ថៅកែហាងផឹកស៊ី យីហោ " ពន្លឺជាប់ចិត្ត "ប្រើហិង្សា វ៉ៃច្របាច់ក គំរាមបាញ់សម្លាប់ទៅ លើយុវជនម្នាក់ បង្កការភ្ញាក់ផ្អើល ?
02-May-2023 / សន្តិសុខសង្គម
កណ្តាល ៖ អំពេីព្រៃផ្សៃ របស់ម្ចាស់ហាង ពន្លឺជាប់ចិត្ត កេីតហេតុនៅវេលាម៉ោង ០៨:០០នាទីយប់ ថ្ងៃទី១៧ ខែមករាឆ្នាំ ២០២៣ នៅភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្ដាល ។ ប្រភពព័ត៌មានពីសាច់ ញាតិជនរងគ្រោះបានលួចប្រាប់ភ្នាក់ងារ គេហទំព័រ មាតុភូមិ ថា ម្ចាស់ហាង ពន្លឺជាប់ចិត្ត បានប្រេីអំពេីហិង្សាលេីរូបរាងកាយ បង្ករបួសស្នាម ដោយប្រេីប្រាស់អាវុធខ្លីភ្ជង់ក្បាល គំរាមថា នឹងបាញ់សម្លាប់ចោល ។
ប្រភពបាន បន្តថា យុវជនវ័យ ៣១ ឆ្នាំ០១រូប(ជនរងគ្រោះ) រស់នៅក្រុងតាខ្មៅ បានជិះម៉ូតូមកដល់ចំណុចហាង " ពន្លឺជាប់ចិត្ត " ក៏បានប៉ះនឹងរថយន្ត០១ គ្រឿងឈប់ចតនៅមុខហាង " ពន្លឺជាប់ចិត្ត " បណ្ដាលឱ្យមានស្នាមឆ្កូតរថយន្ត ដែលគេចតទុកនៅមុខហាង ពេល នោះស្រាប់តែម្ចាស់ហាង " ពន្លឺជាប់ចិត្ត " គាត់ក៏ចេញមកសំឡុត គំរាម កំហែង រួចដកយកសោម៉ូតូ និងមិនឱ្យគាត់ទៅ ណាទេ ខណ:នោះ ជន រងគ្រោះ បានសុំជួបម្ចាស់រថយន្ត ប៉ុន្តែម្ចាស់ ហាងមិនឱ្យជួប ធ្វើការដោះស្រាយនោះទេ ។បែរជាម្ចាស់ហាង ចេញ មុខមកអះអាងថា ជាអ្នកទទួលខុសត្រូវ ក្នុង ការដោះស្រាយទៅវិញ ។
ជនរងគ្រោះ ក៏ទាញទូរស័ព្ទដៃថតហាងពន្លឺជាប់ចិត្ត និងសកម្មភាព ច្រងេងច្រងាងរបស់ម្ចាស់ហាង ខណ:នោះម្ចាស់ហាងក៏ស្ទុះមកក្រៀក ក ជនរងគ្រោះចូលទៅក្នុងហាងរបស់គាត់ បានដកកាំភ្លេីងខ្លីភ្ជង់ក្បាល រួចនិយាយថា បាញ់ហ្អែងចោលឥលូវ ។ នៅពេលនោះជនរង គ្រោះភ័យខ្លាំង ក៏សំពះសុំអង្វរលុតជង្គង់សុំទទួលខ្លួនខុសដែលជិះម៉ូតូបណ្ដាលឱ្យប៉ះពាល់រថយន្តនោះ ។ ថៅកែហាងពន្លឺជាប់ចិត្ត បញ្ជាឱ្យជនរងគ្រោះយកទូរស័ព្ទលុបVideos ដែលបានថត ជនរង គ្រោះក៏យល់ព្រមលុប ចោល ទើបគេអនុញ្ញាតឱ្យចាកចេញ ។ តាមការបញ្ជាក់ពីប្រភពព័ត៌មានដ៏គួរឱ្យទុកចិត្តបានប្រាប់ថា ថៅកែហាង " ពន្លឺជាប់ចិត្ត " មាន ឈ្មោះ ឌឿន ចាន់ដារ៉ា មានតួនាទី ជាប៉ូលីស ស័ក្ដិ៤ នៅស្នងការដ្ឋាននគរបាលខេត្តកណ្ដាល ឋានៈនាយផ្នែករដ្ឋបាលសរុប នៃការិយាល័យគ្រប់គ្រងសន្តិសុខឯកជន និងមានលោកវរសេនីយ៍ឯក ស៊ឹម ប៊ុតបណ្ឌិត នាយការិយា ល័យគ្រប់គ្រងសន្តិសុខឯកជន ជាមេកេីយ ។ ដោយសារមានតួនាទីជាប៉ូលីសលោកស័ក្ដិ៤ ឌឿន ចាន់ដារ៉ា ប្រេីប្រាស់កាំភ្លេីងភ្ជង់ក្បាលជនស្លូតត្រង់ និងគំរាមបាញ់សម្លាប់មនុស្សចោលដោយគ្មានញញេីត និងប្រេីប្រាស់តួនាទីជាមន្ត្រីរាជការកាងមុខជំនួញបេីកហាងផឹកស៊ី ដែលផ្ទុយនឹងច្បាប់ ស្ដីពីលក្ខន្តិកៈដោយឡែក នៃក្របខ័ណ្ឌមន្ត្រីនគរបាលជាតិកម្ពុជា ។
ករណីនេះមិន មែនជាលេីកទី១ទេ ដែលហាង " ពន្លឺជាប់ ចិត្ត " មាន រឿងអាស្រូវ ក្នុងប៉ុន្មានឆ្នាំមុននេះ ផ្ទះសំណាក់ ពន្លឺជាប់ចិត្ត ត្រូវបានសារព័ត៌មាន ចុះផ្សាយ ពីការចុះបង្ក្រាបករណីជួញដូរផ្លូវភេទ និងបានឃាត់ ខ្លួនម៉ែយ៉ែម និងរំដោះនារីរងគ្រោះ បានជាច្រេីននាក់ ក្រោមការ ដឹកនាំដោយតំណាងអយ្យការ និងមន្ត្រីនគរ បាលផងដែរ ។ មហា ជនរង់ចាំមើលថា ករណី លោកប៉ូលីសស័ក្ដិ ៤ ឌឿន ចាន់ដារ៉ា ដែលបង្កអំពេីហិង្សាគំរាម កំហែង ភ្ជង់កាំភ្លេីងដាក់ក្បាលថា នឹងបាញ់ សម្លាប់ចោល តេីលោកឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល ចាត់ការរបៀបណាចំ ពោះមន្ត្រីក្រោមឱវាទ រូបនេះ ? ។ ជុំវិញសេចក្តី រាយការណ៍ព័ត៌មានខាង លើនេះ ការិយាល័យ គេហទំព័រ មាតុភូមិ ពុំ អាចស្វែងរកការសយំបោក ស្រាយបំភ្លឺពីលោកសក្តិ៤ ឌឿន ចាន់ ដារ៉ា បានទេព្រោះពុំមាន លេខទូរស័ព្ទទាក់ទង ។ ការិយាល័យ មាតុភូមិ នឹងរង់ចាំទទួលការបំភ្លឺ អំពីករណីនេះ ពីភាគី ពាក់ព័ន្ធគ្រប់ម៉ោងធ្វើ ការងារ អាចទាក់ទងតាមរយ: Tel : 012 953 824 ៕
