» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 6014 នាក់

ម្សិលមិញ 5544 នាក់

សរុប 13947111 នាក់

សកម្មជន​ដីធ្លី​ម្នាក់​នៅ​ស្រុក​តំបែរ ខេត្ត​ត្បូងឃ្មុំ ត្រូវបាន​ជន​មិន​ស្គាល់មុខ​ព្រួត​វាយ​ឱ្យ​រងរបួស​នៅ​ភ្នំពេញ​

​ភ្នំពេញ​៖​សកម្មជន​ដីធ្លី​នៅ​សហគមន៍​ស្រែប្រាំង ខេត្ត​ត្បូងឃ្មុំ លោក ហឿន ស៊ី​នាត ប្រាប់​កាសែត​ថា កាលពី​វេលា​ម៉ោងជាង​៨​យប់ ថ្ងៃទី​១៦ ខែតុលា មាន​ជន​មិន​ស្គាល់មុខ​៣​នាក់ ជិះ​ម៉ូតូ​២​គ្រឿង ចុះមក​ព្រួត​វាយ​លោក​នៅ​ម្ដុំ​បឹងត្របែក ខណ្ឌចំការមន រាជធានី​ភ្នំពេញ បណ្ដាលឱ្យ​រងរបួស​ត្រូវ​ត្រង់​ថ្ពាល់​ខាងឆ្វេង​ដេរ​៣​ថ្នេរ និង​ត្រូវ​ក្បាល ខណៈ​លោក​និង​មិត្តភក្តិ​២​នាក់​ទៀត បាន​ដើរ​ទៅរក​ទិញ​អាហារ​ទទួលទាន ក្រោយពី​ចូលរួម​សិក្ខាសាលា​រឿងដីធ្លីនៅភ្នំពេញ។​a beat land 

​លោក ហឿន ស៊ី​នាត អះអាងថា គាត់មិន​ស្គាល់មុខ​ជនបង្ក ឬ​ធ្លាប់​មានរឿង​អ្វី​ជាមួយគ្នា​ពីមុនមក​នោះទេ​។ លោក​ថា ករណីនេះ លោក​បានដាក់​ពាក្យបណ្ដឹង​ទៅ​ប៉ុស្តិ៍នគរបាល​សង្កាត់​ផ្សារ​ដើមថ្កូវ រួចហើយ នៅ​ថ្ងៃទី​១៧ ខែតុលា​នេះ ដើម្បីឱ្យ​ស្វែងរក​ជនបង្ក​មក​ទទួលខុសត្រូវ​តាមច្បាប់​។​​លោក​បន្ថែមថា​៖ «​ខ្ញុំ​ឮ​គាត់​[​ជនបង្ក​]​ស្រែក​ពី​ចម្ងាយ “​អាហ្នឹង​ឌឺៗ​” ហើយ​ខ្ញុំ​ក៏​មិនបាន​ចាប់អារម្មណ៍​ដែរ ព្រោះ​ខ្ញុំ​អត់​បាន​ស្គាល់​ពួកគាត់ និង​មានរឿង​អី​ជាមួយ​អ្នកណា​ដែរ ហើយ​ពេលដែល​គាត់​ជិះ​ម៉ូតូ​មកដល់​ជិត​ខ្ញុំ​ហ្នឹង ពួកគាត់​ក៏​ចុះ​ពីលើ​ម៉ូតូ​វាយយកៗ ហើយក៏​ឡើង​ម៉ូតូ​បក​ទៅវិញ អត់​បាន​និយាយ​គ្នា​អី​ទេ​»​។​​នាយប៉ុស្តិ៍​រដ្ឋបាល​សង្កា​ត់​ផ្សារ​ដើមថ្កូវ លោក សូ សំបាន មានប្រសាសន៍ថា លោក​មិនទាន់បាន​ទទួលបាន​ប​ណ្ដឹ​ង​ពី​ជនរងគ្រោះ​នៅឡើយ​ទេ ដោយសារ​លោក​រវល់​ម​ក​ធ្វើ​ការងារ​ខាងក្រៅ ប៉ុន្តែ​លោក​ថា ប្រសិន​ជាមាន​ពាក្យបណ្ដឹង សមត្ថកិច្ច​របស់លោក​មិន​ព្រងើយកន្តើយ​ឡើយ​ក្នុង​ការធ្វើ​កិច្ចការងារ​នេះ​។​

