តើប្រពន្ធ័ការពារដែនអាកាសអាមេរិកនិងអ៊ីស្រអែលមួយណាខ្លាំងជាង?
08-July-2026 / ព័ត៌មានអន្តរជាតិ
អ៊ុយក្រែន៖បន្ទាប់ពីរងការវាយប្រហារដោយកាំជ្រួចនិងយន្តគ្មានមនុស្សបើក(ដ្រូន)មកបំផ្លាញហេដ្ឋារចនាសម្ពន្ធ័ស៊ីវីលជាច្រើនតាមទីក្រុងនានាពិសេសទីក្រុងគៀវតម្រូវការប្រពន្ធ័ការពារដែនអាកាសកាន់តែមានភាពចាំបាច់របស់អ៊ុក្រែន។
ករណីយ៍នេះដែរស្របពេលដែលរដ្ឋាភិបាលអាម៉េរិកកំពុងប្រញប់ប្រញាល់រៀបចំបញ្ចូនប្រព័ន្ធការពារដែនអាកាសណាសាម (NASAMS) ដ៏ទំនើបរបស់ខ្លួនមកឱ្យអ៊ុយក្រែនតាមពាក្យសន្យាដែលគេរំពឹងថានឹងអាចមកដល់ដៃយោធាអ៊ុយក្រែនក្នុងរយៈពេលប៉ុន្មានថ្ងៃខាងមុខនេះនៅអ៊ីស្រាអែលឯនុះវិញឯកអគ្គរដ្ឋទូតអ៊ុយក្រែនប្រចាំទីក្រុងហ្សេរុយសាឡឹម( Jerusalem )បានផ្ញើលិខិតមួយច្បាប់ទៅកាន់រដ្ឋមន្ត្រីការបរទេសអ៊ីស្រាអែលដោយបានធើ្វការស្នើសុំប្រព័ន្ធបច្ចេកវិទ្យាការពារដែនអាកាស Iron Dome សម្រាប់ការពារមាតុភូមិកំណើតរបស់ខ្លួនដែលកំពុងរងការវាយប្រហារតាមរយៈផ្លូវអាកាសកាន់តែខ្លាំងឡើងៗពីសំណាក់យោធារុស្ស៊ី។
វេបសាយសារព័ត៌មាន Axios របស់អាម៉េរិកបានឲ្យដឹងថា៖។នៅក្នុងលិខិតនោះដែរ ភាគីប្រទេសអ៊ុយក្រែនបានបង្ហាញអំពីចំណាប់អារម្មណ៍យ៉ាងខ្លាំងចំពោះបច្ចេកវិទ្យាប្រព័ន្ធការពារដែនអាកាសរបស់អ៊ីស្រាអែល ពោលគឺប្រព័ន្ធការពារដែនអាកាស Iron Dome, Barak-8, Patriot, David’s Sling រួមនិងប្រព័ន្ធឡាស៊ែរ Iron Beam ជាដើម ដែលសុទ្ធសឹងជាប្រព័ន្ធការពារដែនអាកាសដែលមានប្រសិទ្ធខ្ពស់នៅក្នុងការសាកល្បងរយៈពេលកន្លងមក។ រដ្ឋាភិបាលអ៊ុយក្រែនក៏ចង់បានផងដែរ នូវការគាំទ្ររបស់អ៊ីស្រាអែលក្នុងការជួយបណ្ដុះបណ្ដាលទៅដល់ក្រុមអ្នកជំនាញការយោធារបស់ខ្លួនក្នុងការប្រើប្រាស់ប្រព័ន្ធបច្ចេកវិទ្យាខាងលើនេះ។សូមបញ្ជាក់ថាក្រៅពីអាមេរិកក៏មានសព្វាវុធដែលសន្យាផ្តល់ដោយចក្រភពអង់គ្លេស កាណាដា បារាំង និងហូឡង់ រួមមានមីស៊ីល និងរ៉ាដា។ ប្រព័ន្ធបច្ចេកវិទ្យាខ្ពស់របស់ប្រទេសអាល្លឺម៉ង់ ត្រូវបានបញ្ជូនទៅអ៊ុយក្រែន រួចទៅហើយ។
ចក្រភពអង់គ្លេស នឹងបរិច្ចាគមីស៊ីលការពារដែនអាកាស ក៏ដូចជាដ្រូនរាប់រយគ្រឿង ដើម្បីគាំទ្រដល់ការប្រមូលព័ត៌មាន និងសមត្ថភាពដឹកជញ្ជូនរបស់អ៊ុយក្រែន។ អង់គ្លេស ក៏នឹងផ្តល់កាំភ្លើងធំ Howitzer ចំនួន១៨គ្រឿង បន្ថែមពីលើ ៦៤គ្រឿង ដែលត្រូវបានចែកចាយរួចហើយផងដែរ។ថ្លែងបន្ទាប់ពីកិច្ចប្រជុំនៅទីក្រុងព្រុចសែលកាលពីថ្ងៃពុធ រដ្ឋមន្ត្រីការពារជាតិអាមេរិក លោក Lloyd Austin បាននិយាយថា “យើងនឹងធ្វើអ្វីគ្រប់យ៉ាងដែលអាចធ្វើបាន ដើម្បីប្រាកដថាអ៊ុយក្រែន មានអ្វីដែលមានប្រសិទ្ធភាព”។ ប្រធានាធិបតីបារាំងលោក Emmanuel Macron បានលើកឡើងថា ទីក្រុងប៉ារីសនឹងផ្គត់ផ្គង់ប្រព័ន្ធការពារដែនអាកាសដល់អ៊ុយក្រែន។
