វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8097 នាក់
ម្សិលមិញ 8227 នាក់
សរុប 14134978 នាក់
កំពង់ស្ពឺ៖ ប្រធានក្រុមប្រឹក្សារខេត្តកំពង់ស្ពឺ លោក យឹម សុខុម បានរងរបួស និងបញ្ជូនទៅកាន់មន្ទីរពេទ្យ ក្រោយជួបឧបទ្ទវហេតុគ្រោះថ្នាក់ចរាចរណ៍រថយន្តបុកដើមឈើ ទាំងព្រឹក ថ្ងៃទី៣០ ខែមិថុនា ឆ្នាំ២០២២នៅ តាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ៥៧-៥៨សិ្ថតក្នុងភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ។
សមត្ថកិច្ច ឲ្យដឹងថា នៅថ្ងៃកើតហេតុ លោក យឹម សុខុម បានធ្វើដំណើរតាមរថយន្តមួយគ្រឿង ម៉ាកឡិចស៊ិស ៤៧០ ពណ៌ស ពាក់ស្លាកកំពង់ស្ពឺ ២C ៦៦៧៧ ជាមួយអ្នកបើកបរឈ្មោះ ស៊ុន សុផា ភេទប្រុស អាយុ២៧ឆ្នាំ បើកបរពីទិសខាងកើត ទៅទិសខាងលិច ដើម្បីចូលរួមកម្មវិធីជួបសំណេះសំណាល និងសួរសុខទុក្ខសិស្សនាយនគរបាល សិស្សនាយនគរបាលរង ដែលកំពុងសិក្សាវគ្គបណ្តុះបណ្តាលកម្រិតបឋមវិជ្ជាជីវៈនគរបាលជំនាន់ទី១៥ នៅសាលានគរបាលជាតិជំនាន់ទី១៥ ក្រោមវត្តមានសម្តេចក្រឡាហោម ស ខេង។ ពេលធ្វើដំណើរដល់ចំណុចកើតហេតុ បានបើកគេចរថយន្តដឹកប្រេងមិនស្គាល់ម៉ាកនិង អត្តសញ្ញាណអ្នកបើកបរមួយគ្រឿង ក្នុងទិសដៅបញ្ចាស់គ្នាបណ្តាលឱ្យធ្លាក់ផ្លូវទៅខាងស្តាំបុកជាមួយដើមអំពិលពេញទំហឹង បណ្តាលឱ្យរងរបួស។
ក្រោយពេលកើតហេតុមន្ត្រីជំនាញបានហៅរថយន្តសាមុយរបស់មន្ទីរពេទ្យដឹកយកទៅកាន់មន្ទីរពេទ្យខេត្តដើម្បីសង្គ្រោះបន្ទាន់។ ចំពោះរថយន្ត ត្រូវបានស្ទូចយកមករក្សាទុកនៅការិយាល័យចរាចរណ៍ផ្លូវគោកខេត្តកំពង់ស្ពឺ។ជុំវិញករណីគ្រោះថ្នាក់ចរាចរណ៍នេះដែរ មិនមានប្រភពណាមួយអាចបញ្ជាក់ពីស្ថានភាពរងរបួសរបស់លោកប្រធានក្រុមប្រឹក្សាខេត្តខាងលើបានទេ តែគេគ្រាន់តែបានដឹងថា លោក យឹម សុខុម ត្រូវបានបញ្ជូនបន្តទៅមន្ទីរពេទ្យនៅរាជធានីភ្នំហើយ៕