វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 88 នាក់
ម្សិលមិញ 4563 នាក់
សរុប 14167464 នាក់
កំពត៖ កាលពីថ្ងៃទី១៦ ខែវិច្ឆិកា ឆ្នាំ២០២២ មានប្រជាពលរដ្ឋប្រមាណជាង ៣០០គ្រួសារ បានប្រមូលផ្គុំគ្នានៅលើដីស្រែអំបិលមួយកន្លែង ស្ថិតនៅភូមិកំពង់សំរោងខាងជើង ឃុំកំពង់សំរោង ស្រុកទឹកឈូ ខេត្តកំពត ដើម្បីធ្វើការតវ៉ា ក៏ដូចជាគាំទ្រដល់ភាគីចាញ់ក្តី ដែលជាអ្នកធ្លាប់ផ្តល់ការងារ និងធ្លាប់រួមសុខទុក្ខក្នុងការផលិតអំបិលជាមួយពួកគាត់អស់រយៈពេលរាប់សិបឆ្នាំមកហើយនោះ ត្រូវបានតុលាការច្រានចោល និងថា មិនមែនជាម្ចាស់ដីស្រែអំបិលទៅវិញ និងថែមទាំងបង្គាប់ឱ្យចាកចេញ និងត្រូវសង់ជំងឺចិត្ត និងការខូចខាតជាច្រើនលានរៀលទៀតផង។
តំណាងប្រជាពលរដ្ឋ លោក ផាង ប៉េង បានលើកឡើងថា អ្នកភូមិទាំងអស់គ្នាគាំទ្រ និងទទួលស្គាល់ លោក ស៊ុន កេង និងលោក ណុប សារ៉េត ពិតជាម្ចាស់ដីស្រែអំបិលនៅក្នុងតំបន់ក្រុមសាមគ្គីនេះ ហើយដីស្រែរបស់លោកផ្ទាល់ ក៏បានលក់ទៅឱ្យលោក ស៊ុន កេង ដើម្បីគ្រប់គ្រងផងដែរ។ ពីមុនមកលោកធ្លាប់ធ្វើការជាមួយតែ លោក ស៊ុន កេង និងលោក ណុប សារ៉េត ដែលជាម្ចាស់ដីតែប៉ុណ្ណោះ រីឯអ្នកផ្សេងទៀតមិនដែលបានស្គាល់នោះឡើង តែឃើញយូរៗមកម្តងតែប៉ុណ្ណោះ។ ការណ៍នេះ លោកមិនទទួលស្គាល់ចំពោះអ្នកដែលចង់បាននោះទេ ព្រោះលោកគ្រាន់តែដឹងច្បាស់ថា ដីនេះជាដីរបស់ លោក ស៊ុន កេង និងលោក ណុប សារ៉េត។
ពាក់ព័ន្ធនឹងបញ្ហាទំនាស់ខាងលើនេះ មេឃុំកំពង់សំរោង លោក ជាវ នាង បានឱ្យដឹងដែរថា ដំបូងឡើយក្រុមសាមគ្គី បានធ្វើអំបិលរួមគ្នាចំនួន ៦នាក់(មាន ៦ហ៊ុន) ហើយក្រោយៗមកទៀតក៏នៅសល់តែ លោក ស៊ុន កេង និងលោក ណុប សារ៉េត ដែលបន្តធ្វើរហូតមក និងបានឈរឈ្មោះទិញដីស្រែពីប្រជាពលរដ្ឋ ដើម្បីពង្រីកផ្ទៃដីស្រែអំបិលបន្ថែមទៀត។ ប៉ុន្តែលោកមិនដឹងទេថា តើលុយនោះជាលុយផ្ទាល់ខ្លួន ឬលុយរបស់ក្រុមសាមគ្គី ដែលមានអ្នកស្រី ឈុន ហ៊ឹង ជាដើមបណ្តឹងមានហ៊ុនដែរ ឬយ៉ាងណានោះ។
សួមបញ្ចាក់ថា នៅក្នុងសាលក្រម បានសម្រេចឱ្យអ្នកស្រី ឈុន ហ៊ឹង រស់នៅភូមិសុវណ្ណសាគរ សង្កាត់កំពង់កណ្តាល ក្រុងកំពត(ជាដើមបណ្តឹង)ឈ្នះ និងមានសិទ្ធិកាន់កាប់ដីស្រែងអំបិលរបស់ក្រុមសាមគ្គីទាំងមូល ដែលមានផ្ទៃដី ៣១,៥៩ហិកតា.។ តែបើតាមការបញ្ជាក់ពីភាគីម្ខាងទៀតថា ដីនោះក៏មានចំណែកដីរបស់ លោក ស៊ុន កេង និង ណុប សារ៉េត ដែលបានទិញរួមគ្នាចំនួន ១៨ហិចតា និង២០អា។ ចំណែកដីរបស់ លោកស្រី ផាង មុំ ចំនួន ៤ហិចតា និង៣០អា និងដីរបស់ លោក អេល មីន ចំនួន ២ហិចតា និង៥០អា ផងដែរ។
ទោះយ៉ាងណាក៏ដោយ បើតាមការបញ្ជាក់របស់ លោក អ៊ឹម ច័ន្ទសោធន អភិបាលស្រុកទឹកឈូ ថា ករណីខាងលើ ត្រូវបានផ្អាកការអនុវត្តសាលក្រមដោយបង្ខំ និងបើកឱកាសឱ្យប្រជាពលរដ្ឋដាក់ពាក្យប្តឹងសុំសើរើសំណុំរឿងឡើងវិញផងដែរ៕