វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9883 នាក់
ម្សិលមិញ 8227 នាក់
សរុប 14136764 នាក់
រាជធានីភ្នំពេញ : នៅ វេលាម៉ោងជាង ៨ព្រឹកថ្ងៃទី១៨ ខែឧសភា ឆ្នាំ២០២៣ មានក្រុមចោរប្រដាប់អាវុធមួយក្រុម (ជិះម៉ូតូអាសង់២គ្រឿង មានគ្នា៤នាក់) បាធ្វើសកម្មភាព. វាយប្លន់.អ្នកលក់មាស ដែលចេញពីផ្ទះទៅផ្សារស្ទឹងមានជ័យចាស់ យកបានគ្រឿងអលង្ការនិងប្រាក់ (គិតជាទឹកប្រាក់ជិត២០ម៉ឺនដុល្លារ) ដោយជោគជ័យ។ ក្រោយពីចោទៅបាត់កម្លាំងអធិការដ្ឋាននគរបាលខណ្ឌមានជ័យ និងកម្លាំងកងរាជអាវុធហត្ថខណ្ឌមានជ័យបាន ធ្វើការសាកសួរតាមជំនាញជុំវិញកន្លែងកើតហេតុ នៅចំណុចផ្ទះមួយកន្លែង ស្ថិតនៅតាមផ្លូវបេតុងលេខ៦២ ក្នុងសង្កាត់ស្ទឹងមានជ័យ ខណ្ឌមានជ័យ។
ជនរងគ្រោះដែលជាប៉ូលីសព្រំដែនមួយរូបដែរត្រូវបានក្រុមចោរវាយមួយស្នាប់កាំភ្លើងរបួសបែកក្បាលខណៈកំពុងយកមាស ផ្លាកទីន និងលុយយកទៅឲ្យប្រពន្ធដាក់លក់នៅក្នុងផ្សារស្ទឹងមានជ័យចាស់ ។ជនរងគ្រោះ មានឈ្មោះ អូន ហៀកភេទប្រុស អាយុ ៥៥ឆ្នាំ មុខរបរមន្ត្រីប៉ូលីសព្រំដែន ស្នាក់នៅផ្ទះលេខ ៧៨ក្រុម២ភូមិមានជ័យ២សង្កាត់ស្ទឹងមានជ័យ១ ចំណែកប្រពន្ធឈ្មោះ គង់ ផល្លា ភេទស្រី អាយុ ៥០ឆ្នាំ មុខរបរលក់មាស ស្នាក់នៅជាមួយគ្នា។
ប្រភពពីប្រពន្ធជនរងគ្រោះបានឲ្យដឹងថាប្ដីរបស់គាត់បានស្ពាយកាបូបនិងមានមាសទឹក១០ចំនួន ១២ តម្លឹង ផ្លាកទីនទឹក៧ និងទឹក ៣ ចំនួន ២០០តម្លឹង និងលុយខ្មែរចំនួន ១៥០ លានរៀលចេញពីផ្ទះរបស់គាត់ រួចដើរទៅតូបលក់មាសរបស់ប្រពន្ធគាត់នៅក្នុងផ្សារស្ទឹងមានជ័យ។ ស្របពេលនោះក៏មានជនសង្ស័យចំនួន ៤ នាក់ ជិះម៉ូតូ២រឿង ប្រដាប់ដោយអាវុធខ្លីមួយដើមជិះតាមគាត់ពីក្រោយហើយដកភ្លើងវាយក្បាលរបស់គាត់ រួចប្រតាយប្រតប់គ្នាដណ្ដើមយកលុយនិងគ្រឿងអលង្ការរបស់គាត់ និងបាញ់គំរាមក្រុមអាជីវករចំនួន ៣ គ្រាប់ ហើយពួកវានាំគ្នាជិះម៉ូតូរត់រត់គេចខ្លួនបាត់ស្រមោលតែម្ដងទៅ។