វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2051 នាក់
ម្សិលមិញ 8227 នាក់
សរុប 14128932 នាក់
ប្រទេសឥណ្ឌា៖នារីវ័យជំទង់ម្នាក់មកពីវណ្ណៈដាលីតត្រូវបានបុរសវណ្ណៈខ្ពស់ចំនួន៤នាក់ចាប់រំលោភរហូតដល់បាត់បង់ជីវិតកាលពីថ្ងៃអង្គារទី១៤កញ្ញា។
ព័ត៌មានស្តីពីការចាប់រំលោភនេះបានបង្កកំហឹងក្នុងចំណោមសកម្មជន អ្នកនយោបាយនិងសូម្បីតែក្រុមតារាភាពយន្តបូលីវូត។ពួកវណ្ណៈដាលីតចំនួន២០០លាននាក់នៅឥណ្ឌារងការរើសអើងនិងការរំលោភបំពានជាយូរមកហើយ ហើយពួកអ្នកធ្វើយុទ្ធនាការនិយាយថា ការវាយប្រហារនិងរំលោភបែបនេះបានកើនឡើងក្នុងអំឡុងប្រទេសជួបវិបត្តិកូវីដ១៩ដ៏អាក្រក់អាក្រីជាងគេក្នុងលោក។
តាមបណ្តឹងប្តឹងដោយគ្រួសារនាងទៅកាន់ប៉ូលិសបានឲ្យដឹងថានារីរងគ្រោះវ័យ១៩ឆ្នាំត្រូវបានវាយដំយ៉ាងព្រៃផ្សៃនៅក្នុងរដ្ឋអ៊ុតតា ប្រាដែស កាលពីថ្ងៃ១៤កញ្ញា ។ជនជាប់ចោទទាំង៤នាក់ត្រូវបានចាប់ខ្លួនផងដែរនិងប្រឈមការចោទប្រកាន់ពីមទមនុស្សឃាត។ជនរងគ្រោះត្រូវបាននាំទៅកាន់មន្ទីរពេទ្យមូលដ្ឋានមួយ មុនត្រូវបានបញ្ជូនទៅកាន់ពេទ្យធំនៅក្រុងញូវដេល្លីកាលពីថ្ងៃចន្ទទី២៨កញ្ញា តែស្ថានភាពរបួសរបស់នាងកាន់តែធ្ងន់ធ្ងរឡើងនិងបានស្លាប់កាលពីថ្ងៃអង្គារទី២៩កញ្ញា។
កាលពីប៉ុន្មានខែមុនមានបុរស៤នាក់ត្រូវបានចាប់ព្យួរកដោយសារតែចាប់រំលោភបូកនិងសម្លាប់និស្សិតស្រីម្នាក់យ៉ាងកម្រោលនៅលើរថយន្តក្រុងក្នុងទីក្រុងញូវដេល្លីកាលពីឆ្នាំ២០១២។ពួកតារាភាពយន្តបូលីវីត តារាកីឡាគ្រិកឃិតនិងសកម្មជនស្ត្រី បានចេញមកបញ្ចេញមតិនៅក្នុងបណ្តាញសង្គមយ៉ាងព្រោងព្រាតដើម្បីថ្កោលទោសអំពើព្រៃផ្សៃនេះ។
សកម្មជន កាវីតា គ្រីសណាន់ បាននិយាយថា ការវាយប្រហារនេះឆ្លុះបញ្ចាំងរូបភាពធំឡើងនៃអំពើហិង្សាជាប្រព័ន្ធលើស្ត្រីវណ្ណៈដាលីត។តាមពិតស្ត្រីនៅឥណ្ឌាទទួលរងការរំលោភផ្លូវភេទក្នុងកំរិតប្រកាសអាសន្ន មិនថាគេនៅក្នុងវណ្ណៈណាទេ។ការចាប់រំលោភជិត៣៤.០០០ករណីត្រូវបានរាយការណ៍នៅឆ្នាំ២០១៨នៅក្នុងប្រទេសនេះ ។ព្រីយ៉ាន់កា គន្ធីរ សមាជិកសភាបក្សប្រឆាំង បានបន្ទោសការវាយប្រហារនេះលើស្ថានភាពច្បាប់និងសណ្តាប់ធ្នាប់កាន់តែចុះអន់ថយទៅនៅក្នុងរដ្ឋអ៊ុតតា ប្រាដែស ដែលគ្រប់គ្រងដោយគណបក្សរបស់នាយករដ្ឋមន្ត្រី ណារេនដ្រា ម៉ូឌី៕