វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3364 នាក់
ម្សិលមិញ 8227 នាក់
សរុប 14130245 នាក់
កំពង់ឆ្នាំង៖ ម្ចាស់ម៉ូតូកង់បី ដែលបានដឹកបុរសម្នាក់មានវិជ្ជមានកូវីត-១៩ ពីផ្សារត្រាចមកកាន់ភូមិស្នាពេជ្រ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ត្រូវសមត្ថកិច្ច និងអាជ្ញាធរ ស្រាវជ្រាវរកឃើញនៅវេលាម៉ោង ១១និង២០ នាទីព្រឹកថ្ងៃទី១៨ ខែមេសា ឆ្នាំ២០២១នេះ។
លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានឲ្យដឹងថា ម្ចាស់ម៉ូតូកង់បី ដែលបានដឹកបុរសវិជ្ជមានកូវីដ១៩មានឈ្មោះ ម៉ី វឿន អាយុ៤៨ឆ្នាំ មានទីលំនៅក្នុងភូមិក្រសាំងពុល ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។បុរសខាងលើនេះត្រូវបានយកសំណាកទៅធ្វើតេស្ត និងដាក់ឲ្យធ្វើចត្តាឡីស័ក នៅមណ្ឌលចត្តាឡីស័កវិទ្យាល័យហ៊ុន សែន កំពុងត្រឡាច។អ្នករត់ម៉ូតូកង់បីនេះគាត់មានសមាជិកគ្រួសារសរុបទាំងអស់ចំនួន ៧នាក់ ស្រី៣នាក់។
បុរសម្នាក់មានឈ្មោះ អ៊ុន មុន្នីរតនៈ អាយុ៣១ឆ្នាំ មានទីលំនៅផ្ទះលេខ២E០ ផ្លូវលេខ៥៩២ សង្កាត់បឹងកក់២ ខណ្ឌទួលគោក រាជធានីភ្នំពេញគាត់បានគេចពីភ្នំពេញ ដោយថ្មើជើងលួចចូលខេត្តកំពង់ឆ្នាំង។កាលពីថ្ងៃទី ១៧ ខែមេសា ឆ្នាំ ២០២១ វេលាម៉ោង៩ និង៣០នាទី ឈ្មោះអ៊ុន មុន្នីរតនៈ បានហៅម៉ូតូកង់បីជិះពីផ្សារត្រាចទៅលេងផ្ទះបងប្អូនឈ្មោះ កង ទិត្យ ភេទ ប្រុស អាយុ៣៩ឆ្នាំ នៅភូមិស្នារពេជ្រ ឃុំឈូកស ស្រុកកំពង់ត្រឡាចតែបងប្អូនដែលដឹងថាគាត់គេចមកពីភ្នំពេញក៏មិនឲ្យចូលផ្ទះហើយបានប្រាប់សមត្តកិច្ចឲ្យនាំគាត់ទៅពិនិត្យរកឃើញថាគាត់មានវិជ្ជមានកូវីត១៩ហើយក៏ ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំង។
តាមការបញ្ជាក់ពីឈ្មោះ កង ទិត្យ បានឲ្យដឹងថា ក្រុមគ្រួសាររបស់ឈ្មោះ អ៊ុន មុន្នីរតនៈ បានទូរស័ព្ទប្រាប់គាត់ថា ឈ្មោះ អ៊ុន មុន្នីរតនៈ នេះសង្ស័យមានវិជ្ជមានជំងឺកូវីដ១៩ ហើយបានបាត់ពីផ្ទះមិនដឹងទៅទីណាទេ។ទាក់ទងនិងបុរសម្ចាស់កង់បីនិងអ្នករត់កេចពីភ្នំពេញលោកប្រធានមន្ទីរសុខាភិបាលខេត្តកំពង់ឆ្នាំងបានអំពាវនាវដល់បងប្អូនដែលមានការពាក់ព័ន្ធ និងបានជិះម៉ូតូកង់បីរបស់ឈ្មោះម៉ី វឿន កាលពីថ្ងៃទី១៧ មេសា មេត្តាប្រញាប់រួសរាន់មកជួបក្រុមគ្រូពេទ្យ ដើម្បីយកសំណាកទៅធ្វើតេស្តជាបន្ទាន់ ចាប់ពីថ្ងៃនេះតទៅ។