យុវតីមីយ៉ាន់ម៉ាមានសម្រស់ស្រស់មិនចាញ់តារាត្រូវបានចាត់ទុកថាជាវិរៈនារីក្រោយពី ស្លាប់ក្នុងបាតុកម្ម
26-March-2024 / ព័ត៌មានអន្តរជាតិ
ប្រទេសភូមា៖យុវតីម្នាក់មានឈ្មោះ Kyal Sin អាយុ ១៩ឆ្នាំបានស្លាប់ក្នុងបាតុកម្មប្រឆាំងនឹងរបបយោធាកាលពីថ្ងៃពុធទី៣មិនាកន្លងទៅ។ ប្រជាជនមីយ៉ាន់ម៉ា បានផ្តល់ងារឲ្យនាងថា "វីរនារី"របស់ពួកគេ ។
កញ្ញាគីយ៉ាលស៊ិន(Kiyal Sin)មានសម្រស់ស្រស់ស្អាតមិនចាញ់តារា យុវតី Kyal Sin បានចួលរួមក្នុងបាតុកម្មជាមួយនឹងបាតុករជាច្រើននាក់ផ្សេងទៀ់តនៅទីក្រុង Mandalay ។ នាងបានពាក់អាវដែលមានសំណេរថា "គ្រប់យ៉ាងនឹងត្រលប់ទៅរកភាពល្អប្រសើរវិញ" នៅលើខ្លួននៅពេលចូលរួមព្រឹត្តិការណ៍កាលពីថ្ងៃពុធដែលបណ្តាលឲ្យនាងស្លាប់បាត់បង់ជីវិត ។ យុវតីរូបនេះត្រូវបានកងកម្លាំងប៉ូលិសរបស់ពួកយោធាធ្វើរដ្ឋប្រហា បាញ់ចំក្បាលស្លាប់យ៉ាងរន្ធត់។
បើតាមការឲ្យដឹងពីមិត្តរបស់នាងដែលបានចូលរួមក្នុងបាតុកម្មនេះដែរ ឲ្យដឹងថា Kyal Sin ជានារីដែលស្រលាញ់ក្រុមគ្រួសាររបស់នាងខ្លាំងណាស់ ចំណែកគ្រួសាររបស់នាងក៏ស្រលាញ់នាងខ្លាំងដែរ។ ឪពុករបស់យុវតីរូបនេះខូចចិត្តជាខ្លាំង ត្បិតអីបានបាត់បង់កូនស្រីដែលលោកមិនទាន់បានត្រៀមចិត្តទទួលយកបាន។
មានការកត់សម្គាល់ដែរថាទាហាន និងប៉ូលិសភូមាប្រដាប់ដោយអាវុធកំពុងប្រើប្រាស់បណ្តាញសង្គម TikTok ដើម្បីគំរាមកំហែងសម្លាប់ដល់ក្រុមបាតុករដែលប្រឆាំងនឹងរដ្ឋប្រហារយោធា។
TikTok ជាកម្មវិធី App នាំមុខមួយរបស់ចិន ដែលអាចចែករំលែកវីដេអូបាន។ករណីយ៍នេះខាង TikTok បានប្រកាសថា ខ្លួនបានដកចេញនូវខ្លឹមសារដែលញុះញង់ឲ្យមានអំពើហិង្សាចេញ។ គេបានរកឃើញវីដេអូដែលគាំទ្រពួកយោធាជាង ៨០០ ដែលបានគំរាមកំហែងក្រុមបាតុករនៅពេលដែលមានការកើនឡើងនូវការបង្ហូរឈាម ដោយបាតុករ ជាច្រើននាក់ត្រូវបានគេសម្លាប់។
