វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3893 នាក់
ម្សិលមិញ 5467 នាក់
សរុប 14163470 នាក់
បន្ទាយមានជ័យ ៖ អាជ្ញាធរខេត្តបន្ទាយមានជ័យ បានដឹកនាំកម្លាំងពាក់ព័ន្ធ ចុះផ្អាកសកម្មភាពលក់ដីឡូត៍របស់ក្រុមហ៊ុន ម៉ន ដានី ដែលមានគម្រោងរាប់សិបហិចតា ព្រោះខ្លាចបង្កហានីយភ័យឬគ្រោះថ្នាក់ដល់ប្រជាពលរដ្ឋដែលជាអតិថិជន។ ទីតាំងដីក្រុមហ៊ុន KP MORN DANY Land & House ឬ ម៉ន ដានី លក់ដីឡូតិ៍នៅផ្លូវជាតិលេខ៥ នៅភូមិ/សង្កាត់ទឹកថ្លា ក្រុងសិរីសោភ័ណ និងភូមិសាលាក្រហម ឃុំសំរោង ស្រុកអូរជ្រៅ គឺបន្តល្មើសច្បាប់តាំងពីចាប់ផ្តើមហើយនៅតែប្រព្រឹត្តបន្ត។ នេះបើតាមការបញ្ជាក់អាជ្ញាធរនៅថ្ងៃទី១២ ខែមករា ឆ្នាំ២០២៣។
លោកលី សារី អភិបាលរងខេត្តបន្ទាយមានជ័យបានឲ្យដឹងថា មូលហេតុនៃការ ចុះទៅពិនិត្យមើលនេះ គឺដោយសារមានលិខិតស្នើសុំចាក់ដីរបស់ឈ្មោះ ម៉ន ដានី (ម្ចាស់ក្រុមហ៊ុន) គឺពាក្យស្នើសុំអនុញ្ញាតច្បាប់បំពេញអាចម៍ដីកម្មសិទ្ធិឯកជន ( ចាក់ដី ) ហើយមិនទាន់មានលិខិតអនុញ្ញាត បានធ្វើ សកម្មភាពចាក់ដីសងសំណង់ ផ្សព្វផ្សាយកក្រើកមេឃកក្រើកដីលក់ដីលំនៅឋាន និងវិឡា។ (យោងលិខិតរបស់មន្ទីររៀបចំដែនដី នគរោបនីយកម្ម សំណង់និងសុរិយោដី ខេត្ត , បើពិនិត្យលើឯកសារដី មានឈ្មោះផ្សេងៗ និង៌មិនមានិខិតអនុញ្ញាតគ្រប់ប្រភេទនៅឡើយ)។
លោកឡុង វុធ អនុប្រធានមន្ទីររៀបចំដែនដី នគរោបនីយកម្ម សំណង់និងសុរិយោដីទទួលបន្ទុកសំណង់ បានបញ្ជាក់ថា ករណីក្រុមហ៊ុននេះ មន្ត្រីជំនាញបានចុះពិនិត្យ រួចហើយ។ នៅពេលចាក់ដីដំបូង ខាងមន្ទីរបានជូនដំណឹងដែរ តែក្រុមហ៊ុនមិនអនុវត្តតាម (មិនគោរពច្បាប់)។ ហេតុនេះ ទើបកន្លងមកមន្ទីរចុះមកម្តងទៀតនិងរៀបចំឯកសារអោយផ្អាកសកម្មភាពលក់ដីឡូតិ៍ ផ្ទះល្វែង វិឡាផងដែរ ដោយក្រុមហ៊ុនពុំមានច្បាប់។
ហើយដីជារបស់គេ(ម្ចាស់ដើម) ដីមិនទាន់បានស្នើសុំច្បាប់កែប្រែប្រភោតដីនៅឡើយ(ពីដីស្រែមកជាដីលំនៅឋានឬផលិតកម្មនានា) និងបានរំលោភលើដីសាធារណ:របស់រដ្ឋ(ចំណីផ្លូវថ្នល់ជាតិលេខ៥) ដែលបានទទួលនូវសំណងផលប៉ះពាល់ពីរដ្ឋនៃអន្តរក្រសួងរួចហើយផងដែរ។