វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7354 នាក់
ម្សិលមិញ 8227 នាក់
សរុប 14134235 នាក់
ខេត្តក្រចេះ៖ក្រុមហ៊ុន កាម៉ាដេនូ វេនឈ័រ ខេមបូឌាលីមីតធីត ដែលជាក្រុមហ៊ុនដាំដុះដំណាំអំពៅ ផលិតស្ករអំពៅ និងផលិតថាមពលអគ្គិសនីតែមួយគត់ស្ថិតនៅឃុំអូរគ្រៀង ស្រុកសំបូរ ខេត្តក្រចេះ ប្រកាសរើសកម្មករកាប់អំពៅចំនួន ១០០០នាក់បន្ថែមទៀតនារដូវប្រមូលផលនេះក្នុងពេលលោក វ៉ា ថន អភិបាលនៃគណៈអភិបាលខេត្តក្រចេះ បានដឹកនាំក្រុមការងារចុះពិនិត្យអំពីវឌ្ឍនភាពនៅក្នុងរោងចក្រផលិតស្ករអំពៅ និងរោងចក្រផលិតថាមពលអគ្គិសនី និងការដាំដុះដំណាំអំពៅកាលពីរសៀលថ្ងៃទី០៥ ខែធ្នូ ឆ្នាំ២០២២ម្សិលមិញនេះ។
ក្រុមហ៊ុន កាម៉ាដេនូ វេនឈ័រ បានធ្វើការដាំដុះដំណាំអំពៅសាកល្បងលើកដំបូងនៅលើផ្ទៃដីចំនួន ៣ ពាន់ហិកតា និងអនុវត្តតាមផែនការ គឺត្រូវដាំដុះបន្តរហូតដល់ចំនួន ១ ម៉ឺនហិកតា ប្រើប្រាស់កម្មករចំនួន ២០០០ ទៅ ២៥០០នាក់។ ក្រុមហ៊ុនកាម៉ាដេនូ វេនឈ័រ បច្ចុប្បន្នក្រុមហ៊ុនកំពុងខ្វះកម្មករ និងត្រូវការជ្រើសរើសកម្មករកាប់អំពៅចំនួន ១០០០ នាក់បន្ថែមទៀត ដោយក្រុមហ៊ុនផ្ដល់កន្លែងស្នាក់នៅសមរម្យ មានទឹក និងភ្លើង ប្រើប្រាស់មិនគិតលុយ ដោយប្រាក់ចំណូលបែងចែកជាពីរផ្នែក គឺកាប់គិតហិចតាដោយក្នុង១ហិចតា ៨០ម៉ឺនរៀល និងកាប់អំពៅគិតជាតោន ក្នុង១តោន ១៧ ០០០រៀល។