​ប្រធាន​សមាគម​សម្ព័ន្ធ​សហគមន៍​កសិករ​កម្ពុ​ជា លោក ថេ​ង សាវឿន មានប្រសាសន៍ថា ករណី​មាន​ជន​មិន​ស្គាល់មុខ​វាយ​សកម្មជន​ដីធ្លី​ដោយ​មិនដឹង​មូលហេតុ​នេះ បង្ហាញ​ពី​អសន្តិសុខ​សង្គម និង​ការអនុវត្ត​គោលការណ៍​ភូមិ​ឃុំ​មាន​សុវត្ថិភាព​របស់​អាជ្ញាធ​រ​មូលដ្ឋាន​នៅ​ពុំទាន់​បានល្អ​ប្រសើរ​នៅឡើយ​។​​លោក​បន្ថែមថា​៖ «​អ៊ីចឹង​យើង​ស្នើ​ដល់​អាជ្ញាធរ​មូលដ្ឋាន ត្រូវតែ​វែកមុខ​រក​ជន​ដែល​បាន​ប្រព្រឹត្ត​ហ្នឹង​មក​ផ្តន្ទាទោស​តាមច្បាប់ និង​កសាង​សំណុំរឿង​។ ហើយ​ត្រូវតែ​ធានា​សន្តិសុខ​ដល់​ប្រជាពលរដ្ឋ​ទូទៅ មិនមែន​សម្រាប់តែ​ជា​ប្រជាពលរដ្ឋ​ខាង​ក្រុម​ខ្ញុំ​ទេ គឺ​សម្រាប់​ប្រជាពលរដ្ឋ​ទូទៅ ដើម្បី​ធានាបាន​អំពី​ការអនុវត្ត​គោលការណ៍​ភូមិ​ឃុំ​មាន​សុវត្ថិភាព ហើយ​យើង​ក៏​មិន​ចង់ឃើញ​ការប្រើប្រាស់​ហិង្សា​ណាមួយ​ទៅលើ​ប្រជាពលរដ្ឋ​ដែរ​»​។​

​សូមបញ្ជាក់ថា​លោក ហឿន ស៊ី​នាត ដែលជា​ជនរងគ្រោះ គឺ​ស្ថិត​ក្នុងចំណោម​តំណាង​សហគមន៍​ស្រែប្រាំង ស្រុក​តំបែរ ខេត្ត​ត្បូងឃ្មុំ ចំនួន ៨​នាក់ ដែល​សាលាដំបូង​ខេត្ត​ត្បូងឃ្មុំ កាត់ទោស​ឲ្យ​ជាប់ពន្ធនាគារ​ម្នាក់ ៧​ឆ្នាំ ពីបទ​កំហែង​យក​ដោយមាន​ស្ថាន​ទម្ងន់ទោស ដោយសារតែ​ព្យាយាម​ធ្វើ​សកម្មភាព​ការពារ​ដីធ្លី​សហគមន៍​របស់​ពួកគាត់ ដែល​ក្រុមហ៊ុន​ចិន​ឈ្មោះ ហា​មិ​នី​វេន អ៊ិន​វេ​ស្ត​មេន (Hamenivent Investment) ឈូសឆាយ​រំលោភ​យក​ទំហំ ៧៨៥​ហិកតារ​។​ប៉ុន្តែ​ទោស​នេះ ក្រោយមក សាលាឧទ្ធរណ៍​ត្បូងឃ្មុំ បាន​បន្ថយ​មក​ត្រឹម​ជាង​២​ឆ្នាំ​វិញ​។ គិត​មកទល់ពេលនេះ លោក ហឿន ស៊ី​នាត ទើបតែ​ត្រូវបាន​តុលាការ​ដោះលែង​ចេញពី​ពន្ធនាគារ​រយៈពេល​ប្រមាណ ១​ខែ​ប៉ុណ្ណោះ​។​a beat land1