វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4724 នាក់
ម្សិលមិញ 9706 នាក់
សរុប 14082967 នាក់
ភ្នំពេញ៖នៅរសៀលថ្ងៃទី ៨ មេសា ២០២០ នេះលោក សុវណ្ណ រិទ្ធី ត្រូវបានសមត្ថកិច្ចនាំខ្លួនទៅកាន់តុលាការហើយ ដើម្បីចាត់ការទៅតាមនីតិច្បាប់ក្រោមបទចោទថាផ្សាយពត៍មានញុះញង់? ។ ក្នុងវីដេអូមួយបង្ហាញពីសកម្មភាពសមត្ថកិច្ចកំពុងនាំខ្លួនទៅតុលាការនោះ អគ្គនាយក TVFB លោកសុវណ្ណរិទ្ធីបានស្រែកផ្ដាំអ្នកសារព័ត៌មាន និងប្អូនឲ្យជួយមើលថែប្រពន្ធលោកផង ។
នៅថ្ងៃដដែលនេះភរិយារបស់លោក សុវណ្ណ រិទ្ធី ដែលមានគណនីហ្វេសប៊ុកឈ្មោះ Meas Socheata បានសរសេរសារមួយផ្ដាំទៅស្វាមីថា៖ អូន និងកូនរឹងមាំទេ សូមបងថែរក្សាខ្លួនផង អូនជឿជាក់ថាថ្នាក់ដឹកនាំលោកតែងប្រោសប្រណីចំពោះកូនចៅជានិច្ច អូននិងកូនៗយើងនឹងរង់ចាំបងត្រលប់មកផ្ទះវិញ ។
លោក សុវណ្ណ រិទ្ធី អគ្គនាយកព័ត៌មាន TVFB ត្រូវបានកម្លាំងនគរបាលផែនសន្តិសុខ នៃស្នងការដ្ឋាននគរបាលរាជធានីភ្នំពេញ បានសម្រេចឃាត់ខ្លួននៅយប់ថ្ងៃទី៧ ខែមេសា ឆ្នាំ២០២០ក្រោយពីបានផ្សាយពតីមានដកស្រង់ប្រសាសន៍នាយករដ្ឋមន្ត្រី។ រឿងនេះបើតាមការបញ្ជាក់ពីសមត្ថកិច្ច ការឃាត់ខ្លួនលោក សុវណ្ណ រិទ្ធី បានធ្វើឡើង ក្រោយពីបុគ្គលរូបនេះ(សុវណ្ណរិទ្ធី)បានផ្សព្វផ្សាយព័ត៌មានបែបញុះញង់ មានទាំងខ្លឹមសារផង និង LIVE វីដេអូផងតាមបណ្តាញសសង្គម ពីវិធានការរបស់រាជរដ្ឋាភិបាលក្នុងការទប់ស្កាត់ និងការពារជំងឺ COVID-19 ។
បន្ទាប់គីការចាប់ខ្លួននេះនៅថ្ងៃទី៨មេសាលោកខៀវកាញ៉ារិទ្ធរដ្ឋមន្ត្រីក្រសួងពត៍មានបានចេញប្រកាសមួយលុបចោលអាជ្ញាបណ្ណ័គេហទំពរ័៣របស់លោកសុវណ្ណរិទ្ធីទាំងអស់ចោលភ្លាមដែរដោយមិនទុកឱកាសឲ្យមានការសុំទោសឬកែប្រែអ្វីឡើយ។រដ្ឋមន្ត្រីក្រសួងព័ត៌មានបញ្ជាក់ក្នុងលិខិតថា «លុបប្រកាសរបស់ក្រសួងព័ត៌មាន ដែលអនុញ្ញាតឲ្យលោក សុវណ្ណ សុខា បើកដំណើរការផ្សាយគេហទំព័រឈ្មោះ www.tvfb.com.kh គេហទំព័រ www.fbtv.news និងមជ្ឈមណ្ឌលផ្សព្វផ្សាយ TVFB ដោយម្ចាស់អាជ្ញាប័ណ្ណ បានផ្សព្វផ្សាយព័ត៌មានដែលមានចរិតញុះញង់ បង្កឲ្យប៉ះពាល់ដល់សន្តិសុខ សណ្តាប់ធ្នាប់ និងសុវត្ថិភាពសង្គម»។
នៅល្ងាចថ្ងៃដដែលលោកសុវណ្ណសុខាដែលជាចាងហ្វាងនិងជាឳពុកលោកសុវណ្ណរិទ្ធីបានអនឡាញវីដេអូរសុំទោសរាល់កំហុសឆ្កងរបសកូននិងសុំការលើកលែងទោសពីសមម្តេចហ៊ុនសែននាយករដ្ឋមន្ត្រីផងដែរ ។ខ្ញុំបាទសុវណ្ណ សុខា ពិតជាសោកស្តាយណាស់ចំពោះកំហុសឆ្គងរបស់កូនប្រុសរបស់ខ្ញុំសុវណ្ណ រិទ្ធី ដោយភាពក្មេងខ្ចីចំពោះសំណេរ ធ្វេីអោយមហាជនមានការភ័ណ្ឌច្រឡំចំពោះប្រមុខរដ្ឋាភិបាល ។
ខ្ញុំក្នុងនាមជាឪពុកពិតជាមានកំហុសឆ្គងដែលមិនបានប្រដៅកូនអោយគ្រប់ជ្រុងជ្រោយ ។ ខ្ញុំដឹងថា ចំពោះការអនុវត្តត្រឹមត្រូវតាមផ្លូវច្បាប់ តែក្នុងនាមជាឪពុកខ្ញុំបាទសុំការសណ្តោះប្រណីពីសម្តេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ទុកឱកាសអោយកូនប្រុសខ្ញុំបាទធ្វេីការកែខ្លួន ខ្ញុំនិងអប់រំកូនមិនអោយមានកំហុងឆ្គងជាលេីកទី២ទេ ។ ដោយភាពល្ងង់ឃ្លៅក្មេងខ្ចីទើបបណ្តាលអោយមានកំហុស ដ៏ធ្ងន់ធ្ងរនេះ ។
គេមិនដឹងថាបានលទ្ធផលយ៉ាងណាទេបើទោះជាមានអ្នកគាំទ្រលោកសុវណ្ណរិទ្ធីផ្សេងទៀតបានប្រតិកម្មគាំទ្រលោកជាច្រើនតាមបណ្តាញសង្គមក៏ដោយ៕