វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7774 នាក់
ម្សិលមិញ 5020 នាក់
សរុប 14123221 នាក់
ភ្នំពេញ៖សម្តេចនាយករដ្ឋមន្ត្រី លោក ហ៊ុន សែន នៅព្រឹកថ្ងៃទី១៩មករាបានប្រកាសពីកន្លែងសម្ពោធមន្ទីរពេទ្យនៅក្នុងសង្កាត់គោករការរាជធានីភ្នំពេញឱ្យមន្ត្រីជាន់ខ្ពស់មួយរូប នៃអតីគណបក្សសង្គ្រោះជាតិដែលត្រូវបានតុលាការរំលាយដែលកំពុងជាប់បណ្ដឹងជាច្រើននៅតុលាការកម្ពុជាហើយ កំពុងរស់នៅក្រៅប្រទេស ឱ្យត្រលប់ចូលមកប្រទេសកម្ពុជាវិញ ។
សម្តេចតេជោថ្លែងថា៖ «អាវ៉ាន់ អញផ្ដាំទៅអើយ មកស្រុកមក ហ្អែងទៅតាមគេធ្វើអី? មកអញលើកលែងទោសឱ្យ បើហ្អែងចង់មក ព្រោះសេចក្ដីត្រូវការរបស់ខ្ញុំ កម្ចាត់តែអាអ្នកដឹកនាំនយោបាយជ្រុលនិយមតែម្នាក់ទេ ក្រៅពីនោះផ្ដាច់ខ្លួន លើកលែងទោសឱ្យ»។មិនទាន់មានការបកស្រាយពី លោក ហូរ វ៉ាន់ ដែលកំពុងរស់នៅក្រៅប្រទេសបានឡើយទេ ជុំវិញការប្រកាសហៅឱ្យចូលប្រទេសរបស់សម្តេចនាយករដ្ឋមន្ត្រី ហ៊ុន សែន។តែលោកគឹមសូភិរិទ្ធមន្ត្រីជាន់ខ្ពស់អតីតគណបក្សសង្គ្រោះជាតិប្រាប់វិទ្យុបារាំងថាបើចូលស្រុកគឺចូលទាំងអស់គ្នា!។
សូមបញ្ជាកថា ក្រៅពីភរិយាលោក សម រង្ស៊ី មានអ្នកនយោបាយដែលស្និទ្ធនឹងលោក សម រង្ស៊ី ចំនួន៧នាក់ផ្សេងទៀត កំពុងបន្តរស់នៅ និងធ្វើសកម្មភាពនយោបាយតាមលោក សម រង្ស៊ី ពីក្រៅប្រទេសសុទ្ធតែមានទោសជាប់ខ្លួនរាប់ទាំងសកម្មជនក្នុងស្រុកជាច្រើនផ្សេងទៀតក្នុងស្រុកផងដែរ។ អ្នកនយោបាយជាន់ខ្ពស់ទាំងនោះរួមមាន លោក អេង ឆៃអ៊ាង លោកស្រី មូរ សុខហួរ លោក ហូ វ៉ាន់ លោក ឡុង រី លោក ម៉ែន សុថាវរិន្ទ លោក អ៊ូ ច័ន្ទរិទ្ធ និងលោក នុត រំដួល។ អ្នកនយោបាយទាំងអស់នេះ សុទ្ធតែបានរងនូវបណ្តឹង និងការផ្តន្ទាទោសពីតុលាការក្រុងភ្នំពេញជាច្រើនឆ្នាំពីបទចោទ«ឧបឃាត»។
ករណីយ៍នេះលោក ឯម សុវណ្ណរ៉ាអ្នកវិភាគនយោបាយម្នាក់ បានលើកឡើងថា ទាក់ទិននឹងការលើកឡើងរបស់សម្តេចនាយករដ្ឋមន្ត្រី ហ៊ុន សែន នេះ គឺមិនអាចជឿជាក់បាននោះទេ ព្រោះថាតុលាការមិនទាន់ទម្លាក់ការចោទប្រកាន់ទៅលើអតីតមន្ត្រីជាន់ខ្ពស់គណបក្សសង្គ្រោះជាតិទាំងនោះនៅឡើយលោក ឯម សុវណ្ណរ៉ា ថា៖ «គួរតែមានចេញសាលដីកា ឬក៏មានការចេញលើកលែងទោសពីតុលាការ។ ហើយនេះគ្រាន់តែជាសម្ដីអ្នកនយោបាយ ព្រោះអ្នកនយោបាយ និងអ្នកនយោបាយ ខ្ញុំគិតថាមិនកសាងជំនឿជឿជាក់រឹងមាំទៅដល់អ្នកនយោបាយប្រឆាំងឱ្យចូលមកទេ»។បើតាមសម្តីអ្នកវិភាគរូបនេះប្រសិនបើសម្តេចហ៊ុនសែនចង់ឯកោលោកសមរង្ស៊ីមែននិងផ្តល់សម្បទានដើម្បីបរិយាកាសនយោបាយល្អសម្រាប់ការបោះឆ្នោតដែលអន្តរជាតិចង់បានសម្តេចអាចនឹងធ្វើការលើកលែលែងទោសឲ្យពួកទាំងនេះបានដោយទុកតែលោកសមរង្ស៊ីម្នាក់ទៅវាចប់បាត់ហើយបើទោះបីអ្នកទាំងនោះមិនវិលចូលស្រុកវិញក៏ស្រេចតែគេទៅចុះព្រោះប្រមុខរាជរដ្ឋាភិបាលបានបំពេញកាតព្វកិច្ចខ្លួនឯងរួចហើយ។
សូមបញ្ជាក់ដែរ កាលពីថ្ងៃទី២២ ខែធ្នូ ឆ្នាំ២០២២កន្លងទៅ ប្រធានក្រុមប្រឹក្សាជំនុំជម្រះ នៃសាលាដំបូងរាជធានីភ្នំពេញ លោកស្រី អ៊ុក រ៉េតគន្ធា បានផ្ដន្ទាទោសអតីតមេដឹកនាំ និងសកម្មជនបក្សសង្គ្រោះជាតិដែលត្រូវតុលាការរំលាយ ចំនួន៣៧នាក់ ក្នុងនោះ ៣៦នាក់ជាប់ពន្ធនាគារចន្លោះពី៥ទៅ៧ឆ្នាំ ក្រោមបទចោទប្រកាន់ «រួមគំនិតក្បត់» ខណៈម្នាក់ក្នុងចំណោមនោះរួចផុតពីបទចោទ ពាក់ព័ន្ធការប៉ុនប៉ងនិងគាំទ្រដំណើរវិលត្រលប់មិនបានសម្រេចរបស់លោកស្រី មូរ សុខហួរ។នេះមិនទាន់និយាយពីលោកឹមសុខាដែលកំពុងស្តិតក្នុងដំណាក់កាលកាត់ទោសពីរឿងក្បត់ជាតិនោះផងទេ។