នៅក្នុងបទសម្ភាសន៍មួយទៅកាន់ទូរទស្សន៍ France 2, លោកមិនបានបញ្ជាក់ពីប្រព័ន្ធណាមួយដែលត្រូវបញ្ជូនទៅនោះទេ ប៉ុន្តែលោកនិយាយថា អាទិភាពចម្បងរបស់ពួកគេ គឺត្រូវការពារប្រជាជនពីយន្តហោះគ្មានមនុស្សបើក។ចំណែកប្រទេសហូឡង់ បានបញ្ជាក់ថា ខ្លួននឹងផ្តល់ប្រព័ន្ធការពារដែនអាកាសប្រាក់ដែលមានទំហំទឹកប្រាក់ ១៤.៥លានដុល្លារ ខណៈប្រទេសកាណាដា ប្តេជ្ញាផ្តល់ជំនួយយោធាជាង ៣៤លានដុល្លាររួមទាំងប្រព័ន្ធទំនាក់ទំនងផ្កាយរណប និងកាមេរ៉ាដ្រូនផងដែរ។ការសន្យានេះ ធ្វើឡើង នៅពេលសម្ព័ន្ធមិត្តអ៊ុយក្រែនមកពី៥០ប្រទេស ជួបប្រជុំគ្នានៅទីស្នាក់ការកណ្តាលអង្គការណាតូ ក្នុងទីក្រុងព្រុចសែល នៃប្រទេសបែលហ្ស៊ិកកាលពីថ្ងៃទី១៣តុលា។
ចឹង តើប្រព័ន្ធការពារដែនអាកាស Iron Dome របស់អ៊ីស្រាអែល និង NASAMS របស់សហរដ្ឋអាម៉េរិកមានលក្ខណៈខុសគ្នាដូចម្តេចបានជាធើ្វឱ្យអ៊ុយក្រែនហាក់ដូចជាមិនទាន់ស្កប់ចិត្ត?។ប្រព័ន្ធការពារដែនអាកាស NASMAS មានន័យថា ប្រព័ន្ធបច្ចេកវិទ្យាមីស៊ីលការពារដែនអាកាសកម្រិតខ្ពស់ (National Advanced Surface-to-Air Missile System) គឺត្រូវបានផលិតឡើងដោយក្រុមហ៊ុនអភិវឌ្ឍន៍បច្ចេកវិទ្យាយោធា Raytheon ហើយនិង Kongsberg របស់សហរដ្ឋអាម៉េរិក ដែលជាអ្នកជំនាញខាងបច្ចេកវិទ្យាប្រព័ន្ធការពារមីស៊ីលបានថ្លែងបញ្ជាក់ឱ្យដឹងថា ប្រព័ន្ធ NASAMS គឺជាប្រភេទប្រព័ន្ធការពារដែនអាកាសរយៈចម្ងាយមធ្យម មានសមត្ថភាពអាចបត់បែនបានឆាប់រហ័សទៅតាមស្ថានការណ៍ ដែលបំពាក់ទៅដោយគ្រឿងបច្ចេកវិទ្យាយោធាចុងក្រោយបំផុតដើម្បីបង្កើនប្រសិទ្ធភាពរបស់វានៅក្នុងការកំណត់គោលដៅ ហើយនិងបាញ់កំទេចគ្រាប់មីស៊ីលរួមនិងយន្តហោះចម្បាំង។
ចំណែកឯប្រព័ន្ធ Iron Dome របស់អ៊ីស្រាអែលឯណោះវិញ ត្រូវបានអភិវឌ្ឍន៍ឡើងដោយក្រុមហ៊ុនបច្ចេកវិទ្យាយោធា Rafael នៃក្រសួងការពារជាតិអ៊ីស្រាអែល ដែលជាប្រព័ន្ធការពារដែនអាកាសរយៈចម្ងាយខ្លីងាយស្រួលនៅក្នុងការចល័ចនិងដាក់ពង្រាយ និងមានប្រសិទ្ធខ្ពស់ក្នុងការបាញ់ទប់ស្កាត់គ្រាប់រ៉ុកកែត គ្រាប់មីស៊ីល គ្រាប់ផ្លោង រួមនិងយន្តហោះដ្រូនដ៏ទៃដែលមានរយៈចម្ងាយខ្លី មិនថាស្ថិតនៅក្នុងអាកាសធាតុដែលមានចុះអ័ព្ទ ពពកក្រាស់ ហើយនិងភ្លៀងធ្លាក់ខ្លាំងយ៉ាងណានោះទេ៕ប្រភព៖ Newsweek
