វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3415 នាក់
ម្សិលមិញ 9706 នាក់
សរុប 14081658 នាក់
វ៉ាស៊ិនតោន៖ រដ្ឋមន្ត្រីការបរទេស អាមេរិក លោកម៉ៃប៉ុមពីអូ( Mike Pompeo )នឹងធ្វើទស្សនកិច្ចនៅប្រទេសតួកគីនិង អារ៉ាប៊ីសាអូឌីតដើម្បី ពិភាក្សាជាមួយស្តេចនៃប្រទេសអារ៉ាប៊ីសាអ៊ូឌិត( King Salman )ស្តីពីការបាត់ខ្លួនអ្នកកាសែត លោក Jamal Khashoggi។ “វាពិតជាមានសារៈសំខាន់ ខ្លាំងណាស់ ដែលអាជ្ញាធរតួកគី មានការគាំទ្រដ៏ពេញលេញប្រកបដោយតម្លាភាព ពីរដ្ឋាភិបាលនៃ ប្រទេសអារ៉ាប៊ីសាអូឌីត អាចធ្វើការស៊ើបអង្កេត ដ៏ហ្មត់ចត់ និងចេញបង្ហាញជា ផ្លូវការ នូវលទ្ធផលនៃការស៊ើប អង្កេត នៅពេលបញ្ចប់”។
នេះបើតាមមន្ត្រីនាំពាក្យក្រុម ប្រឹក្សាសន្តិសុខជាតិអាមេរិក ។វត្តមានរបស់លោកប៉េអូលើទឹកដីអារ៉ាប៊ីសាអូឌីតពេលនេះបានធ្វើឡើង ក្រោយពីក្រុមប៉ូលិសតួកគីបានចូលឆែកឆេរក្នុងស្ថានកុងស៊ុលនោះអស់រយៈពេល ៨ម៉ោងនៅយប់ថ្ងៃចន្ទ ទី១៥ តុលា។ ទូរទស្សន៍ CNNបានវាយតម្លៃថា អារ៉ាប៊ីសាអូឌីតទំនងជាត្រៀមខ្លួនទទួលស្គាល់ការស្លាប់លោកខាស្ហូហ្ស៊ី នៅក្នុងស្ថានកុងស៊ុលរបស់ខ្លួនប្រចាំទីក្រុងអ៊ីស្តង់ប៊ុល ប្រទេសតួកគីមែនតែខ្លួនមិនមានជាប់ពាក់ព័ន្ធនឹងឃាតកម្មនោះឡើយ។
ចំណែកការស្លាប់នោះទៀតសោតបានកើតមានឡើងក្នុងពេលសួរចម្លើយលោកខាស្ហូហ្ស៊ីពីសំណាក់ភ្នាក់ងារអារ៉ាប៊ីសាអូឌីត និងដែលការសួរចម្លើយនោះប្រហែលជាបានប្រព្រឹត្តទៅដោយមានការប្រទាញប្រទង់គ្នាខ្លាំង។CNN បបញ្ជាក់ថា ក្រុមជនដៃដល់ដែលបានសម្លាប់លោកខាស្ហូហ្ស៊ីអាចជាក្រុមមនុស្សដែលបញ្ជូនពីអារ៉ាប៊ីសាអូឌីតទៅទឹកដីតួកគីដោយគ្មានការបញ្ជាពីរដ្ឋអំណាចថ្នាក់កំពូលនៅអារ៉ាប៊ីសាអូឌីតទេ។
ទីភ្នាក់ងារចិនស៊ិនហួ ចេញផ្សាយនៅថ្ងៃអង្គារ ទី១៦ ខែតុលានេះ បានឲ្យដឹងថា ប្រធានាធិបតីអាមេរិកលោកដូណាល់ត្រាំ( Donald Trump ) បានចាត់ទុកវាជា ករណីសម្លាប់ដ៏សាហាវមួយ ចំពោះ អ្នកសារព័ត៌មាន ជនជាតិអារ៉ាប៊ីសាអ៊ូឌីត លោកJamal Khashoggi ។
លោកTrump បានឲ្យដឹងថា លោកបានចំណាយពេល ប្រហែល២០នាទីជួប ជាមួយព្រះមហាក្សត្រអារ៉ាប៊ីសាអ៊ូឌិត( Salman Bin Abdulaziz Al Saud )ដែលបានធ្វើការបដិសេធរឿងជាប់ពាក់ពន្ធ័ ករណីបាត់ខ្លួន របស់លោក Khashoggi ។
លោកTrump បានចាត់ទុកថា វាហាក់ដូចជាករណីសម្លាប់ដ៏សាហាវ ប៉ុន្តែនៅពេលដែលយើងគ្រប់គ្នា នៅមិនទាន់ដឹងច្បាស់។ អាមេរិកនឹងប្រឹងប្រែងព្យាយាម ធ្វើការពិនិត្យស្រាវជ្រាវភ្លាមៗទៅលើករណីនេះ ។គួរបញ្ជាក់ថា លោក Jamal Khashoggi គឺជាភ្នាក់ងារសារព័ត៌មាន Washington Post ដែលរិះគន់អារ៉ាប៊ីសាអូឌីត បានបាត់ខ្លួន នៅថ្ងៃទី០២ ខែតុលា បន្ទាប់ពីលោកចូលទៅក្នុងកុងស៊ុលអារ៉ាប៊ីសាអូឌីត នៅទីក្រុងអ៊ីស្តង់ប៊ុលប្រទេសតួគី ។រដ្ឋាភិបាលតួកគីជឿថា លោក Jamal Khashoggi ត្រូវគេសម្លាប់នៅខាងក្នុងអគារកុងស៊ុល ចំណែកសាករបស់លោក ត្រូវបានគេនាំយកចេញ ប៉ុន្តែអារ៉ាប៊ីសាអូឌីតបានបដិសេធចំពោះរឿងនេះ៕