រុស្ស៊ីបើកការវាយប្រហារទ្រង់ទ្រាយធំ លើបណ្តាញអគ្គិសនីអ៊ុយក្រែន ក្នុងពេលដែលប្រធានាធិបតីជាប់ឆ្នោតថាបញ្ចប់ក្នុង១ថ្ងៃ
30-March-2025 / ព័ត៌មានអន្តរជាតិ
អ៊ុយក្រែន៖ រុស្ស៊ី នៅថ្ងៃអាទិត្យនេះបានបើកការវាយប្រហារតាមអាកាសទ្រង់ទ្រាយធំ ទៅលើប្រទេសអ៊ុយក្រែន ដោយបាញ់មីស៊ីលនិងយន្តហោះដ្រូនរាប់រយគ្រាប់និងគ្រឿង ដែលបណ្តាលឱ្យមនុស្សយ៉ាងហោចណាស់ ៧នាក់ស្លាប់ និងបំផ្លាញប្រព័ន្ធថាមពលអ៊ុយក្រែនយ៉ាងធ្ងន់ធ្ងរ។
ទីភ្នាក់ងារសារព័ត៌មាន Reuters នៅថ្ងៃទី១៧ ខែវិច្ឆិកា ឆ្នាំ២០២៤បានឲ្យឹងថា៖ជាការវាយប្រហារតាមអាកាសដ៏ធំបំផុតរបស់រុស្ស៊ីមកលើអ៊ុយក្រែន ក្នុងរយៈពេល ៣ខែចុងក្រោយនេះ។ ការវាយប្រហារនេះ កើតឡើងស្របពេលដែលអ៊ុយក្រែនកំពុងត្រៀមខ្លួនសម្រាប់រដូវរងា និងបន្ទាប់ពីមានការទទួលជ័យជម្នះ ក្នុងការបោះឆ្នោតប្រធានាធិបតីអាមេរិករបស់លោក ដូណាល់ ត្រាំ ដែលបានសន្យាថានឹងបញ្ចប់សង្គ្រាមនៅអ៊ុយក្រែន។
អ៊ុយក្រែនអះអាងថា ខ្លួនបានបាញ់ទម្លាក់មីស៊ីល និងយន្តហោះគ្មានមនុស្សបើកភាគច្រើន ប៉ុន្តែការវាយប្រហារនេះនៅតែបណ្តាលឱ្យមានការខូចខាតយ៉ាងធ្ងន់ធ្ងរ ដល់ប្រព័ន្ធថាមពល និងហេដ្ឋារចនាសម្ព័ន្ធសំខាន់ៗ។ក្រសួងការពារជាតិរុស្ស៊ីបានបញ្ជាក់ថា ការវាយប្រហាររបស់ខ្លួនគឺផ្តោតលើកន្លែងផលិតថាមពលដែលផ្គត់ផ្គង់ដល់រោងចក្រយោធា និងឧស្សាហកម្មរបស់អ៊ុយក្រែនប៉ុណ្ណោះ។
ក្រុមហ៊ុនផ្គត់ផ្គង់ថាមពល DTEK របស់អ៊ុយក្រែន បានរាយការណ៍ពីការខូចខាតយ៉ាងធ្ងន់ធ្ងរដល់ប្រព័ន្ធថាមពល និងស្ថានីយផលិតថាមពលរបស់ខ្លួន។ ហើយមន្ត្រីអ៊ុយក្រែនបានបញ្ជាក់ពីការខូចខាត និងការដាច់ចរន្តអគ្គិសនីនៅក្នុងតំបន់ជាច្រើននៅទូទាំងប្រទេស។
សូមបញ្ជាក់ថានៅថ្ងៃសៅរ៍ចុងសប្តាហ៍នេះ ប្រធានាធិបតីអ៊ុយក្រែន លោក Volodymyr Zelensky បានមានប្រសាសន៍សម្តែងការជឿជាក់ថា "បញ្ហាសង្គ្រាមរវាងអ៊ុយក្រែននិងរុស្ស៊ីអាចនឹងបញ្ចប់ក្នុងពេលឆាប់ៗខាងមុខ" ក្រោមរដ្ឋបាលដឹកនាំថ្មីសហរដ្ឋអាម៉េរិករបស់លោកដូណាល់ត្រាំដែលទើបបានឈ្នះឆ្នោតជាប្រធានាធិបតី។លោក Zelensky លើកឡើងដូច្នេះ ក្រោយពីលោកបានជួបសន្ទនាតាមទូរស័ព្ទជាមួយលោកដូណាល់ត្រាំ ដោយបានធើ្វការផ្តោះប្តូរទស្សនៈគ្នាក្នុងន័យស្ថាបនាលើកិច្ចខិតខំស្វែងរកដំណោះស្រាយបញ្ចប់សង្គ្រាមនៅអ៊ុយក្រែន។តែយ៉ាងណាក្តី លោក Zelensky មិនបានបញ្ជាក់អំពីការកំណត់លក្ខខណ្ឌររបស់លោកដូណាល់ត្រាំ ដើម្បីជាថ្នូរនឹងការបញ្ចប់សង្គ្រាមជាមួយរុស្ស៊ីនៅក្នុងកិច្ចសន្ទនានោះឡើយ ប៉ុន្តែលោកបានអះអាងថា លោកត្រាំមិនបានធើ្វការទាមទារអ្វីដែលផ្ទុយទៅនឹងជំហររបស់អ៊ុយក្រែននោះឡើយ។
