វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2044 នាក់
ម្សិលមិញ 3528 នាក់
សរុប 14188429 នាក់
តួគី៖ចំនួនអ្នកស្លាប់ដោយសារការរញ្ជួយដីដ៏ខ្លាំងដែលបានវាយប្រហារនៅភាគខាងត្បូងប្រទេសទួរគីជាប់ព្រំដែនស៊ីរី មានមនុស្សចំនួន ជាង១ពាន់នាក់ បានស្លាប់និងជាង២៣០០ នាក់បានរងរបួស។ លើសពីនេះ អគារជាង ១៧០០ នៅក្នុងទីក្រុងចំនួន១០ត្រូវបានខូចខាត។ ទីភ្នាក់ងារគ្រប់គ្រងគ្រោះមហន្តរាយ និងគ្រាអាសន្នទួរគី (AFAD) បានអំពាវនាវដល់សហគមន៍អន្តរជាតិឱ្យជួយបន្ទាប់ពីការរញ្ជួយដីដ៏ខ្លាំងក្លាដែលបានសម្លាប់មនុស្សជាច្រើននៅភាគខាងត្បូងនៃប្រទេស។
ទីភ្នាក់ងារនេះបាននិយាយថា ខ្លួនត្រូវការជំនួយពីសហគមន៍អន្តរជាតិ “នៅក្នុងតំបន់នៃការស្វែងរកនិងជួយសង្គ្រោះទីក្រុង” នេះបើយោងតាម CNN ។អ្នកស្ម័គ្រចិត្តជិត ១០០០នាក់មកពីទីក្រុងអុីស្តង់ប៊ុល ត្រូវបានដាក់ពង្រាយទៅកាន់តំបន់រងគ្រោះ ដើម្បីជួយក្នុងការងារជួយសង្គ្រោះ។សេចក្តីរាយការណ៍បានឲ្យដឹថា៖តំបន់ការ៉ាម៉ាន់ម៉ារ៉ាស Kahramanmaras ប្រទេសតួកគី ដែលនៅចម្ងាយប្រមាណតែ៦០គីឡូម៉ែត្រពី ព្រំប្រទល់ប្រទេសស៊ីរី ជាចំណុចស្នូលនៃការរញ្ជួយដីពីរ។ ការរញ្ជួយដីទីមួយ កំរិត៧,៨វ៉ិចទ័រ កើតឡើងនៅក្នុងស្រទាប់ដីជម្រៅ ប្រមាណ ១៧,៩ នៅវេលាម៉ោង១និង១៧ភ្លឺម៉ោងសកល ត្រូវជាម៉ោង៤និង១៧នាទីម៉ោងក្នុងស្រុក និង វាយប្រហារយ៉ាងខ្លាំងលើ៧ខេត្តរបស់តួកគីនិងប្រទេសស៊ីរី។ អមដោយរលករញ្ជួយតូច៥០បន្ថែមទៀតនៅតួកគី កម្លាំងនៃការរញ្ជួយដីបានអង្រួនភាគអាគ្នេយ៍តួកគីទាំងមូល និងរង្គើរហូតដល់ប្រទេសលីបង់ កោះស៊ីប ព្រមទាំងតំបន់ហ្កូអេនឡង់ផង បើតាមការបញ្ជាក់របស់ភ្នាក់ងារភូគព្ភសាស្ត្រាដាណឺម៉ាក។ ប៉ុន្មានក្រោយមកទៀត នៅវេលាម៉ោង១០និង២៤នាទីម៉ោងសកល វិទ្យាស្ថានអាមេរិកបានជូនដំណឹងអំពីការរញ្ជួយទីពីរ កំរិត ៧,៥វ៉ិចទ័រ នៅក្រុងអេគីណូហ្សូ Ekinozu។
ការរញ្ជួយដីនេះគឺមានកម្លាំងខ្លាំងបំផុតមួយដែលបានអង្រួនប្រទេសទួរគីក្នុងរយៈពេលជាង ១០០ឆ្នាំ ដោយអង្រួនតំបន់ដ៏ធំមួយបណ្តាលឱ្យអគារជាច្រើនដួលរលំ។ក្រុមអ្នកជួយសង្គ្រោះកំពុងព្យាយាមស្វែងរកមនុស្សដែលបាត់ខ្លួននៅក្នុងគំនរបាក់បែកក្នុងអាកាសធាតុរដូវរងាត្រជាក់ និងភ្លៀងធ្លាក់ខ្លាំង។មានប្រទេសជាច្រើនបានប្រកាសផ្ដល់ជំនួយដល់តួកគី និងស៊ីរី ក្នុងនោះរួមមានចាប់ពីសហរដ្ឋអាមេរិក សហភាពអឺរ៉ុប រហូតដល់ប្រទេសរុស្ស៉ី និងអ៊ុយក្រែនដែលកំពុងជាប់ដៃវាយប្រយុទ្ធគ្នា ក្នុងសង្គ្រាម ក៏បាន សន្យាផ្ដល់ជំនួយផងដែរ។ ថ្លែងនៅសាររបស់ខ្លួនផ្ញើទៅកាន់សមភាគីស៊ីរី លោក បាស្សា អាល់អាសាដ និងលោក អឺដូហ្កាន់ លោក ពូទីន បានចូលរួមរំលែកទុក្ខដ៏ក្រៀមក្រំ និងបានសន្យាផ្ដល់ជំនួយដើម្បី ជួយប្រទេសទាំង២ ជម្នះពេលវេលាដ៏លំបាកនេះ។ ចំណែកឯ លោកប្រធានាធិបតីអ៊ុយក្រែន លោក ហ្សេលេនស្គី បាននិយាយថាប្រទេសរបស់លោកដែលកំពុងរងការខ្ទេចខ្ទាំដោយសារសង្គ្រាម បានត្រៀម ខ្លួនរួចជាស្រេចដើម្បីជួយស៊ីរី និងតួកគី។ ក្រៅតែរុស្ស៉ី និងអ៊ុយក្រែន អ៉ីរ៉ង់ ប៉ូឡូញ អាល្លឺម៉ង សាធារណរដ្ឋឆែក ស្វីស និងចក្រភពអង់គ្លេសក៏បានប្រកាសផ្ដល់ជំនួយដល់ស៊ីរី និងតួកគីផងដែរ។
តាមសេចក្តីរាយការណ៍ថ្មីឲ្យដឹងថា មកទល់ឥឡូវ ចំនួនអ្នកស្លាប់បានបន្តកើនជិតដល់ ១,៤០០នាក់ហើយ ។ ប្រធានាធិបតីតួកគី លោក អឺដូហ្កាន់ បានប្រាប់ថា មនុស្សយ៉ាងហាស់ចំនួន៩១២នាក់ បានបាត់បង់ជីវិត នៅក្នុងប្រទេសរបស់លោក។ ដោយឡែក ក្នុងប្រទេសស៉ីរីវិញដែលនៅក្បែរខាងវិញ តួលេខចុងក្រោយបានបង្ហាញថា មនុស្សយ៉ាងតិច ៤៧៣នាក់ក៏បានស្លាប់ផងដែរ៕