វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2919 នាក់
ម្សិលមិញ 5378 នាក់
សរុប 14082212 នាក់
ហ្វីលីពីន៖ ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ បានផ្តល់អនុសាសន៍ ឱ្យទីក្រុងប៉េកាំង ពិចារណាឡើងវិញពីសកម្មភាពរបស់ខ្លួននៅក្នុងតំបន់សមុទ្រចិនខាងត្បូង បើមិនចង់ឃើញប្រទេសដទៃ រត់រកសហរដ្ឋអាមេរិក។
ទីភ្នាក់ងារសារព័ត៌មាន Reuters នៅថ្ងៃពុធ ទី១៥ ខែសីហា ឆ្នាំ២០១៨បានផ្សាយថា៖លោក ឌូតឺតេ ក៏បានបញ្ជាក់ដែរថា ចិនកំពុងយល់ខុស ដែលថាតំបន់សមុទ្រចិនខាងត្បូងគឺជាកម្មសិទ្ធិរបស់ខ្លួន។ «អ្នក (ចិន) មិនអាចបង្កើតកោះមួយបាននោះទេ... អ្នកនិយាយថាដែនអាកាសនៅពីលើតំបន់កោះសម្បនិម្មិតគឺជារបស់អ្នក ប៉ុន្តែអ្នកយល់ខុសហើយ ដ្បិតដែនទឹកមួយនេះគឺជាដែន សមុទ្រអន្តរជាតិ ហើយអ្នកក៏គ្មានសិទ្ធិហាមមិនឱ្យនរណាម្នាក់ធ្វើដំណើរឆ្លងកាត់នោះដែរ»។
គួរបញ្ជាក់ថា បើតាមលោក ឌូតឺតេ ចិនគួរតែផ្លាស់ប្ដូរអាក្បកិរិយាបច្ចុប្បន្ន និងបញ្ឈប់ការដាក់កំហិតលើការធ្វើនាវាចរណ៍នៅក្នុង តំបន់ជម្លោះ ព្រោះថាការធ្វើបែបនេះនឹងបង្កទៅជាការប្រឈមមុខដាក់គ្នា ក៏ដូចជាជម្រុញឱ្យបណ្ដាប្រទេសដទៃចុះសិន្ធិសញ្ញា សម្ព័ន្ធភាពជាមួយសហរដ្ឋអាមេរិកតែប៉ុណ្ណោះ។ យ៉ាងណាក៏ដោយ រដ្ឋាភិបាលទីក្រុងប៉េកាំង មិនទាន់មានប្រតិកម្មនឹងការលើក ឡើងនេះទេ។សូមបញ្ជាក់ដែរថាថ្មីៗលោកមហាធៀមហាមាត់នាយករដ្ឋមន្ត្រីម៉ាឡេស៊ីក៏បាននិយាយថាតំបន់សមុទ្ទចិនខាងត្បូងជាតំបន់អន្តរជាតិដែលអ្នកណាក៏អាចឆ្លងកាត់បានដែរ៕