គួរជម្រាបថា នៅក្នុងសារនយោបាយរបស់លោកដូណាល់ត្រាំនាពេលកន្លងមក លោកតែងបង្ហាញជំហរចង់បញ្ចប់សង្គ្រាមនៅអ៊ុយក្រែនឱ្យបានឆាប់ៗ និងប្រកាសចាត់ទុករឿងនេះជាកិច្ចការអាទិភាពរបស់លោក ប្រសិនបើលោកមានឱកាសក្លាយប្រធានាធិបតីអាម៉េរិកជាលើកទីពីរ ដើម្បីបញ្ឈប់នូវអ្វីដែលលោកហៅថា ជាការបង្ហិនធនធានដ៏ច្រើនសម្បើមរបស់សហរដ្ឋអាម៉េរិកក្នុងការជួយគាំទ្រអ៊ុយក្រែននៅក្នុងសង្គ្រាមរយៈពេលជិត ៣ឆ្នាំមកនេះ។កាលពីដើមឆ្នាំ ២០២៤កន្លងតៅ សភាអាម៉េរិកសម័យរដ្ឋបាលលោកចូបៃដឹនបានបោះឆ្នោតអនុម័តកញ្ចប់ជំនួយយោធាយ៉ាងច្រើនលើសលុបសរុបជាទឹកប្រាក់ ៦១ពាន់លានដុល្លារទៅឱ្យអ៊ុយក្រែន។បើគិតចាប់តាំងពីការផ្ទុះសង្គ្រាមនេះមក អាម៉េរិកបានផ្តល់ជំនួយឱ្យអ៊ុយក្រែនសរុបជាទឹកប្រាក់ជាង ៥៥ពាន់លានដុល្លារ។ នេះបើយោងតាមរបាយការណ៍ពីវិទ្យាស្ថានសិក្សាផ្នែកសេដ្ឋកិច្ចមួយរបស់ប្រទេសអាល្លឺម៉ង់។
ក្រៅពីការវាយប្រហាររុស្ស៉ីបានប្រាប់ប្រទេសអូទ្រីសថា ខ្លួននឹងបញ្ឈប់ការចែកចាយឧស្ម័នកាត់តាមអ៊ុយក្រែន ចាប់ពីថ្ងៃសៅរ៍ ទី១៦ ខែវិច្ឆិកានេះតទៅ ។ការបញ្ឈប់វាក៏ជាសញ្ញាបង្ហាញថា លំហូរចុងក្រោយនៃឧស្ម័នរបស់ទីក្រុងមូស្គូ ទៅកាន់អឺរ៉ុបកាន់តែជិតដល់ពេលបញ្ចប់ដែរ។ ទីភ្នាក់ងារសារព័ត៌មាន Reutersបានផ្សាយថាអធិការបតីអូទ្រីស លោក Karl Nehammer បាននិយាយថា ការជូនដំណឹងរបស់ក្រុមហ៊ុន Gazprom របស់រុស្ស៉ីអំពីការបញ្ចប់ការផ្គត់ផ្គង់ត្រូវបានរំពឹងទុកជាយូរមកហើយ ហើយអូទ្រីស ក៏បានត្រៀមលក្ខណៈរួចរាល់ដែរ។ លោកNehammer បានប្រាប់អ្នកយកព័ត៌មានដូច្នេះថា គ្មានគ្រួសារណាមួយត្រូវរងានោះទេ កន្លែងស្តុក គឺមានហ្គាសគ្រប់គ្រាន់។
ផ្លូវនាំចេញឧស្ម័នដ៏ចំណាស់បំផុតរបស់រុស្ស៉ីទៅកាន់អឺរ៉ុប គឺបំពង់បង្ហូរប្រេងមានអាយុកាលតាំងពីសម័យសូវៀត ឆ្លងកាត់អ៊ុយក្រែន ក៏នឹងត្រូវបិទនៅចុងឆ្នាំផងដែរ។ រុស្ស៉ី នឹងនៅតែផ្គត់ផ្គង់ឧស្ម័នឱ្យតែហុងគ្រី ស្លូវ៉ាគីប៉ុណ្ណោះ ដោយហុងគ្រីទទួលបានឧស្ម័នតាមរយៈបំពង់បង្ហូរប្រេង ដែលភាគច្រើនឆ្លងកាត់តួកគី។គួរបញ្ជាក់ថា មុនសង្គ្រាមនៅអ៊ុយក្រែនផ្ទុះឡេីង រុស្ស៉ីបានបំពេញតម្រូវការឧស្ម័ន ៤០ភាគរយរបស់សហភាពអឺរ៉ុប។ ទាក់ទងហ្កាសនេះអ៊ុយក្រែននិយាយថា ខ្លួននឹងមិនបន្តកិច្ចព្រមព្រៀងបញ្ជូនឧស្ម័នឆ្លងកាត់ជាមួយក្រុមហ៊ុន Gazprom គ្រប់គ្រងដោយរដ្ឋរុស្ស៉ីទៀតនោះទេ ដេីម្បីដកហូតប្រាក់ចំណេញដែលជួយផ្តល់ហិរញ្ញប្បទានដល់សង្គ្រាម ប្រឆាំងនឹងប្រទេសខ្លួន៕
.jpg&h=97&w=146)
.jpg&h=97&w=146)
