វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9226 នាក់
ម្សិលមិញ 8227 នាក់
សរុប 14136107 នាក់
រុស្ស៊ី៖ប្រធានាធិបតីរុស្ស៊ីលោកពូទីន បានចុះហត្ថលេខាលើច្បាប់បញ្ចូលរោងចក្រអគ្គិសនីដើរដោយថាមពលបរមាណូ Zaporozhye ជាទ្រព្យសម្បត្តិរបស់រុស្ស៊ី ។ ទីភ្នាក់ងារសារព័ត៌មានរុស្ស៊ី TASS បានផ្សាយថា ច្បាប់ដែលបានចុះហត្ថលេខាកាលពីថ្ងៃទី៥ខែតុលា ក្នុងនោះបានសរសេរថា «រដ្ឋាភិបាលរុស្ស៊ីនឹងអនុវត្តវិធានការចាំបាច់ដើម្បីបង្កើតសិទ្ធិគ្រប់គ្រងរោងចក្រអគ្គិសនីបរមាណូ និងទីតាំងជាច្រើនផ្សេងទៀត ។
ប្រធានាធិបតីពូទីន បានចេញបញ្ជាដល់រដ្ឋាភិបាលបង្កើតក្រុមហ៊ុនរដ្ឋដើម្បីគ្រប់គ្រងរោងចក្រអគ្គិសនីដើរដោយថាមពលបរមាណូដើម្បីធានាដល់សន្តិសុខ សុវត្ថិភាពទ្រព្យសម្បត្តិរបស់រុស្ស៊ី ។ លិខិតអនុញ្ញាត សម្រាប់ដំណើរការរោងចក្រអគ្គិសនី និងបុគ្គលិកធ្វើការនៅទីនោះ ដែលបានផ្តល់ជូននៅថ្ងៃទី៣០ខែកញ្ញា នឹងបន្តមានប្រសិទ្ធភាពរហូតដល់លិខិតអនុញ្ញាតថ្មីចេញតាមច្បាប់របស់រុស្ស៊ី។ អតីតប្រធានវិស្វកររោងចក្រអគ្គិសនីដើរដោយថាមពលបរមាណូ លោក Balakovo Oleg Romanenko នឹងដឹកនាំក្រុមហ៊ុនដំណើរការរោងចក្រអគ្គិសនី Zaporozhye។
តាមសារព័ត៌មាន RTបញ្ជាក់ថា ប្រធានាធិបតីពូទីនបានចុះហត្ថលេខាខាងលើ ក្រោយពេលរុស្ស៊ីបានដាក់បញ្ជូលខេត្តចំនួន៤ របស់អ៊ុយក្រែនស្ថិតនៅក្រោមការគ្រប់គ្រងរបស់រុស្ស៊ី ។ តំបន់ទាំង ៤ ដែលរុស្ស៊ីទើបបានផ្តាច់យកពីអ៊ុយក្រែនកាលពីថ្ងៃទី៣០ កញ្ញាកន្លងទៅមានតំបន់ដូណេតស៍ តំបន់លូហ្កង់ស្ក៍ តំបន់ឃឺសិន និងតំបន់ហ្សាប៉ូរីចា។ តំបន់ទាំង ៤ នេះស្ថិតនៅប៉ែកខាងកើត និងខាងត្បូងអ៊ុយក្រែន។ សម្រាប់ក្រុងមូស្គូ តំបន់ទាំង ៤ នេះបានក្លាយជាទឹកដីរុស្ស៊ីផ្លូវការ ទោះបីជាមានការថ្កោលទោសខ្លាំងក្លា និងគ្មានការទទួលស្គាល់ពីសហគមអន្តរជាតិក៏ដោយ។ តែសម្រាប់អ៊ុយក្រែនវិញ តំបន់ទាំង ៤ នេះបានបន្ត កំពុងបន្ត និងបន្តស្ថិតនៅជាទឹកដីរបស់ខ្លួនផ្លូវការជានិច្ចដែលខ្លួនត្រូវតែយកពីដៃរុស្ស៊ីត្រឡប់វិញ។ ប្រទេសលោកខាងលិចបានច្រើនបានច្រានចោលលទ្ធផលបោះឆ្នោត ដោយចោទប្រកាន់ថាជាសន្លឹកឆ្នោតក្លែងក្លាយ៕