បើទោះជាមានការគំរាមដាក់ទណ្ឌកម្ម ពីសហរដ្ឋអាមេរិកក៏ដោយ។
សារព័ត៌មានឥណ្ឌា Economic Timesដកស្រង់ដោយសារព័ត៌មាន Sputnik នៅរសៀលថ្ងៃសុក្រ ទី០៥ ខែតុលា ឆ្នាំ២០១៨បានឮនឲ្យដឹងថា ការហត្ថលេខាខាងលើធ្វើឡើង នៅក្នុងជំនួបទ្វេភាគីប្រចាំឆ្នាំរវាងលោក ពូទីន និងលោក Modi ក្នុងទីក្រុងញូដេលី។ ប្រព័ន្ធមីស៉ីល S-400 ចំនួន ០៥គ្រឿងនឹងត្រូវចាប់ផ្ដើមដឹកជញ្ជូនឱ្យឥណ្ឌានៅខែតុលា ឆ្នាំ២០២០។
ប៉ុន្តែជុំវិញកិច្ចព្រមព្រៀងទិញលក់កាំជ្រួច S-400 នេះដែរ ប្រទេសឥណ្ឌានឹងប្រឈមការដាក់ទណ្ឌកម្មពីអាមេរិក ក្រោមច្បាប់ (CAATSA) ដែលមានគោលដៅដាក់ទណ្ឌកម្មលើប្រទេសទាំងឡាយណា ដែលទិញអាវុធពីរុស្ស៊ី ។កន្លងមកប្រទេសចិន និងតួកគី រួមទាំងឥណ្ឌូណេស៉ី ក៏ត្រូវបានគេរំពឹងដែរថា អាចនឹងទទួលរងទណ្ឌកម្មពីទីក្រុងវ៉ាស៊ីនតោន។
កាលពីថ្ងៃទី១៣ ខែកក្កដាថា រដ្ឋមន្ត្រីការពារជាតិឥណ្ឌា លោកស្រី ណឺម៉ាឡា ស៊ីថារ៉ាមែន (Nirmala Sitharaman) ធ្លាប់បានបញ្ជាក់ ឥណ្ឌាត្រូវតែទិញ S-400 ពីរុស្ស៊ីហើយថាច្បាប់ CAATSA គឺគ្រាន់តែច្បាប់របស់សហរដ្ឋអាមេរិកប៉ុណ្ណោះ មិនមែនជាច្បាប់របស់អង្គការសហប្រជាជាតិនោះទេ៕