វីដេអូមួយកាលពីចុងខែកុម្ភៈដែលទីភ្នាក់ងារព័ត៌មានបានបង្ហាញ គឺមានបុរសម្នាក់ក្នុងសម្លៀកបំពាក់ទាហាន ភ្ជង់កាំភ្លើងដាក់កញ្ចក់កាមេរ៉ា ហើយនិយាយសំដៅទៅកាន់ក្រុមបាតុករថា៖ "យើងនឹងបាញ់ចំក្បាលរបស់ពួកឯង... ហើយយើងនឹងប្រើគ្រាប់កាំភ្លើងពិត"។ទោះជាយ៉ាងណាហ្វូងមនុស្សជាច្រើនបានដើរក្បួនដោយសន្តិវិធីឆ្លងកាត់ទីក្រុងMandalayហើយបានស្រែកថា”យើងមិនខ្លាចការគំរាមកំហែងទេ”។បន្ទាប់ពី“ថ្ងៃបង្ហូរឈាមបំផុត”នៃចលនាបាតុកម្មនៅក្នុងប្រទេសមីយ៉ាន់ម៉ានៅថ្ងៃទី៣មិនា។ប្រភពីពិទីភ្នាក់ងារ៉ឺទែរឲ្យដឹងថា៖អ្នកតវ៉ាលោកមួងសងខា(Maung Saungkha)មានប្រសាសន៍ថា“ យើងដឹងថាយើងអាចត្រូវបានបាញ់សម្លាប់ដោយគ្រាប់កាំភ្លើងពិតៗ។ប៉ុន្តែវាមិនសមហេតុផលទេដែលអាចរស់រានមានជីវិតក្រោមការគ្រប់គ្រងរបស់រដ្ឋាភិបាលយោធា។ដូច្នេះយើងជ្រើសរើសផ្លូវគ្រោះថ្នាក់នេះដើម្បីរំដោះខ្លួន”។
ការដាច់ចរន្តអគ្គិសនីកំពុងកើតឡើងសព្វថ្ងៃនេះនៅតាមតំបន់ជាច្រើននៃប្រទេស។ប៉ុន្តែគេមិនទាន់ដឹងមូលហេតុនៅឡើយទេ។មន្ត្រីក្រសួងថាមពលមីយ៉ាន់ម៉ាមិនបានធ្វើអត្ថាធិប្បាយអំពីឧប្បត្តិហេតុនេះទេ។ទន្ទឹមនឹងនេះដែរប្រជាជននៅរដ្ឋធានីNaypyidawរួមជាមួយទីក្រុងMyitkyina, YangonនិងMawlamyine ទាំងអស់បានរាយការណ៍ថាអគ្គិសនីត្រូវបានកាត់ផ្តាច់នៅពេលរសៀល។ក្រុមប្រឹក្សាសន្តិសុខអង្គការសហប្រជាជាតិបានជួបប្រជុំគ្នានៅថ្ងៃនេះដើម្បីពិភាក្សាអំពីស្ថានភាពរបស់មីយ៉ាន់ម៉ា។
សហភាពអ៊ឺរ៉ុប (EU) ក៏បានសម្តែងការប្រឆាំងដោយនិយាយថាការបាញ់សម្លាប់ជនស៊ីវិលដែលគ្មានអាវុធបានរំលោភច្បាប់អន្តរជាតិហើយបានចោទប្រកាន់កងទ័ពមីយ៉ាន់ម៉ាថាជំរុញការគាបសង្កត់លើប្រព័ន្ធផ្សព្វផ្សាយនៅពេលដែលអ្នកសារព័ត៌មានកាន់តែច្រើនត្រូវបានចាប់ខ្លួននិងចោទប្រកាន់។ប្រទេសមីយ៉ាន់ម៉ាបានស្ថិតក្នុងភាពច្របូកច្របល់ចាប់តាំងពីយោធាបានចាប់ខ្លួនទីប្រឹក្សារដ្ឋលោកស្រីAung San Suu Kyiនិងមន្ត្រីជាន់ខ្ពស់កាលពីថ្ងៃទី១កុម្ភៈដោយលើកឡើងពីការចោទប្រកាន់មិនជោគជ័យនៃការក្លែងបន្លំនៅក្នុងការបោះឆ្នោតរបស់ពួកគេកាលពីខែវិច្ឆិកាឆ្នាំ២០២០។
សូមបញ្ជាក់ថាកញ្ញាគីយ៉ាលស៊ិន(Kiyal Sin)ជាមនុស្សម្នាក់ក្នុងចំណោម ៣៨នាក់ផ្សេងទៀតដែលត្រួវបានសម្លាប់ក្នុងបាតុកម្មកាលពីថ្ងៃពុធ ។ មកទល់ពេលនេះរបបយោធានៅតែបន្តបង្ក្រាបក្រុមបាតុករមិនសំចៃដៃ ខណៈចំនួនអ្នកស្លាប់កើនឡើងដល់៥៤នាក់៕
