វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3968 នាក់
ម្សិលមិញ 6359 នាក់
សរុប 14090601 នាក់
អាមេរិក៖ កាលពីថ្ងៃទី១៥ខែកញ្ញាតំណាងប្រទេស អារ៉ាប់រួម បារ៉ែននិងអ៊ីស្រាអែល បានចុះកិច្ចព្រមព្រៀង ធ្វើឲ្យប្រសើរឡើងនៅទំនាក់ទំនងការទូតឲ្យកាន់ តែប្រសើរឡើងក្រោមអធិបតីភាពប្រធានាធិបតី អាមេរិក ដូណាល់ ត្រាំ នៅសេតវិមាន ។សារព័ត៌មានរ៉យទ័រ បានផ្សាយថា នេះគឺជាលទ្ធផលនៃការខិតខំប្រឹងប្រែង របស់អាមេរិក ក្នុងការកែប្រែ ពីការស្អប់អ៊ីស្រាអែល មកជាការបង្កើតទំនាក់ទំនង យ៉ាងជិតស្និតទៅវិញ។
នាយករដ្ឋមន្ត្រីអ៊ីស្រាអែល លោកបិនជាមិននេតាន់យ៉ាហ៊ូ( Benjamin Netanyahu )បានចុះហត្ថលេខាលើកិច្ចព្រមព្រៀង ជាមួយរដ្ឋមន្ត្រីការបរទេសអារ៉ាប់រួមលោកស្ហេកអាបដុលឡាប៊ិនហ្សាយ៉េតអាល់ណាយ៉ាំង( Sheikh Abdullah bin Zayed al-Nahyan )និងរដ្ឋមន្ត្រីការបរទេស ប្រទេសបារ៉ែនលោកអាបឌុលឡាទិហ្វអាល់ហ្សាយ៉ានី(Abdullatif Al Zayani)។
សូមបញ្ជាក់ថាប្រទេសអារ៉ាប់រួម គឺជាប្រទេសទី៤ក្នុងតំបន់អារ៉ាប់ ដែលបានបង្កើនទំនាក់ទំនងជាមួយប្រទេសអ៊ីស្រាអែល ចាប់តាំងពី អ៊ីស្រាអែលចុះហត្ថលេខាលើសន្ធិសញ្ញាសន្តិភាពជាមួយប្រទេស អេហ្ស៊ីប នៅឆ្នាំ១៩៧៩ និង ហ្ស៊កដង់នៅឆ្នាំ១៩៩៤ ។ការចុះកិច្ចព្រមព្រៀង នៅថ្ងៃទី១៥ខែកញ្ញាគឺជាជ័យជម្នះជាប្រវត្តិសាស្ត្រ ក្នុងវិស័យកិច្ចការបរទេស របស់ប្រធានាធិបតី ដូណាល់ ត្រាំក៏ដូចជាអាមេរិក។ លោកត្រាំបានប្រកាសថា អ៊ីស្រាអែលនឹងចុះហត្ថលេខាលើកិច្ចព្រមព្រៀងជាមួយប្រទេស៩ផ្សេងទៀត ក្នុងតំបន់អារ៉ាប់ ក្នុងនោះមាន អារ៉ាប៊ីសាអូឌីតផងដែរ៕