វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1381 នាក់
ម្សិលមិញ 6841 នាក់
សរុប 13123254 នាក់
ភ្នំពេញ : ថ្មីៗកន្លង មកនេះ ប្រជាពលរដ្ឋរស់នៅម្តុំផ្សារបឹងត្របែកពិសេសអាជីវករ លក់ដូរ ទំនិញ សព្វសារពើនៅ លើផ្សារផ្លាហ្សា បឹង ត្របែក បាយរាយ ការណ៍ ប្រាប់តាមតេឡេក្រាម ថា សព្វថ្ងៃនេះ មានបនល្បែងស៊ីសងខុសច្បាប់ ខ្នាតកាស៊ីណូមួយ កំពុងបើកលេងយ៉ាងគឃ្លើន ក្នុងផ្សារបឹងត្របែកផ្លាហ្សាជាន់ទី៤ ទីតាំងនេះស្ថិត នៅសង្កាត់បឹងត្របែក ខណ្ឌចំការមន រាជធានីភ្នំពេញ ប្រឆាំងបទបញ្ជាសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានឹងផ្គើនស្មារតីអង្គប្រជុំរបស់គណ:បញ្ជាការឯកភាពរាជធានីភ្នំពេញ ។
យោងតាមប្រភពព័ត៌ មានបានបញ្ជាក់ថាទីតាំងបើកលេងល្បែងស៊ីសង ខុសច្បាប់ ខ្នាតកាស៊ីណូនេះ មានជន ជាតិចិនជាថៅកែ ហើយគេសង្ស័យថា មានខ្នង បង្អែក ឬក៏មានអ្នកមានអំណាចខ្លាំងនៅកាងពី ក្រោយខ្នង ទើបទីតាំងនេះអាចដំណើរការបានដោយរលូន ? ព្រោះមិនឃើញអាជ្ញាធរមូល ដ្ឋាន ក៌ដូចសមត្ថកិច្ចពាក់ព័ន្ធ ចុះទៅបង្ក្រាបទីតាំងនោះឡើយ ? គេឃើញតែអ្នកញៀនល្បែងចូលទៅលេងយ៉ាងពពាក់ពពូន ។
សូមបញ្ជាក់ថា តាមប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន កាលពីថ្ងៃទី ១៧ ខែកញ្ញា ឆ្នាំ២០២២ កន្លងមកនេះ គឺសម្តេចតេជោ បានដាក់បញ្ជាឱ្យសមត្ថកិច្ចពាក់ព័ន្ធ ក៌ដូចអាជ្ញាធរមូលដ្ឋាន ត្រូវបង្ក្រាបឱ្យអស់នូវល្បែងសងខុសច្បាប់គ្រប់ប្រភេទក្នុងមូលដ្ឋានរបស់ខ្លួនជាមួយនិងការព្រមានដកដំណែងថែមទៀតផង ។
ប៉ុន្តែបែរជាចៅ ហ្វាតខណ្ឌចំការមន គឺ លោក គៀង លក្ខ័ និង លោកយិន សាន្ត អធិការនគរបាលខណ្ឌ ចំការមនសម្ងំស្ងៀម ស្ងាត់ឈឹង ដូចត្រូវថ្នាំ សណ្តំរបស់ថៅកែ បន ល្បែងស៊ីសង នៅផ្សារផ្លាហ្សាបឹងត្របែកនេះអញ្ចឹង ពុំឃើញមាន វិធានការបង្ក្រាបទេ ! ។ ជុំវិញសេចក្តីរាយការណ៍ ខាងលើនេះ ការិយាល័យ និពន្ធគេហទំព័រ មាតុភូមិ ពុំអាចស្វែងរកការបំភ្លឺពី លោក គៀង ល័ក្ខ ចៅហ្វាយខណ្ឌ និង លោក យិន សាន្ត អធិការនគរបាលខណ្ឌចំការមនបានទេ ។ សង្ឃឹមថា ព័ត៌មាន នេះ នឹងបានធ្លាយដល់លោក អភិបាលរាជធានីភ្នំពេញ នឹងបានជ្រាប៕ ដោយ: សុផល